سؤال للى بيفهمو فى الفيات بس

[فادى]

مع ملحوظة أخيرة أن البونتو لا تقارن مع السيريون, البونتو منافسيها التقليديين هم البيجو 207, و الفولكس فاجن بولو, و سيتروين سى 3, و رينو كليو, و هى فى رأيى أفضلهم جميعا.

[tutankhamoun]

السيريون احسن طبعا كفاية انها يابانى ومعروف ان تكييف العربية اليابانى افضل من الألمانى والأيطالى .... السيريون 1300 سىسى 91 حصان يعنى على من البونتو ب30حصان ... كمان الموتور 2 كامة ...
هاقول لحضرتك حاجة استشير المهندس سبعاوى هايديلك راى موضوعى ومحايد

هو ليه بلد الصناعة دايما عندنا نحن المصريين لها مفعول السحر ؟؟؟

على العموم أنا معايا البونتو
البونتو عربية حلوة و موتورها معمر جدا جدا
و لكن ليس قوي
يعني موتور عادي و العربية مش 1300 دي 1245 فقط
و عزمها بييجي على سرعات قليلة مما يساعدها في القيادة داخل المدينة أكثر من الطرق المفتوحة
و بصراحة بعد سرعة 100 التجميع بيقل كتير و مقدرش أشد بيها مع حد
و لكن على السرعات الصغيرة هي بتكسب
بس العبرة أنت عايز أيه من العربية ؟؟؟
يعني لو للسفر ......... يبقى سيريون ........ داخل المدينة الأثنين كويسين علشان منظلمش السيريون علشان هي عربية حلوة قوي

و من كلام الناس السيريون سحبها عالي و أعلى من البونتو و أوسع من البونتو

و أحنا بنقارن عربيتين مش بنقارن ......... ايطاليا و اليابان
و بعدين لو قارنا أيطاليا و اليابان ............. تاريخيا .......... ايطاليا تكسب بمراحل
فبلاش نبرة ده ايطالي و ده ياباني و ده هندي و ده موزمبيقي

فيات من أعرق الشركات في العالم و عربياتهم مُعمرة جدا و قوية و أقوى من الياباني كله و بتستحمل كمان بشدة و رهيبة

إنما الياباني انعم .......... و سمعته كويسة قوي ........ تكييفه أحلى
و في النهاية أعتقد إن السيريون أقوى من البونتو
و فيه حاجة تانية ............... التكييف بيحط على الموتور بتاع البونتو و بيقلل قوته
و لكن السيارة ممتازة و مُعمرة و شكرا

[tutankhamoun]

فى النهاية أنا لم أقد أى من السيارتين لذا لا يمكننى المقارنة بينهم بشكل محايد لكن من السمعة المتوارثة لكل من الشركتين أقدر أقولك الأتى(و هذا ليس بالضرورة صحيحا).
- البونتو أفضل فى الثبات فى المنحنيات, و فى الكبح و الانطلاق.
- البونتو معمرة ضعف السيريون على الأقل.
- البونتو أكثر متانة.
- السيريون أكثر سهولة فى القيادة, و البونتو أكثر خشونة فى القيادة.
- البونتو بها تكنولوجيا أعلى, تعودنا من فيات دائما على سيارات تسبق عصرها و تعودنا من اليابانيات وضع تكنولوجيا قديمة نسبيا.
- السيريون ربما تكون أكثر راحة قليلا, باعتبارها سيارة أمريكية الطابع.

