هل تشجعون تحويل السيارة الشاهين الى الغاز الطبيعى فى الملاكى

[maged]

حيث اننى استخدم السيارة فى السفر والتنقلات لمسافة 2000 كم شهريا فلو حولتها غاز هوفر كتير ولكن من الناحية الفنية هل هناك اثر سلبى للغاز على عمر الموتور يعنى لو فرضنا انى هشترى شاهين زيرو واركب عليها غاز فهل العمر المتوقع للموتور مع الغاز مثلا 200000كم وبدون غاز الموتور يعيش 250000 كم فو كان الفرق كده انا شايف ان الغاز هيوفرلى خلال ال 200000 كم مبلغ كبير جدا يخلينى اشترى شاهين تانيه مش مجرد انى اعمل عمرة للموتور
لذلك عايز اعرف من المهندس سبعاوى والاخوة الاعزاء رأيهم ايه بالضبط بس يكون رأى مبنى على اساس علمى مش مجرد سمعت او قالولى او ----------- شكرا واسف للاطالة

[sokasoon]

Re: هل تشجعون تحويل السيارة الشاهين الى الغاز الطبيعى فى الم

هل هناك اثر سلبى للغاز على عمر الموتور

طبعااا بيأثر سلبيا على الموتور

وانا افضل بلاش غاااااااااااااز

والعربية هيا مصممة تعمل على البنزين يعنى ماينفعش

نشغلها على الغاز الا اذا هيعود على الموتور بالسلب

وده رأيى بكل صراحة وامانة

[hazem_khidr]

انا مش بشجع الغاز في الشاهين ولا في اي عربيه تانيه سواء تاكسي او ملاكي و زي ما سوكاسون قال كده العربيه متصممه علي انها بنزين ما نجيش احنا نحولها لغاز و كمان انا بصراحه مش بخب فكره اني ابقي ماشي و حاطط انبوبه بوتاجاز في العربيه و كمان شغاله بخراطيم و فيها غاز مضغوط . العربيه بنزين يعني تفضل بنزين

[Driver]

كللوا يوسع.....زيزو هيقول كلمته....

اذا بتدور على التوفير اقولك انا...تحويل العربية لغاز...ميزته الوحيدة ان الغاز رخيص مووت بس..!!!

والباقي بقى خد عندك...
تحميل على المساعدين الخلفيين والعفشة دائم مما يؤدي لتدمير اساسات العربية..وده بسبب انبوبة الغاز الموجودة في الشنطة
حاجة تانية:وجود حمل دائم على العربية يدفعك الى الضغط اكثر على دواسة الغاز (البنزين) للحصول عل عزم اعلى مما يزيد احمال الموتور بالأضافة ان الغاز اصلا يهلك الموتور...
شنطة العربية هتضطر تسميها شتطة الأنبوبة :mrgreen: :mrgreen: لعد وجود حيز في الشنطة
في حالة نفاذ الغاز..(ومحطات الغاز ليست متاحة دائما) تضطر لتحويل العربية لبنزين حتى تمون غاز...وده يؤدي الى اختلال كهربة العربية ...والحاجة الدائمة لأعادة ضبط!!!
الأضرار...عفشة+مساعدين و سوست+عمرة موتور بدري=التوفير في تمن البنزين :!: :!:

واذا اضفنا وجع الدماغ للموضوع...هتطلع خسران!!

و يبقى كأنك يا ابو ذيت ما غزيت...

و قول يا باسط :mrgreen:

[ahmed1981]

لايتم التحويل إلا إذا كان المحرك كفاءته بحالة 90% على الأقل
بسبب زيادة نسبة الكبريت في الغاز لابد من تسخين السيارة جيداً وإلا تآكل المحرك بسرعة
وحتى وبعد التسخين الجيد فعمر المحرك مع إستخدام الغاز يقل عنه في حال البنزين

بالنسبة للسيارات الملاكي ذات المشاوير المتوسطة والقليلة:
لا ينصح بالتحويل للغاز إلا في السيارات من 1800 cc وأعلى حتى يكون مجدي إقتصاديا وبالتالي الوفر في البنزين يكون معوضاً للإستهلاك الكبير للمحرك بل يكون أوفر على المدى الطويل
لكن في حالة المحركات أقل من 1800 cc لا ينصح بالتحويل لأن وفر البنزين يقابله زيادة لمصاريف المحرك والعمرات وخلافة وبالتالي غير مجدي

بالنسبة لسيارات التاكسي والملاكي ذات المشاوير الكبيرة:
السيارات التاكسي والملاكي ذات المشاوير الطويلة مثل الأخ ماجد الموضوع يفرق شوية لأنه في هذه الحاله إستهلاكه للبنزين كبير في مدة زمنية قصيرة فممكن تكون مجدية معاه إقتصادياً حتى لو الموتور 1300 cc
وطريقة الحساب هي:
لو أنك تصرف بنزين في الشهر 1000 جنيه يعني مشيت 5500 كيلومتر بعربية 1500 cc
وإذا إفترضنا أن الغاز يوفر في المتوسط ثلث سعر البنزين بعد خصم وزن الإسطوانه وبعض الفواقد
إذن بعد التحويل للغاز سوف توفر في الشهر مبلغ 333 جنيها وفي السنة توفر حوالي 4000 جنيه
إذن أول سنة وفرت تمن التحويل للغاز وهو 4000 جنيه بعد مشي 66000 كيلومتر
لو قلنا العربية تحتاج عمرة في حالة البنزين بعد 250000 كيلومتر تقريبا
إذن في حالة الغاز هتحتاج عمرة بعد 180000 كيلومتر تقريبا
عند ال 180000 كيلومتر هتكون وفرت مبلغ حوالي 11000 جنيه ونخصم 4000 جنيه تمن التحويل يبقى معاك مبلغ 7000 جنيه
تكلفة العمرة بكبيرها أوي حوالي 3000 جنيه
تصبح كسبان في جيبك صافي 4000 جنيه مش وحشين
طبعا لو العربية موتورها أكبر مثلا 1800 cc أو 2000 cc كانت فرقت اكتر من كده بكتير
فكل واحد يحسبها صح وبعديين يقرر
هذا والله أعلم
م/أحمد :D