بونتو كلاسيك ولا رينو سيمبول ؟؟؟؟؟ وبسرعة

[dpdp]

انا محتاااااااااااااااااااااااااااااار اوييييييييي في الاختيار ده خصوصا ان العربيتين متقاربين شوية
يعني البونتو كلاسيك 1245 سي سي و 60 حصان و 2 ايرباج باور كهربا والعربية شيك
اما الرينو السيمبول 1400 سي سي و 98 حصان و2 ايرباج برضو وطارى ملاتي فانكشن وفوج لايت بس المشكلة انها اغلي 10000 جنيه عن البونتو ونازلة في شهر 10
هل لو جبت بونتو كلاسيك دلوقتي هندم مع العلم اني معايا لانوس وعايز احس اني ركبت حاجة انضف ومش عايز اركب كوري تاني ....... ؟؟؟؟؟ ولا استني السيمبول بس ياريت الناس تقول رايها ؟؟؟؟؟

[eng_ahesham]

انا رايي البونتو انضف واشيك

[Mohab.Nabil]

السيمبول عربية غير البونتو الكلاسيك

اقصد يعنى ديه فئة و ديه فئة زى ما حضرتك قلت السيمبول اغلى من البونتو بحوالى 10 الاف

و الكلاسيك عمالة تغلى بقالها فترة كل شوية تنط فى السعر .. بصراحة دا بيفقدها ميزة كبيرة .. و بعد ما كانت ايطالى بقت صربى و دا مش عيب بس يعنى الايطالى ايطالى ..

السيمبول اعتقد شكلها من الخارج مش جميل بحس ان فيها حاجة مش مظبوطة بس بحس انها اوسع من الكلاسيك

حضرتك ممكن تفكر فى السانديرو برضو لو بتفكر فى هاتشباك و اوروبى

[yoko]

لو هتقارن بالسندريو هقولك كلاسيك لكن السيمبول فئة أعلى فتكسب

[dpdp]

لا السانديرو واللوجان خارج المنفسة تماما .... انا عايز حد يقولي بس البونتو كلاسيك ضعيفة اوي والموتور تعبان اوي اوي اللي هو مش بيجري وكدة ولا ايه
يعني انا اصلا مش جراي اللي هو مش كل يوم 140 و150 لا مفيش طرق غير السريعة هي اللي تقدر تجيب فيها السرعات دي ولو الردار مسكك صباح الخير
يعني من الاخر البونتو كلاسيك احسن من اللانوس ولا لا ؟
ولو مش احسن يبقي سيمبول ولا حاجة تانية ؟؟؟؟؟

[yoko]

راي كعربيه أكيد أحسن من اللانوس وبتجيب ال160 عادي وبتعديها كمان

[إبراهيم المصرى]

عن تجربه البونتو الكلاسيك جميله جداً وعمليه ودوده مشاوير ومين اللى قال انها مبتجريش ولا موتورها ضعيف بالعكس موتورها مناسب جدا لحجمها وتكيفها ممتاز بس فى البلد بيتقلها شويه فى الغيارات البطيئه وشوفت مقارنه فى المنتدى بينها وبين الابيزا والكورسا الهتشباك طلعت انها تتميز عنهم بقوة موتورها بالنسبة للفئه بتاعتها ومن الاخر البونتو عربيه مدينة من الدرجه الاولى تشجعك جدا على المشاوير فى البلد والزحمه ومتحملش هم ركنتها والبور بتاعها روعه وزرار السيتى بور ولا فى الاحلام بس لما يبوظ مشكله لان البور كهرباء ووحده الكنترول باور غاليه شويتين وفى السفر مش هتقول لا بس طبعا زى كل الهتشباك مساحة الشنطه صغيره

[dpdp]

متشكر يا رجالة ومستني ردود اكتر وميرسي اوي اوي لكل اللي فادني

[dpdp]

عن تجربه البونتو الكلاسيك جميله جداً وعمليه ودوده مشاوير ومين اللى قال انها مبتجريش ولا موتورها ضعيف بالعكس موتورها مناسب جدا لحجمها وتكيفها ممتاز بس فى البلد بيتقلها شويه فى الغيارات البطيئه وشوفت مقارنه فى المنتدى بينها وبين الابيزا والكورسا الهتشباك طلعت انها تتميز عنهم بقوة موتورها بالنسبة للفئه بتاعتها ومن الاخر البونتو عربيه مدينة من الدرجه الاولى تشجعك جدا على المشاوير فى البلد والزحمه ومتحملش هم ركنتها والبور بتاعها روعه وزرار السيتى بور ولا فى الاحلام بس لما يبوظ مشكله لان البور كهرباء ووحده الكنترول باور غاليه شويتين وفى السفر مش هتقول لا بس طبعا زى كل الهتشباك مساحة الشنطه صغيره

