يا جماعة ايه رايكم في العربية السوبر فيورا دي ؟

[thegoodhacker]

معروض عليا عربية سوبر فيورا موديل 87 - لونها احمر - حوض فابريقة بالكامل ما عدا الكارتيرة اليمين مرشوشة - بها رقم الفخدة و بها النمرة المعدنية بتاعتها
الشنطة ارضيتها مرشوشة بس نضافة ( علشان ما فيهاش معجون ) بس الجزء اللي شايل الفوانيس الخلفية مش راشش خالص
العتب و القوايم مش كلها راشة بس القايم اليمين اللي ادام فيه اثار معجون ومرشوش
حالة الموتور والعفشة كويسين
المصاريف اللي محتاجاها العربية : الموتور محتاج اويل سيل لاني شايف تسريب زيت بسيط و التابلوه عاوز يترش

فيه حاجة برضه عاوز اتاكد منها : انا شايف فيه فرق بين الكنبة والرفرف اليمين اللي ورا ...... مش عارف ليه الصراحة يا ريت توضحولي السبب لاني ما اظنش ان الرفرف اللي ورا متغير علشان مش شايف اثار لحام مع العتب

صاحبها طالب 19000 نهائي ........ رايكم ايه ؟

[hamadaalo2002]

اعتقد 18000 يبقي كويس اوي

علي فكره التابلوة بتاعها شكله ملوش حل يا ريت مترشوش عشان شكلة حيبقي وحش لو اترش اعتقد انك ممكن تحط فرش عليه حيكون افضل

[YaSSerwIN]

ارفع العربية وبص عليها علشان بيبقا فيه بلاوى مش بتظهر ياعنى مثلا

برومة فى الدواسات

خد بالك فى موضوع القايم دة لأنه ممكن يكون واخد خبطة ومعدول بزرجينة ومرشوش علشان يخفى الاثار

التابلوه مهما هاترشه هايقشر

موضوع الأويل سيل دة هايكلفك مش أقل من 200 الى 300

لأنك هاتفك الماتور والفتيس

على قد ما تقدر تحاول تقلل من ثمنها لأن مافيش عربية بتيجى كاملة

[thegoodhacker]

الف شكر لكم جميعا علي الرد

[hazem_khidr]

17 الف كويس اوي
ال 19 يجبولك عربيه نفس الموديل بس رقم كاتيره

[Nader]

غير كدة محدش بيرش الشنطة نضافة، الا لو

مش فاهم حاجة وابيض خالص في العربيات.


حاول تاخدها ارخص من كدة شوية.

[thegoodhacker]

يعني اوصل معاه لكام يا جماعة ؟
العربية رقم كارتيرة و فابريقة حوض و معظم القوايم والعتب والشنطة سليمة مفيهاش اثار سمكرة

[thegoodhacker]

ارجو الرد يا شباب..... ممكن اوصل السعر لكام ؟ ولو عربية نفس موديلها و فابريقة بالكامل من جوة ومافيهاش مصاريف خالص تمنها ممكن يوصل كام ؟

[wessampo]

بص يا سيدى انا كنت باحلم اشترى 127 1987 لكن فى ظل احتمالات قانون المرور الجديد ممكن يطبق على الملاكى السنة دى او الى بعدها او بعد خمس سنين حتى ساعتها مش هتلاقى حد ياخدها منك ولا حتى ب1000 جنية اسف انى صدمتك لكنى خايف عليك ليس الا ان بجرى فى قرض 5000 جنية علشان اقدر اشترى128 تسعينات

[thegoodhacker]

بص يا سيدى انا كنت باحلم اشترى 127 1987 لكن فى ظل احتمالات قانون المرور الجديد ممكن يطبق على الملاكى السنة دى او الى بعدها او بعد خمس سنين حتى ساعتها مش هتلاقى حد ياخدها منك ولا حتى ب1000 جنية اسف انى صدمتك لكنى خايف عليك ليس الا ان بجرى فى قرض 5000 جنية علشان اقدر اشترى128 تسعينات

الف شكر علي النصيحة يا باشا ....... وربنا يستر

[volcano12]

القانون لن يطبق على الملاكى... كان فيه موضوع على كده قبل كده