عزيزي فادي باشا
ممكن أحلل الكام نقطة دول من مالك و مجرب للبونتو
- أفضل في الثبات دي أعتقد لا ......... أعتقد الأثنين بيتساوو لأن البونتو عادية في الثبات مش رهيبة و لكنها ثابتة
-موضوع معمرة ده أولا يتوقف على طريقة السواقة و متنساش إن دايهاتسو مشهورة برضة بالمواتير الكويسة
-أكثر متانة ..... برضة أعتقد إن فيه تساوي بينهم
-البونتو قيادتها أسهل ما يكون و البارو بتاعها أنعم بارو شوفته في حياتي و هو درجات ... درجة للمدينة و درجة لليقادة العادية و هو نعم و سلس جدا . لذلك أعتقد إن هناك تساوي بين درجة سهولة القيادة بينهم و البونتو مش خشنة و لا حاجة
- مع أحترامي الكامل .... ما هي التكنولوجيا الأعلى في البونتو و اللي مش موجودة في السيريون ؟؟؟؟؟؟؟؟؟؟؟؟
- مين قال إن السيارات الأمريكي أكثر راحة ؟؟؟؟؟؟؟؟؟؟؟؟

- أفضل سيارات في موضوع الراحة هي الأوروبي و الياباني
و في النهاية أختلاف الرأي لا يُفسد للود قضية

أنا بس ملاحظ في المنتدى نبرات غريبة
اللي متعصب للياباني بطريقة فظيعة و كأنهم أفضل خلق الله مع أن لهم أخطاء كثيرة و لكنها على قلبي المصري زي العسل و مغتفرة
و فيه ناس متعصبة للأوروبي و برضة بطريقة فظيعة و لكنها أقل من الأخوة المتعصبين للياباني
و لا يستطيع أحد أن ينُكر جودة الياباني و جودة الأوروبي

بس نفسي حد يقارن عربيتين ببعض من غير ما يقول بلد الصنع

اولا لما نتكلم يا ريت نشيل كلمه كفايه انها ياباني دي
لان الياباني دا صناعه قابله للخطأ و الصواب مش نزلت من السماء مثلا
و لو حنتكلم بمفهوم حضرتك بقي نقول علي البونتو كفيه انها من اعرق مصانع العالم و كمان اوربي اللي هما اساسا مخترعين السيارات!!!!!

يسلم فُمك يا أستاذ حازم .......... هو ده الكلام

[NaderNabil]

- البونتو معمرة ضعف السيريون على الأقل.
- البونتو بها تكنولوجيا أعلى, تعودنا من فيات دائما على سيارات تسبق عصرها و تعودنا من اليابانيات وضع تكنولوجيا قديمة نسبيا.
- السيريون ربما تكون أكثر راحة قليلا, باعتبارها سيارة أمريكية الطابع.

:D:D:D:D:D

تحليل منطقي للغاية:D

[CryptonX]

بدون تحيز السيارتين ممتازتين بس
السريون سعرها مبالغ فيه جدا !

يعني لو كانت تمنها 69 - 71 - كانت حتكتسح السوق المصري تماما و هو ده سعرها المفروض !


بصرف النظر عن فيات او دايهاتسو .. البونتو عمرها اكبر بكتيييييير جدا و كفياة انشار قطع غيارها خالرج التوكيل و استيراد و الماني و ايطالي و تركي و صيني .. يعني من ناحية التعمير و الاعتمادية البونتو تكسب طبعا .

من ناحية الموتور - اكيد السريون اقوى لانها 1300 16 فالف بينما البونتو الي في مصر 1242 8فالف

السريون 86 حصان علي 6000 لفة مش 91 .
البونتو 60 حصان عند 5200 لفة .

---

و بما ان مفيش غير موديل واحد من البونتو ( جنوط 15" ايطالي فيات اصلي و فوجات )
صعب اوي اسيب ده واجيب السريون الي ب 78 .. حنط علي الاقل ل 81 علشان الFull Options

وبالتالي ابقى دخلت عند فئة جديدة ! ممكن اجيب فيها حاجة احسن !

Hyundai Accent 1600
Proton Gen 2 1600
Kia Rio

بس .

انما انا شخصيا معجب بالسيارتين .

