استفسارات عن البونتو ايفو

[marwan91]

كل سنه و حضرتكم طيبين بمناسبه شهر رمضان الكريم

انا كنت متابع الموقع هنا عشان كنت مهتم بالليفو جدا لأني شايف انها عربيه محترمه جدا و كنت بفكر فعلا اني اجيبها و بالفعل قررت اني اجيبها خلاص بس كان عندي شويه استفسارت عنها لأني روحت المصريه و للأسف اللي كانت واقفه عندهم كانت باكدج 1 و انا عايز باكدج 2
فممكن حد يقولي ايه الفرق ما بين الاتنين ؟؟
و عايز اعرف كمان الحجات ده ايه نظامها في الباكدج 2(جوده الصوت الكاسيت - امكانيه تحويل الزجاج الخلفي الى زجاج كهربه و التكلفه لو حد يعرفها - هل في مسند يد للسائق و للكنبه الخلفيه و لا لأ - تصريح الفاميه بينزل على الرخصه )
معلش انا اسألتي كتير و ده للأسف لأني لما روحت المصريه كل ما أسألو على حاجه يقولو هابقى اراجع الأوبشان و ارد عليك...

[moh.aboelkheir]

http://www.nilemotors.net/Nile/19242...-auto-pk2.html ده موضوع عن الاوتو pk2
http://www.nilemotors.net/Nile/189478-pk2.html و ده عن المانيول pk2

[pirlo2000]

الفاميه خلفي بيتثبت علي الرخصة ...

اختيار موفق ان شاء لله

[marwan91]

شكرا ليكم بس انا قريت الموضوعين دول و مالأتش كل اللي انا عايزه يعني لو حد ركب الايفو قبل كده يا ريت يقولي

[mohamedgamall]

جودة الصوت كويسة
التحويل لازاز كهربا مسالتش بصراحة
مفيش مساند يد لا ورا و لا قدام
بينزل على الرخصة فامية خلفى و جانبى

[wama1903]

العربيه اختيار موفق جدا لو انت شايف السعر الجديد مناسب
انا معايا البكدج 2 و ده كان تقريري عنهم
تقرير مفصل عن الايفو مانيوال باكادج 2 بعد ال 1500 كم

http://www.nilemotors.net/Nile/216371-2-1500-a.html

[valenteeno80]

انا عندى auto pk2 و بصراحه ماشاء الله و الرخصه تكتب زجاج ملون

[karimalaa]

الزيادات اللي في pck 2 و مش موجودة في pck 1
1- الفرش الداخلي جزء منه بلون السيارة الخارجي و التابلوه نفس الكلام
2-زجاج خلفي و زجاج بابين خلفي fumée
3-الجنوط و الشبكة الأمامية اللي مكتوب عليها فيات بتاعتعا Oxydée
الامكانيات :
1- مثبت سرعة
2- Blue&Me (نظام بلوتوث متكامل) + ( تحسين أداء سواقتك عن طريق نقل البيانات الى USB Flash Disc يتم توصيله بالمكان المخصص في السيارة و قرائته ببرنامج مخصص على الكمبيوتر و هو برنامج بين مايكروسوفت و فيات )
3- كمبيوتر أعطال يظهر أي عطل فوري زي لو لمبة اتحرقت
4- عداد السرعات و الrpm الصفر يبدأ من تحت vertically زي العربيات ال ALFA Romeo و السبور.
تقريبا دي كل الحاجات اللي فيها يعني و لو كنت نسيت حاجة حابقى أقولها...

[valenteeno80]

استكمالا
5- الدريكسيون و الفتيس جلد
6- مكان لوصلة aux
7- لون مؤشر العدادات ابيض

[mido96]

اختيار موفق ان شاء الله