شراء 127 موديل 85

[aboomar2010]

انا قدامى عربية 127 فيورا موديل 85 بتاعة واحد صاحبى كان جايبها من سنتين ب19000 وعاوز يبعها عشانى ب17000 عشان يشترى واحدة جديدة , بصراحة العربية حالتها كويسة جدا انا ركبت معاه اكتر من مرة لمشاوير طويلة هو بيقول انها مش راشة دواخل غير الكارتيرات (راششهم بنفسه) عاوز اعرف السعر مناسب ولا كتير عليها عشان انا كنت ناوى اشترى 128 بس مش واثق فى الى بلاقيهم قدامى وسمعت ان ال127 كويسة وبتاعة شغل
افيدونى بسرعة جزاكم الله خيرا

[aboomar2010]

وكمان نسيت اكشف عليها ولا مالوش لزوم ولو كشفت اكشف على ايه بالظبط

[aboomar2010]

من فضلكم حد يرد عليه ضرورى جداااااااااااااااااااااا

[wessampo]

انا فى نفس المشكلة باحلم اركب 127 لكن يا استادى الناس كله بتتكلم وخيفة من احتمال كبير من سحب تراخيص الملكى القديم و عشان كدة الناس بتبيع القديم علشان تامن نفسها و تجيب تسعينات وبادن الله اناhttp://www.nilemotors.net/Nile/showthread.php?t=18754 منهم وكما التابلوة 127 بقى 1500 و مش موجود وطلباتهابقت قليلة ونادرة واقرا الموضوع دة;););)

[SEATLOVER]

هو الحقيقة السعر حلو ..والعربية ممكن تكون مضمونة
بس الخوف من تطبيق اى حاجة جديدة على الموديلات دى خصوصاً من اول ال 85 وانت نازل

لو مصمم على 127 شوف موديل 87 اضمن شوية
او احسن حل من وجهة نظرى ..تحطهم مقدم فى ماروتى ..وتبقى عربية زيها موديل 2008 و مشاكلها شبة معدومة

[thegoodhacker]

انا برضه محتار زيك كنت عاوز اشتري فيورا و بعد كده ترددت الصراحة علشان موضوع ان قطع غيارها بقت قليلة زي ما الزملاء ما بيقولوا
الفيات 128 احسن في موضوع اسعار قطع الغيار لان الفيات 128 لسة بينتجوها ....... يعني حتضمن قطع غيارها لمدة عشرين سنة كمان
لو انت مصمم علي الفيورا دي هي سعرها مش غالي بس المهم ما تكونش محتاجة شغل