[hazem_khidr]

الاستاذ توت وضح الامور و بشكل حيادي جدا يحسد عليه قال :

عزيزي فادي باشا
ممكن أحلل الكام نقطة دول من مالك و مجرب للبونتو
- أفضل في الثبات دي أعتقد لا ......... أعتقد الأثنين بيتساوو لأن البونتو عادية في الثبات مش رهيبة و لكنها ثابتة
-موضوع معمرة ده أولا يتوقف على طريقة السواقة و متنساش إن دايهاتسو مشهورة برضة بالمواتير الكويسة
-أكثر متانة ..... برضة أعتقد إن فيه تساوي بينهم
-البونتو قيادتها أسهل ما يكون و البارو بتاعها أنعم بارو شوفته في حياتي و هو درجات ... درجة للمدينة و درجة لليقادة العادية و هو نعم و سلس جدا . لذلك أعتقد إن هناك تساوي بين درجة سهولة القيادة بينهم و البونتو مش خشنة و لا حاجة
- مع أحترامي الكامل .... ما هي التكنولوجيا الأعلى في البونتو و اللي مش موجودة في السيريون ؟؟؟؟؟؟؟؟؟؟؟؟
- مين قال إن السيارات الأمريكي أكثر راحة ؟؟؟؟؟؟؟؟؟؟؟؟

- أفضل سيارات في موضوع الراحة هي الأوروبي و الياباني
و في النهاية أختلاف الرأي لا يُفسد للود قضية

أنا بس ملاحظ في المنتدى نبرات غريبة
اللي متعصب للياباني بطريقة فظيعة و كأنهم أفضل خلق الله مع أن لهم أخطاء كثيرة و لكنها على قلبي المصري زي العسل و مغتفرة
و فيه ناس متعصبة للأوروبي و برضة بطريقة فظيعة و لكنها أقل من الأخوة المتعصبين للياباني
و لا يستطيع أحد أن ينُكر جودة الياباني و جودة الأوروبي

بس نفسي حد يقارن عربيتين ببعض من غير ما يقول بلد الصنع

و بعدين جه الباشمهندس كريم تدخل برايه المفيد جدا و نبه لموضوع السعر و قال :

بدون تحيز السيارتين ممتازتين بس
السريون سعرها مبالغ فيه جدا !

يعني لو كانت تمنها 69 - 71 - كانت حتكتسح السوق المصري تماما و هو ده سعرها المفروض !


بصرف النظر عن فيات او دايهاتسو .. البونتو عمرها اكبر بكتيييييير جدا و كفياة انشار قطع غيارها خالرج التوكيل و استيراد و الماني و ايطالي و تركي و صيني .. يعني من ناحية التعمير و الاعتمادية البونتو تكسب طبعا .

من ناحية الموتور - اكيد السريون اقوى لانها 1300 16 فالف بينما البونتو الي في مصر 1242 8فالف

السريون 86 حصان علي 6000 لفة مش 91 .
البونتو 60 حصان عند 5200 لفة .

---

و بما ان مفيش غير موديل واحد من البونتو ( جنوط 15" ايطالي فيات اصلي و فوجات )
صعب اوي اسيب ده واجيب السريون الي ب 78 .. حنط علي الاقل ل 81 علشان الFull Options

وبالتالي ابقى دخلت عند فئة جديدة ! ممكن اجيب فيها حاجة احسن !

Hyundai Accent 1600
Proton Gen 2 1600
Kia Rio

بس .

انما انا شخصيا معجب بالسيارتين .

بس هو دا الكلام :)

[فادى]

هو ليه بلد الصناعة دايما عندنا نحن المصريين لها مفعول السحر ؟؟؟

على العموم أنا معايا البونتو
البونتو عربية حلوة و موتورها معمر جدا جدا
و لكن ليس قوي
يعني موتور عادي و العربية مش 1300 دي 1245 فقط
و عزمها بييجي على سرعات قليلة مما يساعدها في القيادة داخل المدينة أكثر من الطرق المفتوحة
و بصراحة بعد سرعة 100 التجميع بيقل كتير و مقدرش أشد بيها مع حد
و لكن على السرعات الصغيرة هي بتكسب
بس العبرة أنت عايز أيه من العربية ؟؟؟
يعني لو للسفر ......... يبقى سيريون ........ داخل المدينة الأثنين كويسين علشان منظلمش السيريون علشان هي عربية حلوة قوي

