استفسار بخصوص الفيات سينا 2008

[topmido]

السلام عليكم و رحمة الله و بركاته

ازيكم يا شباب ؟؟؟
أنا ناوي ان شاء الله أشتري عربية فيات سينا 2008 ، و لكن .... و آه من لكن دي
في واحد صاحبي خوفني من التكييف بتاع السينا عموما :( و بينصحني بالشيفروليه أفيو
ماعرفش الكلام ده صحيح و لا لأ !!!!!!!!!
ياريت لو حد عنده فكرة عن مميزات و عيوب السينا و الأفيو يقول لي و يبقى جزاه الله ألللللللللللللللف خير

رجاءاااااااااااا ماتنسونيش ، أخوكم محتار جداااااااااا

________________________
ممنوع استخدام اللون الاحمر لغير المشاركات الادارية.
مشرف القسم.

[hazem_khidr]

لو حتلاقي سيينا برازيلي هاتها
انما الصيني لاء
بالنسبه للتكييف ف هو جيد جدا و ليس بممتاز
يعني انا مجربه في سيينا 2004 و موتور 1300 فاير كان حلو و مش مؤثر
فبالتاكيد الجديد كده برضه.

[topmido]

ألف شكر

حازم باشا
ألف شكر على اهتمامك يا ريس
ماعلش أخوك خبرته على قدها شوية :o ، أنا أعرف انها ايطالي و بتتقفل في مصر ، أول مرة أسمع موضوع الصيني ده،
عموما أنا هاسأل لو في 2008 برازيلي
طيب انت تنصحني بإيه في الموضوع ده ، أنا عاوز أشتري جديد مش مستعمل و في رينج السينا أو الأفيو
و ألللللللللللللللف شكررررررررررررررر :)

[hazem_khidr]

اولا شكرا علي مجاملتك الرقيقه.
ثانيا قولي حدود المبلغ اللي عاوز تدفعه كام و نبدأ نفكر في العربيه المناسبه ليك.

[CryptonX]

مفيش سيينا مصري زيرو من 2002 تقريبا .

حاليا السيينا - تقفيل صيني كامل و تستورد لمصر و هي شكل البترا الي كان عندنا

البرازيلي الي حازم بيقولك عليها دي زي سيارتي و دي كانت موديل 2006-2007 و التوكيل وقف استيرادها من البرازيل خلاص ( حاليا ) .

[topmido]

حازم باشا

بص يا ريس أنا معاي 72 ، ممكن أزقهم ل 75
ماعلش أنا هاتعبك معاي
بس من قدم شيء بيداه التقاه :p

[topmido]

CryptonX باشا

ألف شكر غلى اهتمامك يا زعيم
طيب اديني رأيك في الموضوع ، أنا محتار بصراحة :(

[CryptonX]

ألف شكر غلى اهتمامك يا زعيم
طيب اديني رأيك في الموضوع ، أنا محتار بصراحة :(

بالنسبة لفيات لو معاك 75

يبقى قدامك البونتو الكلاسيك الايطالي 100%

او الجتز

انما لو عايز سيدان
مفيش غير الاختيارات التقليدية :
فرنا - افيو - لانوس .

[ows212]

ماتزقهم كمان 3000 وهات اليابانى السيريون الحلوة الواسعة اللى تكييفها قوى وموتورها 2 كامة وفيها 2 ايرباج

[fahd_628]

بالنسبة لفيات لو معاك 75

يبقى قدامك البونتو الكلاسيك الايطالي 100%

او الجتز

انما لو عايز سيدان
مفيش غير الاختيارات التقليدية :
فرنا - افيو - لانوس .

+1

و انا جبت لخالتى جيتز و العربية ما شاء الله ممتازة جدا

بالنسبة للبونتو كلاسيك فا هية ممتازة جدا برضة بس مش واسعة من جوة زى الجيتز و محركها ضعيف - 1300 سى سى 60 حصان فقط - و لو بقى تعرف تجيب السيريون يبقى 100 100 و العربية ما شاء الله واسعة جدا جدا و يابانى 100 % بس يعيبها ان شنطتها صغيرة شوية بس هية من ناحية الصالون ممتازة جدا


او اقولك على فكرة

انت تدفع ال 72 او ال 75 مقدم لقسط عربية ممتازة جدا انت تختارها و حيبقى قسط بسيط جدا لأن المقدمة ما شاء الله عالية

[thunder_are]

