تكييف الشاهين ماله وما عليه

[mrghost]

السلام عليكم ورحمة الله وبركاته
دى تجربتى مع تكييف الشاهين
انا معايا شاهين 2004 كربراتير موتور 1400 سى سى
التكييف كنت مركبه من حوالى 4 سنوات ب 2700 جنيه بالظبط نوعه ساندن يابانى
اول ماركبته كان 100100 يمكن علشان مكنتش متعود عليه
بعد كده العربيه كانت بتسخن لما اشغله وبالذات فى الطرق السريعه
بعد كده بقت بتسخن وهى فى الزحمه
سلكت الردياتير وغيرت المياه والحمد لله السخونه فى الزحمه راحت
بقى فاضل مشكله السخونه فى الطرق السريعه
غيرت مروحه الردياتير بمروحه ردياتير تمبرا لان تبريدها افضل بكتير من بتاعه الشاهين الاصلى
والحمد لله المشكله بتاعه السخونه فى الطرق السريعه راحت
ملحوظه :انا شايل ترموستات الكوعه من زمان ومركب ترموستات الحراره الاصلى بتاعه العربيه(الترموستات العاليه)
بالنسبه لكفاءة التكييف بقى
بصراحه اديله على الاقل 75%
بس بيأثر على سحب العربيه وبيكون ملحوظ لو العربيه فيها ناس كتير (4 او 5 اشخاص)
غير كده بصراحه انا معجب بأداءه اوى الحمد لله
طبعا بيزود استهلاك البنزين
بس لو فى اى استفسار انا فى الخدمه


م/ محمد مصطفى

[MSL]

يا تري شحن التكييف بيتكلف أد ايه؟

انا مركب ساندن برضو من التوكيل من سنه بالظبط

عربيتي شاهين 2006 انجكشن

لأنه بدأ الشهر الى فات قوة السقوعه تقل منه و الكباس مبيفصلشي

[رامى خيال]

سؤال انا معايا 2006 انجيكشن ,طبعا صوت المروحة عالى جدا ,ياترى لو ركبت تكييف وشغلته المروحة بتنيها شغالة بصوتها المزعج ده ولا ايه؟

[mrghost]

ياجماعه انا غيرت المروحه بمروحه عربيه تمبرا والحمد لله صوتها واطى جدا وبتبرد كويس عن مروحه الشاهين الاصليه والعربيه مبقتش تسخن زى الاول

[mrghost]

يا تري شحن التكييف بيتكلف أد ايه؟

انا مركب ساندن برضو من التوكيل من سنه بالظبط

عربيتي شاهين 2006 انجكشن

لأنه بدأ الشهر الى فات قوة السقوعه تقل منه و الكباس مبيفصلشي

180 او 140 جنيه على ما اعتقد جنيه على ما اعتقد بس انت هتحتاج تزوده فقط مش هتحتاج تشحن شحن كامل

[rompo10]

معلش سوال صغير هو مكان التكيف في الشاهين جاهز للتركيب ولا في تعديل بيحصل

[mrghost]

معلش سوال صغير هو مكان التكيف في الشاهين جاهز للتركيب ولا في تعديل بيحصل

بص هو بيشيل الكويل اللى بينزل مع العربيه وبيركب التكييف بدون اى تعديلات وحتى مش بيحتاج يفك التابلوه اصلا

[رامى خيال]

مروحة التمبرا بكم ؟ وياترى بتحتاج تعديلات للتركيب ولا بتتركب علطول؟

[رامى خيال]

طب الملاحظ فى اى عربية فى زرار باور للتكييف ,ايه البديل فى تكييف الشاهين ,يعنى بيخرم فى التابلوه لزرار ولا بيعمل ايه بالضبط؟

[mrghost]

مروحة التمبرا بكم ؟ وياترى بتحتاج تعديلات للتركيب ولا بتتركب علطول؟

ب 150 جنيه وبتقص فى القميص بتاعها منه حته بسيطه علشان تركب بدون اى تعديل فى العربيه نفسها

[mrghost]

طب الملاحظ فى اى عربية فى زرار باور للتكييف ,ايه البديل فى تكييف الشاهين ,يعنى بيخرم فى التابلوه لزرار ولا بيعمل ايه بالضبط؟

مفيش زرار باور ولا حاجه اول ما هتشغل زرار مروحه التكيييف(اللى هو 1 2 3 ) هيشتغل التكييف علطول يعنى مش هيزود اى حاجه

[رامى خيال]

طب مروحة التمبرا ام 150 جنيه بالقميص دى الاقيها فين؟ انا لاقيت الجديدة ب450 جنيه وسعرها موجود هنا فى المنتدى

[mrghost]

فى عزبه شلبى ان شاء الله

[michohat]

نرجو افادتنا بموقف التكييف حاليا من الموجه الحارة التي نمر بها هل له فائدة؟

[michohat]

حضرتك هو التكييف ركب على هوايات التابلوه ولا ركبت هوايات خارجيه