و من كلام الناس السيريون سحبها عالي و أعلى من البونتو و أوسع من البونتو

و أحنا بنقارن عربيتين مش بنقارن ......... ايطاليا و اليابان
و بعدين لو قارنا أيطاليا و اليابان ............. تاريخيا .......... ايطاليا تكسب بمراحل
فبلاش نبرة ده ايطالي و ده ياباني و ده هندي و ده موزمبيقي

فيات من أعرق الشركات في العالم و عربياتهم مُعمرة جدا و قوية و أقوى من الياباني كله و بتستحمل كمان بشدة و رهيبة

إنما الياباني انعم .......... و سمعته كويسة قوي ........ تكييفه أحلى
و في النهاية أعتقد إن السيريون أقوى من البونتو
و فيه حاجة تانية ............... التكييف بيحط على الموتور بتاع البونتو و بيقلل قوته
و لكن السيارة ممتازة و مُعمرة و شكرا

أتفق معك يا أستاذ توت فى الجملة الأولى, بلد الصنع لها مفعول السحر فى مصر, نتيجة للبروباجندا التى يصنعها المستوردين, و الكثير من الشركات فى مصر واخدة اسم عالفاضى من الاعلانات فقط.
و من المضحك مثلا أن نرى كل اعلانات السيارات اليابانية مكتوب عليها "يابانى 100%" و كأن هذه ميزة؟! ما الميزة فى ذلك؟!
اشتهرت اليابان بالجودة فى صناعة المشغلات الموسيقية و أجهزة الراديو و التليفيزيونات و لكن شهرتها فى مجال السيارات و الصناعات الأخرى فقيرة جدا.
فى صناعة البترول مثلا, لا نقول سوى أن هذا المنتج "أمريكانى" فهذه هى علامة الجودة مثلا فى مجال معدات البترول. و البعض يقول "روسى" التى لها سمعة طيبة فى هذا المجال.
فى مجال ماكينات المصانع بنقول "ألمانى" أو "ايطالى".
عمرى ما سمعت يابانى ديه فى أى حاجة غير فى التليفيزيونات!!
و عموما بكره هتلافى اعلانات تقولك "كورى 100%", "صينى 100%". و كأن هذه هى علامة الجودة.

بالنسبة للسيريون و البونتو أنا قلت سلفا انى بقارن تبعا للسمعة المتوارثة لكل من الشركتين و ليس بين السيارتين مباشرة, و قلت انو فيه مجال للخطأ فى هذه المقارنة.لكن مازالت على رأيى, البونتو أفضل من كثير من الجوانب. و على فكرة كل من السيارتين ليسوا مناسبين للطرق السريعة, لأنهم سيارات صغيرة مصممة للمدن أساسا.
لكن سوف أخبرك عن تجربتين مررت بهم.
فى الشاهين, عندما أقوم بتشغيل المكيف, يرتفع عدد لفات المحرك بشكل صغير و غير ملحوظ, و لا أشعر بأى شىء قد طرأ على السيارة, و التكييف جيد جدا و معقول.
فى سيارة لانسر كنت قد قدتها لمسافة طويلة, عندما قمت بتشغيل المكيف, "نطت" السيارة للخلف و كأنى ضغطت على الفرامل فجأة ثم لاحظت ارتفاعا كبيرا فى عدد لفات المحرك, و لكن التكييف كان تلاجة!!
هذه ملحوظة بسيطة يجب أن تؤخذ فى الاعتبار.
و أود فقط أن أنوه, السيارات اليابانية هى محاولة لمحاكاة السيارات الأمريكية لكن بشكل أصغر, يعنى هى تصغير للسيارات الأمريكية لكن يتم صنعها بنفس الفكر و الأهداف و الاختيارات, لذا تتشابه مع السيارات الأمريكية فى تفضيلها للراحة و سهولة القيادة, لكن السيارات الأمريكية تتفقو عليها من ناحية القوة و السرعة.
تحياتى لك يا أستاذ توت و لعائلتك الكريمة.
و يمكنكم أن تنتظروا مواضيع جديدة منى عن السيارات اليابانية (نيسان و هوندا), و لكننى متردد فى كتابتهم لأننى لم أجنى من وراء ذلك سوى الشتائم و الغضب و التشنج.

