لكل خبراء ومحبي الشاهين

[memoo_azmy]

السلام عليكم ياشباب

حابب اسالكم كام سوال كده علشان عايز اشتري عربيه مستعمله ومعايا في حدود ال 32 الف

كنت محتار اشتري لادا موديل عالي
ولا شاهين

ناس كتير قالوا ليا الشاهين احسن
انتوا ايه رايكوا ؟؟؟ وياريت اللي جرب الشاهين يقول ايه اخبار قطع الغيار وسرعه العربيه ايه اخبارها ؟

وياتري اسعار الشاهين مثلا موديل 2000/2002 بتعمل في حدود كام ؟؟؟

وهل ياتري الشاهين تكيفها كويس ولا فاشل زي مسمعت ؟؟؟

وياريت من كل الشباب ان الكل يشارك ويفدني علشان الواحد بقا في حيره كبيره

وشكرا ليكوا مقدما يااجدع واحلا شباب

[ahmed1981]

حابب اسالكم كام سوال كده علشان عايز اشتري عربيه مستعمله ومعايا في حدود ال 32 الف

كنت محتار اشتري لادا موديل عالي
ولا شاهين

ناس كتير قالوا ليا الشاهين احسن

لو المقارنة بين اللادا والشاهين
طبعاً الشاهين تكسب ولا مجال للمقارنة
والفرق بين الشاهين وبين اللادا 2107 فرق شاسع لصالح الشاهين

لكن الفرق الوحيد إن 32000 جنيه ممكن يجيبوا لادا 2008 مثلاً
بينما في الشاهين ممكن يجيبوا موديل 2002 مثلاً

انتوا ايه رايكوا ؟؟؟ وياريت اللي جرب الشاهين يقول ايه اخبار قطع الغيار وسرعه العربيه ايه اخبارها ؟

قطع الغيار أسعارهم متوسطة
ومعقولة
والأصلي منها موجود والتقليد موجود
والأصلي التركي والإيطالي موجود عند محل فيات 2000 بشارع رمسيس بجوار مبنى جريدة الجمهورية

سرعة العربية جميلة ومعقولة

وياتري اسعار الشاهين مثلا موديل 2000/2002 بتعمل في حدود كام ؟؟؟

شوف مستوى الأسعار في مصراوي وكونتــاكت وغيرهم

وهل ياتري الشاهين تكيفها كويس ولا فاشل زي مسمعت ؟؟؟

تكييف الشاهين عموماً فاشل
وحتى لو كان معقول فمينفعش تقارنه بتكييف أقل عربية كوري مثلاً

-
ونصيحتي كمجرب للشاهين وغيرها كثير
طالما بتتكلم في حدود 32000 جنيه
ويهمك التكييف
إبحث عن تمبرا نظيفة 1600 مكيفة
برقبة مليون شاهين طالما بنفكر في التكييف والكماليات

-

[memoo_azmy]

شكرا يااحمد علي المعلومات القيمه بس انتا كده توهتني انا مش بدور علي التكييف بس انا بدور علي كل حاجه

يعني انتا كنت ماشي كويس وانا مركز معاك اول مقولت التمبرا انا دماغي ساحت

[ahmed1981]

يا ميمو
الفيصل والحكم هو حالة العربية

يعني ب 34 ألف جنيه ممكن تجيب تمبرا موديل تسعينات 1600 مكيفة وباور وزجاج كهرباء أمامي وسنتر وتكون حالتها نظيفة رقم واحد
لكن هتتعب قوي في التدوير
لكن بعد كده هترتاح

وبنفس التمن ممكن تجيب شاهين أوائل ألفينات
فاضية من غير كماليات
أو مكيفة
ومهما كان التكييف بتاعها على قده لأن العزل فيها ضعيف وتوزيع الهوا فيها فاشل حتى النخاع

لو هتستخدم العربية في مدقات ومطبات ومناطق مكسرة ومبهدلة
يبقى الشاهين هتستحمل معاك أكثر

والتمبرا برضه هتستحمل لكن هي واطية على الأرض شوية وصيانة العفشة بتاعتها معقدة عن الشاهين شويتين

بالنسبة لصالون التمبرا واسع ومريح للغاية

صالون الشاهين ضيق وأقل في الراحة

بينهم قطع غيار كثيرة مشتركه
الموتور واحد تقريباً مع إختلاف الفتيس والقواعد

وأي عربية قديمة بتيوظ وبتصرف

لو أنا شخصياً بشتري لنفسي وقدامي تمبرا وشاهين هاخد التمبرا

بشرط تكون حالة نظيفة فبريكة

لكن لو الشاهين حالتها أفضل وهتريحني في الصيانة يبقى أشتريها وأبقى إشتريت راحتي
-

[memoo_azmy]

شكرا يااحمد وحقيق انتا كده فيدتني

يعني اكيد اجيب الشاهين وابعد بعيد عن الادا ؟؟

وبعدين كنت عايز اعرف الشاهين احسن ولا الريجاتا

[abdoelshazly]

الشباب قالولك كل حاجه ميه ميه بالتفصيل ..

لو هتقارن بين الشاهين والادا يبقى انسى الشاهين انضف واحسن ميت مره . انا عربيتى مش مركب تكيف ف عربيتى وهى 1400

فياريت لو هتدور على شاهين يبقى متسألش على التكيف نهائى :d لانها اولا غير العزل وتوزيع الهوا العربيه هتلاقيها بتسخن معاك بغباء ودا اكبر عيب مقابل الناس اللى جايبه شاهين اللى هى 1600 او المكيفه بمعنى اصح لان الشاهين المكيف بينزل على ال 1600 بس.

[abdoelshazly]

ريجاتا ياباشا ب 20 وانت طالع افجر عربيه >> وبرده مينفعش تقارنها بالشاهين :d

[memoo_azmy]

طيب تمام انا برده زيك من اسكدريه وكمان من سيدي بشر متعرفش ااسعارها حاليا ايه لو حاجه موديل 2000 او 2002 هتعمل في حدود كام ؟

وياتري في حد قدامه عربيه للبيع وتكون حالتها ممتازه ؟

[mrghost]

ادخل على موقع كار 100 100 وشوف اسعارها

[memoo_azmy]

شكرا لردك

بس انا سمعت ان ال1600 احسن من 1300 الكلام ده صح؟

[elhelwany188]

السلام عليكم
بص يااخى فى الشاهين كل ما تجيب الموتور الاعلى 1600 يبقى احسن

[hko]

الريجاتا احسن من الشاهين في كل حاجة بس عيبها ان قطع غيارها مش موجودة لو لقيتها بتكون غالية زي الكوري

[engahmedsamy]

الشاهين حلوة بس راجع علي الكرونة