سؤال بخصوص البونتو كلاسيك

[koke780]

السلام عليكم ورحمة الله وبركاته
معلش انا هوجعلكو دماغكو بس اصلي لسة جديدة في العربيات
دلوقتي انا جيبت البونتو الكلاسيك والحمد لله والعربية يادوب عامله 1000 كيلو التكيف بتاعها باظ ورحت التوكيل قالولي انا قطعة الغيار غير موجودة وهيبعتو يجيبوها في خلال شهر
تاني حاجة العربية وانا برجع ورا بتصفر فا انا مش عارفة دة طبيعي ولا دة بقى التقفيل الصيربي هو اللي عامل كدة
فيعني اللي جرب وشايف ان العربية مش قد كدة يقولي لأني مش عارفة فكرت اذا هي هتستمر كدة ابيعها وهي لسة جديدة ولا دي مجرد حجات عرضية يعني ؟
ومعلش بتعبكو

[icehearted girl]

التكييف باظ ازاي؟؟؟؟؟؟؟؟؟؟؟ الحمدلله معايا كويسة معادا بس صوت الصفير اللي بيطلع ماطنابير لما بمشي جنب الرصيف او ف مكان ضيق

[M_wahba]

يا جماعة انا جايب بونتو كلاسيك 2011 من شهر 9 الفات ومشيت بيها 10000 العربية بيبان جمالها كل ما تمشى بيها
بالنسبة للتكييف اعتقد ان دى حالة طارئة انا التكيف شغال معايا مافيهوش اى مشاكل
انا بس عاوز اقول معلومة ان العربية معايا قبل ال 1000 غير بعد الألف و كمان بانت اكتر بعد ال 5000
الفنش كويس و بصراحة انا ما اشتكتش منها

[adel1414]

يا جماعة انا جايب بونتو كلاسيك 2011 من شهر 9 الفات ومشيت بيها 10000 العربية بيبان جمالها كل ما تمشى بيها
بالنسبة للتكييف اعتقد ان دى حالة طارئة انا التكيف شغال معايا مافيهوش اى مشاكل
انا بس عاوز اقول معلومة ان العربية معايا قبل ال 1000 غير بعد الألف و كمان بانت اكتر بعد ال 5000
الفنش كويس و بصراحة انا ما اشتكتش منها

كلااام سليم اووووووى

[M_wahba]

كلااام سليم اووووووى

دى الحقيقى يا بوب
وانشاء الله انا رايح اعمل صيانة ال 10000 يوم السبت و حعمل تقرير مصور عن العربية

[koke780]

انا كلموني النهاردة من الضمان وقالولي انهم جابو قطعة الغيار اللي بايظة وقالولي دة عيب صناعة وهما ملزمين بية
انا بصراحة كنت خايفة يكون هو دة الطبيعي وانا اصلي مقدرش امشي بعربية ممكن توقف بيا في اي وقت وانا بيكون معايا اطفال
وكنت فكرت ابيعها بس طالما انتو شايفين ان دة شي عرضى فخلينا نشوف شوية كمان هتعمل فيا اية

[adel1414]

طب الحمد لله دى حاجة كويسة وتحسب لهم حضرتك خليكى معاهم للاخر وربنا يسهل وكلوا يتحل

[haany_ghazy]

هل العربية بتسقف معاكم

[M_wahba]

هل العربية بتسقف معاكم

حضرتك تقصد اية بكلمة تسقف؟

[icehearted girl]

ككنت لسه داخلة اكتب موضوع بخصوص الحكاية دي طول منا مشغلة التكييف الموتور بيسقف فلغيارات بطريقة واضحة جدا

[Moe86]

بيسقف للصبح , خصوصا لو الدنيا حر و مشغل التكييف
الموضوع دة بايخ قوى , و حتى لو الحل أحط بنزين 95, مش هينفع يعنى و اللتر ب275 !

[koke780]

معلش هو اية المقصود بانها بتسقف؟؟؟؟؟؟؟؟