لو أنت عايز عربية معقولة ومش من هواة السرعة العالية
هات أفيو..
عربية ممتازة الموتور مش قوي زي السيينا (83 حصان /5400 لفة)
بس والله ملوش أي صوت نهائي والتكييف ثلاجة أنا بشغله على أول درجة والناس اللي معايا بيتلجو ..
والعربية واسعة من جوة والتابلوه شيك والشنطة واسعة جدا
العربية ثابتة لحد 120 كم /س
وبيقل الثبات عند 140 أو 150
السحب بتاعها حلو أوي ( بس مش ممتاز)
التوكيل أكتر احتراما من توكيل فيات
ده مع احترامي واعجابي بالسينا بس كلامي ده عن تجربة
أفيو مانيوال باور + تكييف = 73,000 ج
سيينا مانيوال ج الكماليات = 69,500 ج
وأي سؤال أنا حاضر

[megoghanem]

تكييف السيينا مش عالي زى العربيات الكوري بس ده بالنسبة لل1400 واللى معاي موديل 2001 إنما بشكل عام العربية ما حصلتش وقطع غيارها حنينة ومستوى أعلى بكتيير من الكورى حتى الجديد منه
أما بالنسبة للسيينا الجديدة فشكلها رخم (رأيي الشخصي) وكمان تقفيل صينى وواضح فيها جدا بالنسبة للفلشرات والفوانيس .. متهيألي الأفيو الجديدة هى الأفضل .. والأمريكي بشكل عام معروف عنه القوة والرفاهية العالية ومشكلته بس فى الصيانة وفى مصر ما تعتبرش مشكلة .. ده فى حالة لو الافيو أمريكي علشان أنا مش عارف هى صناعة وتقفيل أى بلد

وربنا يوفقك

[thunder_are]

الأفيو الجديدة تقفيل كوري
والعربية ممتازة بالنسبة لسعرها
وتوكيلها في مصر محترم
منصور شيفروليه اسم كبير من زمان

[tutankhamoun]

الأفيو دي عليها علامة شيفرولية فقط لا غير
و لا تمت لشيفرولية بصلة لا من قريب و لا من بعيد إلا ملكية شركة جنرال موتورز لشركة دايو
العربية فيها موتور الدايو لانوس الكوري الصناعة و هو موتور كويس و مبني على تكنولوجيا مواتير جنرال موتورز أساسا
و لكنه موتور قديم التكنولوجيا و لكن ادائه جيد جدا و تسارعه كويس
و علامة دايو محفورة على مقدمة المحرك و مكتوب داخل غرفة المحرك

DAEWOO GM
و العربية بتنزل أسواق تانية بمسميات مختلفة و هي نازلة مصر بإسم شيفروليه علشان دايو أصبحت ملك جنرال موتورز و يتم تجميع السيارة في مصانع شركة جنرال موتورز في مدينة السادس من أكتوبر
و النسخة الهاتش باك هي المستوردة
إنما النسخة السيدان ................. تجميع مصر و هو لا بأس به و كويس
بس أنا جربت العربية ................. بعد 100 كم / س لو الطريق مش مظبوط
المفروض إن السائق لا يزيد سرعتها
العربية خفيفة و بتنط لو الطريق مش مظبوط
و كل طرق مصر مش مظبوطة ما عدا طريق العين السخنة
و فراملها خفيفة قوي و من لمسة بتجيب
و دريكسيونها ناعم قوي زيادة عن اللزوم و خطر جدا على السرعات العالية و بيحتاج تركيز عالي جدا من السائق علشان ما يفلتش منه

أما بالنسبة للموضوع الأساسي و هو الفيات السينا
مش عارف ليه الناس معترضة عليها ............. مع أنها فيات حتى لو صيني ............ بس في الآخر فيات .....

[ahmad--ezzat]

خلاص هدفع المقدم بكرة افيدوووووووونى بقا ارجوكم

انا رحت اشوف السيينا موديل 2008 فى المعرض شيرين كار فى الميرغنى
المهم العربية زى الفل واسعة وتحس انها فخمة جدا جدا وبجد جميلة
انا ملئتش مواضيع مهمة اوى عنها
هيا السيارة كلها ايطالى ماعدا التقفبل صينى بس اظن انو احسن من المصرى
(غبور) والعربية تقفيلها عجبنى كمان
بس عايز اسئل عن السخونة والكلام اللى قريتو دة اللى يخوف
ياريت اى حد معاة العربية دى وجابهها يقولى باختصار وشكرا ليكم كلكم