لمبة جنب الولاعة ف ال128

[shob]

السلام عليكم و رحمة الله و بركاتة

انا عندى سؤال مش عارف اسالة هنا ولا اية :( على العموم يا رب اكون سئالت فى المكان الصح
انا لسة جايب عربية 128 مستعملة موديل 87 بس قولت اغير فيها الحاجات الاساسية الاول كل يوم يطلعلى فيها حاجة بس اخيرا صوتها و المساعدين اتظبطو لاكن فية حاجة غيظانى عندى مكان كدة جنب الولاعة فية لمبة صغيرة اموت و اعرف دى شغاله على طول مع الكونتكت لية هيا مكانتش شغالة لغاية ما غيرت الكوندينسر :( و كمان فية بنزين بينقط من الخرطوم اللى طالع من الفلتر و داخل على الحلة اللى فوق اللى فيها الكاربيراتير ف لو حد يقولى اعمل اية اكون شاكر جدا

[shob]

النهاردة نزلت الجراج تانى ابص عليها و اسخنها عشان امشى اللمبة فضلت قايدة لحد ما طلعتها من المخزن و للاسف البنزين لسة بينقط و شكلى هروح للميكانيكى :( تانى:(

[saadelden]

اربط الافيز الي الخرطوم بينقط من عنده
و لو بايظ هات واحد غيره ب ربع جنيه

[abofarah]

بالنسبه لموضوع اللمبه دى اكيد لمبة المروحه بتاعة التبريد شوف كده اول ما تدور الربيه افتح الكبوت و بص على المروحه شوفها شغاله و لا لاء .................. لو شغاله يبقى المروحه شغاله ديركت و لازم تروح لكهربائى يفصلهالك علشان كده هتتحرق بسرعه و لو مش شغاله المروحه و اللمبه لسه قايده يبقى برضوا تروح لكهربائى و ربنا معاك فى ال 128....

[SS]

اللمبة ديه بتاعة فرامل اليد و الزيت الباكم....الا اذا كان حد غيرها و خلاها بتشتغل مع حاجة تانى

البنزبن ممكن يكون بتسرب نتيجة قطع فى الخرطوم او لانه مش راكب عدل او الافيز بتاعه مش مربوط كويس

لازم تعالج تسريب البنزين و ما تستعملهاش الا لما تحله

[abofarah]

اللمبة ديه بتاعة فرامل اليد و الزيت الباكم....الا اذا كان حد غيرها و خلاها بتشتغل مع حاجة تانى

البنزبن ممكن يكون بتسرب نتيجة قطع فى الخرطوم او لانه مش راكب عدل او الافيز بتاعه مش مربوط كويس

لازم تعالج تسريب البنزين و ما تستعملهاش الا لما تحله

+ 1

[shob]

اللمبة ديه بتاعة فرامل اليد و الزيت الباكم....الا اذا كان حد غيرها و خلاها بتشتغل مع حاجة تانى

البنزبن ممكن يكون بتسرب نتيجة قطع فى الخرطوم او لانه مش راكب عدل او الافيز بتاعه مش مربوط كويس

لازم تعالج تسريب البنزين و ما تستعملهاش الا لما تحله

والله مش عارف اقولكو ايه بس الف شكر انا النت عندى كان بايظ بقالة فترة :( بس فعلا اللمبة طلعت فرامل اليد :) و للاسف الخرطوم سليم و الكاربيراتير طلع مشروخ من فوق و بينزل من على الخرطوم بنزين :( يلا الحمد لله و على فكرة انا كنت سايبها فى المخزن عشان الامتحانات و كدة و النت قطع فمقتش عارف اشوف الرددود ف بجد احب اشكر كل اللى ردو :)