مساعده من ملاك فيات

[tifalol]

يا جماعه عايز اعرف كل حاجه عن البونتو كلاسيك

1- السعر

2- فيها كام فئه

3-الاوبشنز

[tifalol]

و الشنطه واسعه ولا لا

و توكيلها ايه نظامه ؟؟

[hazememam14]

1- السعر : 74000
2 - الفئات : فئة واحدة مانيوال
3- الأوبشنز : تكيييف - سيتي باور كهربا - مفيش كاسيت بس في 4 سماعات واريال - زجاج كهرباء أمامي فقط - 2 اير باج - سنتر لوك بس مفيش ريموت - كرسي السائق والدركسيون بيعلي ويوطي - كنبة خلفية قابلة للطي ... افتكر مانسيتش حاجة
4 - الشنطة طبعا مش زي العربيات السيدان بس أقدر لأقولك انها معقولة أكبر من البيكانتو والأي تن تقريبا قد شنطة الاونو كده لو شفتها
5 - التوكيل لسه ماتعاملتش معاه والعضاء هنا يقدروا يفيدوك أكتر بس علي حسب كلامهم التوكيل مش كويس ويعتبر هو العيب الأساسي لعربيات فيات في مصر بس لو العربية عاجباك توكل علي الله وماتشغلش بالك بالتوكيا ان شاء الله ماتحتاجوش غير في الصيانة الدورية ودي أمرها بسيط ان شاء الله وعامة كل حاجة البونتو كلاسيك موجودة برة التوكيل علي حسب كلام الأعضاء برضه

[tifalol]

مفيش كاسيت بس في 4 سماعات واريال

بجد ؟!
طيب ممكن يركبلها ولا ايه النظام ؟
والموتور حلو ولا ضعيف انا معايا اكسنت 1300 فالموتور احسن ولا اقل ؟

[hazememam14]

آه طبعا ممكن يركب أي كاسيت يعجبك ..... الموتور من غير تكييف ممتاز جدا .... مع التكييف في الأول علي سرعات بطيئة بتحس انه مأثر علي أداء العربية بس لما العربية تاخد سرعة هتبقي تمام قوي معاك

[tifalol]

شكرا ليك جداااااا