[ows212]

يمكنكم أن تنتظروا مواضيع جديدة منى عن السيارات اليابانية (نيسان و هوندا), و لكننى متردد فى كتابتهم لأننى لم أجنى من وراء ذلك سوى الشتائم و الغضب و التشنج

بلاش يا فادى لو سمحت ارجوك واتوسل اليك بلاش حرام كلنا عارفين العربيات اليابانى زبالة ووحشة ومعفنة ومافيش داعى نعمل عليهم مواضيع نسيبهم فى حالهم احسن

[hazem_khidr]

يا جماعه نقول كلمه حق علشان نخلص من الجدال دا.
البونتو كلاسيك بيرجع تاريخه انتاجها لسنه 2000
يعني من 8 سنين
و فيات نزلت الموديل البديل ليها خلاص(الجراند بونتو) سنه 2007.
يعني لو عاوز تقارن سريون 2008 قارنها بالجيل الجديد من البونتو مش بالجيل القديم
ويبقي الكلام كده
سيريون 2008 Vs فيات جراند بونتو
سيريون 2000 Vs فيات بونتو كلاسيك .
يا ريت تقولولي رايكم ايه؟؟؟:)

يمكنكم أن تنتظروا مواضيع جديدة منى عن السيارات اليابانية (نيسان و هوندا), و لكننى متردد فى كتابتهم لأننى لم أجنى من وراء ذلك سوى الشتائم و الغضب و التشنج

و انا مستني يا استاذ فادي
لكن المناقشه تكون بمنطقيه و بدون تحيز

[mero5005]

يعنى الموضوع دخل فى خناقه وايه الللى استفدته انا ؟؟؟؟؟؟؟؟؟؟؟؟؟؟؟؟؟
انا اللى طارح الموضوع والسؤال طلعت بايه؟؟؟؟؟؟؟؟؟؟؟؟؟؟؟؟
المهم انا من ساعه ما دخلت على الموقع ده وانا كرهت العربيات كلها بكل انواعها ( انا معايا 75الف ومش عارف اجيب عربيه؟؟؟؟؟؟؟؟؟؟) الله يخربيت ده زمن
على العموم الظاهر انى مليش نصيب وعلى العموم شكراااااا جدا لكل من ادلى رأيه مع ملحوظه صغيره منى
البونتو والسيريون.... عربيات دلوعه بتاعه واحد و2 زمايله بالكتير مش شغل شقا وتحمل وعيلات وكده
الفيات لا تعرف او لا تحب ان تتعب نفسها بصناعه تكييف عدل
اليابانيين تقريبا التكييف عندهم اهم من العربيه
وفى النهايه لا يبقى تحت ال80الف يشترى عربيه عدله وشكرا (مع تحياتى للياريس والسيتى)

[فادى]

يعنى الموضوع دخل فى خناقه وايه الللى استفدته انا ؟؟؟؟؟؟؟؟؟؟؟؟؟؟؟؟؟
انا اللى طارح الموضوع والسؤال طلعت بايه؟؟؟؟؟؟؟؟؟؟؟؟؟؟؟؟
المهم انا من ساعه ما دخلت على الموقع ده وانا كرهت العربيات كلها بكل انواعها ( انا معايا 75الف ومش عارف اجيب عربيه؟؟؟؟؟؟؟؟؟؟) الله يخربيت ده زمن
على العموم الظاهر انى مليش نصيب وعلى العموم شكراااااا جدا لكل من ادلى رأيه مع ملحوظه صغيره منى
البونتو والسيريون.... عربيات دلوعه بتاعه واحد و2 زمايله بالكتير مش شغل شقا وتحمل وعيلات وكده
الفيات لا تعرف او لا تحب ان تتعب نفسها بصناعه تكييف عدل
اليابانيين تقريبا التكييف عندهم اهم من العربيه
وفى النهايه لا يبقى تحت ال80الف يشترى عربيه عدله وشكرا (مع تحياتى للياريس والسيتى)

