عداد السرعة بيستهبل...أيون بيستهبل

[icehearted girl]

السلام عليكم أهالي نايل موتورز

بقالي 3 ايام بظبط كل مبص علي العداد الاقيه 80...ونا حسة اني بكون علي سرعة اعلي من كدا بكتير.... ولما استغبي علدواسة البنزين بيوصل مية بالعافية

لحد مخليت اخويا ماشي جنبي وسألته قالي 120 وبصيت لقيت فلعداد 80 بردوا

دا بيحاول يعلمني الأدب يعني ولا خايف ملرادار مثلا؟؟؟

[nicegypt]

الحل بسيط عند حضرتك مش هيطلع عن الاتنين دول :
اولا : واير عداد الكليو متر
العداد عند حضرتك محتاج تغيير واير .. لان الواير احيانا بيكون تقيل جداَ وبيكون محتاج يتزيت او يتشحم داخل الجراب بتاعة لكن الصنايعي
بـ يستسهل للاسف او عايز يعمل شغل ف الغالب فبيقول : الواير عايز يتغير .
" ودة ف الغالب حل المشكلة وهيتكلف ف حدود 30 ج وهيشتغل"

ثانيا : عداد الكليو متر محتاج يتغير : وذلك لتأكل بعض التروس البلاستيكية داخل العداد فبيتطلب تغييرة افضل من اصلاحة

للكشف علية او تغييرة .. حضرتك محتاجة ورشة عدادات .. فية ورش اصلاح عدادات .. خاصة بالعدادات فقط .. اتمنى اكون ضفت ولو جزء من معلومة

[aymansaad]

مين احسن واحد بيصلح عدادات فى القاهرو وعنوانه لو سمحتم؟

[yoko]

على التوكيل وإدخلي إسألي على م.كريم حافظ أو م. مصطفى سامح وإحكيله الموضوع

[ahmadmidop]

انا بتهيألي قصدها على ال 128 مش البونتو ياحمد اكيد ولا ايه !

[saadelden]

لو ف الجيزه فيه كذا واحد عند ام المصريين
و فيه في عين الصيره نحيه الميكانيكيه بس شغله نضيف

[yoko]

انا بتهيألي قصدها على ال 128 مش البونتو ياحمد اكيد ولا ايه !

ال128 إتباعت يا باشا

[icehearted girl]

توكيل؟... اخصصصصصصص

طب انا فاضلي 500 كيلو استني ولا ايه؟؟

[yoko]

إستني وعلى فكره ده يخليكي عملتي أكتر من ال٥٠٠٠ بس بيقرأ غلط عشان العداد مبيعدش بعد ال٨٠

[icehearted girl]

الله يبشرك. ياحمد..غالبا علاسبوع الجي دا بقي اروح وخلاص...مش لازم ال 5000 مقفولين يعني

[yoko]

لأ مش لازم

[ahmed_mido1889]

مش ممكن يكون حساس السرعه اللي في الفتيس بايظ؟؟


ولو علي الورش في واحد في تقاطع شارع رمسيس مع احمد سعيد جنب مطعم نجف ده بيصلح العدادات