مساعده فالعفشه

[kreka]

انا خلاص ان شاء الله آخر امتحان عندى يوم الأربع اللى جاى وهنزل أعمل العافشه لأنها جابت آخر معايا

المهم انا عايز أعرف ايه انواع المساعدين اللى اجبها عشان العفشجى ميشتغلنيش

المفروض انى روحتله قبل كده اكشف على العفشه لقيته هيغير كل المساعدين وجلب المقصات وهيكشف على البيض

ايه المساعدين اللى تريح العافشه قدر الامكان بشرط تكون جديده مش عايز استيراد


حاجه كمان بعد اذنكوا فى خبطه قدام فى الرفرف فالزاويه بس بعيده عن الكبوت تترد عادى ومتوسط المصنعيه يكون كام ؟

[Nour_aoi]

أخى كريكا
أولا أهم من قطع الغيار الصنايع أللى حيركبها وأرجو أن تتحرىالدقة فى الصنايعى ولو قلقان منه فبلاش منه أحسن ولو تحب أن عندى عفشجى ممتاز وأمين عن تجربه أكثر من 11 سنه لصاحب السيارة الأصلى

ثانياً أفضل ماركة أنا ستخدمتها فى العفشه هى مايلى صناعة ألمانية ممتازة وبتعيش وتنساها
وللحفاظ على أداء العفشة يجب أن تتبع نظام ثابت لصيانتها مثلاً أنا أقوم بتربيط العفشة كل أربعة شهور وكذلك المالك الأول للسيارة

بخصوص مصنعية السمكرى فى حدود 100 الى 130 جنية مصنعية وطلاء

[hugan]

ثانياً أفضل ماركة أنا ستخدمتها فى العفشه هى مايلى صناعة ألمانية ممتازة وبتعيش وتنساها



عفوا المايلي ده مضروب ومش الماني لازم يكون حفر علي جسم المساعد صنع في المانيا غير كده ما تشترهوش
لاني جبتهم في الشاهين وكانو بايظين
الاضمن بعد التجربه المونرو اتحاد اوروبي وشركه متخصصه في تصنيع المساعدين

[Nour_aoi]

أتفق معك لقد إشتراهم صاحب السيارة الأصلى من عند الكيلانى وأدائهم ممتاز وعمرهم سنة ونصف تقريباً وكل الصتايعية اللى شافوهم مبهورين بيهم

[kreka]

أولا أحب أشكركم ومتأسف إنى مدخلتش لأنى كنت فامتحانات وبعدها النت فصل

المهم انا جبت المساعدين قدام 132 ألمانى ب 200 وورا ملقتش غير ميكسيكى ب 190 والراجل خد على تركيب العفشه بالكامل 100 جنيه 4 مساعدين - طقم بيض - 4 بارات - تيش - جلب مقص - ظبط زوايا
وتيش العفشه بعد مجبت التركى لقيت الألمانى بالصدفه بس حصل خير

جبت العفشه كلها آلمانى وبولندى ما عدا المساعدين ورا والتيش

بس مش عارف نوع المساعدين ايه

المهم العربيه عندى لسه الارتفاع زى ما هو وعايز اعليها لأنها هابطه اوى - عايز اعليها سم او سم ونص عشان الثبات ميروحش لأنها بصراحه جابت 130 وفضلت زى الألف