ليه بس العصبية دى يا عزيزى.
احنا بنتناقش و طبيعى انو الناس أراءها مختلفة و احنا مش بتنخانق و لا حاجة احنا بنتناقش, و كلنا زمايل و لو مفيش اختلاف فى الأراء يبقى ايه لازمة المنتدى؟!
احنا ممكن نغلط و نلعن فى عربية معينة و كل واحد يلعن و يتريق على عربية مش عاجباه أو على شركة معينة لكن عمرنا ما نغلط فى بعض و هو ده المهم, لأن فى الأخر العربيات دى شوية صفيح و المنتدى معمول عشان كل واحد يمدح فى السيارة الى بتعجبه و يشتم فى السيارة الى مش عاجباه بكل حرية بشرط انو يكون فى حدود الأدب و عدم استخدام ألفاظ خارجة, و عموما لا تتقوقع انك حتسأل و يجيلك الخبر اليقين "دى أحسن من دى", احنا بينالك من خلال نقاشنا عيوب و مميزات كل سيارة و حضرتك تقدر تختار حسب احتياجاتك.

[tutankhamoun]

يعنى الموضوع دخل فى خناقه وايه الللى استفدته انا ؟؟؟؟؟؟؟؟؟؟؟؟؟؟؟؟؟
انا اللى طارح الموضوع والسؤال طلعت بايه؟؟؟؟؟؟؟؟؟؟؟؟؟؟؟؟
المهم انا من ساعه ما دخلت على الموقع ده وانا كرهت العربيات كلها بكل انواعها ( انا معايا 75الف ومش عارف اجيب عربيه؟؟؟؟؟؟؟؟؟؟) الله يخربيت ده زمن
على العموم الظاهر انى مليش نصيب وعلى العموم شكراااااا جدا لكل من ادلى رأيه مع ملحوظه صغيره منى
البونتو والسيريون.... عربيات دلوعه بتاعه واحد و2 زمايله بالكتير مش شغل شقا وتحمل وعيلات وكده
الفيات لا تعرف او لا تحب ان تتعب نفسها بصناعه تكييف عدل
اليابانيين تقريبا التكييف عندهم اهم من العربيه
وفى النهايه لا يبقى تحت ال80الف يشترى عربيه عدله وشكرا (مع تحياتى للياريس والسيتى)

هو مش حضرتك سألت الناس سؤال
و الناس جاوبت بكل ما تملك من معلومات
حضرتك زعلان ليه ؟؟؟؟
كل واحد عنده معلومة عن السيريون قالها
و اللي عنده معلومة عن البونتو قالها

و لا حضرتك كنت عايز الإجابة ........... تكون ......... اشتري أ أو ب على أساس اللي أنت مُعجب به

[Dr.A.Nabil]

انا واحد عندي بونتو 2003

ناعمه جدا وسلسه وثابته وزي الفل

مشاكلها انا قلتها في موضوع منفصل

بس انا متأكد انها احسن من الجيتز

وكفايه انها افضل عربيه في اوروبا 2002 و 2003

[Dr.A.Nabil]

والحق يقال ان فعلا الباور بتاع البونتو لا يضاهيه أي باور اخر الا باور الهوندا
وهو أعلى من باور المرسيدس والبي ام وكله
ودي من ششهادة اي حد ركبها
واسأل سايس الجراج اللي عندنا
لأنه ساق كل الأنواع اللي في مصر


هي حلوه
بس اي عربيه فيها مشاكل

يعني تكيفها متوسط وصوتها عالي وضيقه