طيب هو الوكيل مش بيضمنها 100 الف كيلو يعني لو الباور باظ خلال ال 100 الف كيلة هيبلسوها هم صح ولا انا غلطان ؟؟؟
او اي حاجة حصلتلها خلال ال 100 الف دول هم المسؤلين ؟؟؟؟؟؟

[dpdp]

وممكن حد يقولي انا امبارح ركبت العربية زيرو في المعرض .... لقيت العربية فيها نتشة يعني الكرسي بيتهز في زي نتشة لقدام كدة ..... قلت يمكن دي عيب من العربية دي نزلت وجربت وحدة تانية لقيتها برضو كدة ايه ده بقي ؟؟؟؟ حتي جربت الايفو كدة في المعرض لقيتها كدة بس علي خفيف مش زي الكلاسيك في الكلاسيك واضحة اوي

انا مش عارف وخايف اشتري والبس مع التوكيل والواحد بيشتري عربية زيرو عشان يريح دماغو مش عشان يكفر معاها ؟؟؟؟؟ حد يرد عليا من الناس اللي معاهم البونتو ؟؟؟؟؟

[graffittiii]

أعتقد الكرسي بينتش مش هي الحاجة اللي تحطها ف دماغك بالنسبة للعربية ....

أنا هتكلم عن شوية حجات تحطها ف حسابك باعتبار إن كان معاك لانوس ومش هتكلم عن مميزات عشان محدش يقول كل واحد متحيز لعربيته :
1- العربية سحبها وحش جدا لو في 3 راكبين ورا .... العربية لغاية 4 أفراد سحبها كويس ...
2- العربية بتجري وكل حاجة وفعلا بتجيب ال 140 بسهولة لكن مش هتحس إنك متطمن بعد ال 100 لان العربية عرضها مش كبير وكمان وزنها مش كبير خاصة لو الطريق زي القاهرة الإسكندرية الزراعي لانه الأسفلت فيه مموج بفعل العربيات النقل ...
3- حط ف أعتبارك أنك هتتعامل مع أوماترا ...
4- غير كده فهي عربية كويسة وإستهلاك بنزين كويس لكن إرتفاع سعرها ل 72 لامبرر له ويدخلها ف منافسات مش لصالحها ....

*- مش هقدر أفيدك ف الرينو ماسوقتهاش بس السانديرو أتفرجت علي كذا تقييم ليها وكان كويس ...

وربنا يوفقك ف الأختيار...

[hazememam14]

أنا الحقيقة معنديش أي معلومات عن الرينو لا السيمبول ولا السانديرو بس في شوية توضيحات بالنسبة للبونتو
- الحمد لله مفيش عيوب في الكرسي ولا حاجة يمكن ده عيب فردي
- الضمان 3 سنين من غير حد أقصي للكيلومتر وأنا لسه ماتعاملتش مع أوماترا بس علي كلام الناس هنا مفيش حاجة مضمونة مع أوماترا
- سعر العربية النهارده 74000 مش 72000 و موديل 2012 هو اللي موجود في معظم المعارض و مفيش فرق عن 2011
- السحب مقدرش أحكم عليه قوي لأن العربية لسة ماكملتش 1000 كيلو بس عامة هو لحد دلوقتي ممتاز من غير تكييف والتسارع لحد 100 ممتاز و أنا طبعا ما عدتش 100 عشان لسة أول 1000 كيلو وماعتقدش اني هعديها بعد كده أصلا لأني بكره التهور عموما
- مع التكييف السحب بيقل شوية في الأول علي السرعات البطيئة يعني بس لما العربية تاخد سرعة بيبقي كويس والتكييف نفسه أداؤه كويس جدا الحمد لله يعني لو بتقارنه بالكوري اللي في نفس الفئة أفتكر هيبقي أحسن أو زيه في أسوأ الأحوال

[hasoki]

انا هاقولك

سلام عليكم..
انا معايا بونتو كلاسيك من سنتين و شيفورلية افيو كوري موديل 2009 و حبيت اغير الافيو عشان تكيفها ضعيف جدا بالمقارنة ما شاء الله بتكييف البونتو..
الرينو سيمبول هيه هيه النيسان صني في الخليج بس علامة تجارية تانية..نفس الموتور نفس العفشة بس تقفيل كوري..
لو سيمبول ولا صني تبقى الصني 100 مرة لأن تقفيل السيمبول سيئ جدا جدا و خامات رديئة بشكل منفر
لو سيمبول ولا بونتو بونتو 1000 مرة هتحسي انك راكبة عربية محترمة ايطالي مش كوري تعبانة
لو صني ولا بونتو يبقى صني اوسع و اكبر
عموما انا كنت في نفس الحيرة و احتراما للبونتو بعت الافيو و جبت بونتو ايفو