شكرا اعضاء فيات الاعزاء

[pirlo2000]

السلام عليكم...

اولا.....الحمدلله رب العالمين .... اللهم اوزعني ان اشكر نعمتك التي انعمت علي....

الحمدلله و بفضل الله استلمت سيراتو كوبيه و تم الترخيص و عاملة في اول يومين اهو حوالي 300 كيلو ...

اللهم بارك لنا جميعا و اكفينا شر سيارتنا.....

انا بس حابب اشكر اعضاء فيات اللي استمتعت معاهم كتير جدا و استفدت بخبراتهم خصوصوا لما كنت هاجيب حبيبة قلبي الايفو..... بس مجبتهاش لاسباب عدة (هما سببين في الحقيقة) و هم زيادة السعر المفاجئ اللي خلاني اطلع في فئة اعلي.... و الاخر هو سمعة التوكيل السيئة و التي اثرت علي سمعة العملاقة فيات (اللي بعتبرها عن نفسي الاب الروحي لصناعة السيارات في العالم ) داخل مصر, رغم ان فيات زمان تقريبا كانت السيارة الاولي في مصر...

و لولا تلك الاسباب كنت جبت ايفو بس الحمدلله جدا اني بفضله جبت الكوبيه لاني عن نفسي اعشق تلك السيارة بجانب الايفو...
برضه سأظل اعشق فيات و خصوصا الايفو و التي تخطف قلبي و نظري حين اراها....

و احب اقول ان لو جه توكيل محترم لفيات في مصر هاكون انشالله اول مشتري للايفو من التوكيل الجديدبجانب معشوقتي الكوبيه (اهو اكون لميت انشالله فلوس تاني :b4_611:)
في الاخر احب اقول شكرا اعضاء قسم فيات الكرام.....ربنا يباركلنا جميعا في سيارتنا و اكيد انشاالله هتشوفوني بشارك معاكم هنا.......

و اخر دعوانا ان الحمدلله رب العالمين

[karimalaa]

انت تنور في أي وقت...و القسم ده بتاعك...أي استفسار عن عربيتك برده لو نقدر نفيدك احنا موجودين وللأسف فعلا أوماترا بيكرهوا الناس في العربيات الفيات بس الحمدلله احنا أخدنا خطوة ايجابية و بعتنا شكاوي كتييييييييييييييييييير لايطاليا و أوماترا في بداية طريق الاصلاح أهو و عملوا اجتماع معانا و ناقشنا فيه المشاكل اللي بتحصل و وعدونا ان كل المشاكل حتتحل...والله لو ما حصلش , ما تقلقش احنا موجودين و ايطاليا موجودة برده و كل اللي أقدر أقولهولك ان توكيل ألفا روميو اتسحب من أوماترا أصلا.... فا ان شاء الله بكره تشتري العربية اللي انت بتحبها من غير ما السوق يفرض عليك حاجة معينة و ربنا يباركلك في عربيتك يا رب و يفرحك بيها.

[Moe86]

تنور قسم فيات فى أى وقت, الكيا الكوبية شكلها حلو جدا, ربنا يباركلك فيها

[pirlo2000]

ربنا يخليكم يا رجالة و يباركلنا جميعا

[ahmedelnahal]

الف مبروك و ربنا يباركلك فيها

[CryptonX]

الف مبروك و اختيارك ممتاز كتوكيل و كسيارة ... المرة الجاية الفا روميو بقى على طول ان شاء الله :)

[pirlo2000]

الله يبارك فيكم..... و يسمع من بقك ربنا يا crypton.............. الفا روميو..... احد الاحلام

[yoko]

مبروك العربيه يا باشا وأنا وريت الموضوع ده لناس في أواترا عشان تعرف إننا بنتكلم بجد وإنهم فعلا بيضيعوا الناس من إيدهم
وبلاش حلم الالفا ده يكبر لإنه هيفضل حلم لفترة كبيرة جدا

[moh.aboelkheir]

مبروك العربيه يا باشا وأنا وريت الموضوع ده لناس في أواترا عشان تعرف إننا بنتكلم بجد وإنهم فعلا بيضيعوا الناس من إيدهم
وبلاش حلم الالفا ده يكبر لإنه هيفضل حلم لفترة كبيرة جدا

الفا حراممممم
و الله لو نزلت ممكن ابيع الايفو و اجري اجيبها !

[wama1903]

مبروووووووووووووووووك :)

[pirlo2000]

الله يبارك فيكم يا جماعة....

و ربنا يباركلنا جميعا......

و شكرا yoko علي توصيل الموضوع لاوماترا لاني كان نفسي حاجة زي ديه تحصل بس معرفش كنت ممكن اعملها ازاي.... عامة اتمني انهم يكونوا بيتحسنوا و متواجهوش معاهم اي مشاكل....

و يارب اوعدنا في يوم بالالفا ( انشالله تست درايف :) )

[yoko]

هههههه مشاكل لسه الزمارة محروقة من كام يوم ومعندهومش وهتيجي في شهر قومت جايب واحده من برة ووصلتها من غير أي قطع في الضفيرة عشان الضمان

[zokla]

الف مبروك يا باشا و ربنا يمتعك بيها و يكفيك شرها

[pirlo2000]

الف مبروك يا باشا و ربنا يمتعك بيها و يكفيك شرها

الله يبارك فيك....ربنا يخليك يا باشا

[khalid_adel]

هههههه مشاكل لسه الزمارة محروقة من كام يوم ومعندهومش وهتيجي في شهر قومت جايب واحده من برة ووصلتها من غير أي قطع في الضفيرة عشان الضمان

ياخوفي يقولولك لا الكلاكس ده صوته عالى وكده يبوظ البودي وورك بتاع العربيه :):):)