ادونى عنوان اوماترا بالتفصيل

[azmeralda]

من المنصورة لفرع جسر السويس سواء من الدائرى او زى ما السوبر جيت بيعدى عالمؤسسة الله يخليكو بالتفصيل الممل وياريت العودة كمان متقولوش هو هواه
واول مرة اروح سايقة وادعولى ربنا يحفظنى :b4_048:

[mohamed_selim]

الدائرى اسهل ... هتمسكى الدائرى شمال (يعنى تطلعى الطلعه اللى بعد ما تعدى من تحت الدائرى) فى اتجاه طريق الاسماعيليه الصحراوى ... عند نفق السلام متنزليش النفق و تاخدى يمين من فوقه فى اتجاه المطار ... هتلاقى كوبرى ما تطلعيهوش و تكملى من جنبه طوالى كده جسر السويس ..
هتلاقى عمارات عاليه على الشمال بعد حاجه بسيطه و بعديها بنزينه (على الشمال برضه) هتخشى يمين فى وش البنزينه (و هتلاقى يفط اوماترا) 50 متر و هتلاقى اوماترا

الرجوع هتطلعى من اوماترا على جسر السويس و تاخدى يوترن كأنك رايحه الاسماعيليه هتفضلى ماشيه لحد ما تعدى من فوق الدائرى (عند موقف العاشر و مدينة السلام) و تاخدى يوترن و ترجعى و تخشى يمين على الدائرى تانى

[azmeralda]

هو ما شاء الله شكله شرح مستفيض بس بالنسبة لى لوغاريتمات


انا تقريبا هنزل فى مصر الجديدة اعمل ايه بقى من هناك



اما من المنصورة اصلا للقاهرة معايا ربنا طبعا

[icehearted girl]

ههههههههههههههههههههههههههههههههههههه...ياربي والله انتي صعبانة عليا

انا كنت ريحة وملقاهرة وفضلت تايهة ساعتين حوالين المطار وكان يوم مش باينله شمس

[A.Saad]

طيب اوصفى انتى بقى يا ضحى
مرتين
الوصفة اللى تتوه
واللى ما توهش

[azmeralda]

محدش معبرنى مكانش العشم والله :( :( : (

معايا ربنا "اليس الله بكاف عبده "

[yoko]

هو شرح تمام قوليلي إنتي هتيجي من المنصورة ولا من مصر الجديدة وأنا هقولك

[azmeralda]

من الأتنين: )

[yoko]

من المنصورة هتخلصي الزراعي هتيجي عند الدائري هتعدي من تاحته وتطلعي إتجاه المطار هتلاقي الفاتحة بعد ما تعدي من تحت الطريق يمين وهتلاقي الطريق بيلف زي الدائرة وتطلعي الدائري هتمشي كتير أول نفق هيقبلك هتخشي من قبله يمين هتلاقي يافطة المطار أو مصر الجديدة هتخشيها هتمشي على طول متطلعيش الكوبري تفضلي من تحت هتمشي هتلاقي بنزينه كالتكس على يمين تكملي هتلاقي أول فاتحة بعد البنزينه يمين خشيها وهتلاقي قدام الفاتحة دي بنزينة الناحيه التانيه

مصر الجديده هتبقي جايه منين من مصر الجديدة وانا أقولك

[damasry]

زى ما يوكو والرجالة قالولك كده

ها تنزلى من الدائرى نزلة مصر الجديدة وها تكملى بتاع كيلو او اتنين وعلامة ليكى ها تلاقى بنزينة شل على يمينك قبل الكوبرى، كملى من تحت الكوبرى وامشى طوالى لا يمين ولا شمال لحد ما تلاقى الشبراوى بتاع السندوتشات على شمالك اول ما تلاقى الشبراوى على الشمال بصى على يمينك عشان اول يمين ها تدخليه (المسافة ما بين الشبراوى والشارع اللى ها تدخلى فيه حوالى عشرين متر فخدى بالك كويس) وعلى ناصية الشارع اليمين ده فيه صيدلية كمان بس مش متذكر اسمها.