كل واحد يقول معدل في عربيته إيه

[yoko]

موضوع Fiat Rules مشكلته ان مفيش حد في الوقت الحالي يثبت ده...
في الDaily Drive العربيات الفيات ممتازة و فوق الممتازة كمان .. و فيه منها أقوي من المتوسط بكتير ..
بس لما تيجي للشد و التعديلات .. مفيش حد معروف انه معاه عربية فيات جامدة.. حتي أقوي العربيات الفيات الجديدة في مصر لاترقي للسيارات المعدلة.

عيب عليك أعرف إتنين معدلين مواتير t-jet معدينها ال180 حصان

[khalid_adel]

طب ينفع انا اتكلم هنا ولا بلاش عشان ببيع العربيه :):):)
لا بجد انا الصراحه شاريها كده بس جربت ال 147 العادي ولاحظت عدة فروقات
المهم اتكلم لما ارجع من الشغل ولا ايه ؟؟
في انتظار ردودكو (تشويق واثاره)

[Mostafa_Sherif]

عيب عليك أعرف إتنين معدلين مواتير t-jet معدينها ال180 حصان

في رأي ميتسدش مع sir 1.6 متعدلة و متخففة ... أو كولت فيها gsr

طب جربوا مع أيه ؟؟ و النتيجه ؟؟؟

[MNabeih]

في رأي ميتسدش مع sir 1.6 متعدلة و متخففة ... أو كولت فيها gsr

طب جربوا مع أيه ؟؟ و النتيجه ؟؟؟

طيب مش هانقول حاجة غير ان في واحد حبيبي معاه t-jet متعدله طلع من ال mivec ال 2400
و الميني كوبر اس بكل سهوله هي و ال بي ام ال 330 الجديدة بردو بيسيبه و يمشي.
و انت لو فكرت تعدل تعديلات بسيطة علي الكوبية ما حدش هايعرف يسد معاك بسهوله.

و كان في عربية زمان بتاعة واحد بس مش معرفة اوي كانت تيبو 4*4 فيها الكوبية التربو كانت وهم.
هي بس مش كل الناس بتحب الفيات بس لما بتفكر في التعديلات بتبقي حاجة قوية.

[1.8Tee]

في رأي ميتسدش مع sir 1.6 متعدلة و متخففة ... أو كولت فيها gsr

طب جربوا مع أيه ؟؟ و النتيجه ؟؟؟

مش عاوز تجرب يا باشا.

[mohmdomar]

بسم الله الرحمن الرحيم

الاساس :- تيبو 1.4 كربراتير - 4 باب - زجاج كهرباء للأمام فقط
الشكل النهائي:-
1. محرك 2.0 - 5 سلندرات - حوالي 165 حصان بعد التعديل.( شكمان jazma , فلتر هواء مخروطي و برمجة كنترول )
2. الفرامل :- ديسكات أمامية 284 - ديسكات خلفية 240 + abs
3. سوست و مساعدين ماريا 2.0 أستيشن
4. تابلوه كامل و عدادات ماريا 2.0 و طاره مليتي ( كاسيت )
5. جنوط ألفا روميو 15" - كاوتش 195/50

النتيجة :-
1. تسارع ممتاز - جربت مع عربيات كتير و الاداء فوق الممتاز - أسرع حتي ال 190 من sir, abf in golf 2
2. الثبات :- يعني .. لحاد ال 210 كم مكنش عندي مشاكل
3. الفرامل :- فوق الممتاز

و للأسف حبيبتي الاولى تم تفكيك معظمها للحصول على تمويل كافي للغرام الحالي :)
فيات كوبيه - 2.0 - 5 سلندرات تربو ( غير معدلة نهائيا )

مصطفى شريف

الماتور دا بيعمله كم يا باشا واخبار استهلاك البنزين ايه؟

[MNabeih]

مش عاوز تجرب يا باشا.

طيب ما تقولنا علي التعديلات اللي عاملها في عربيتك الاول عشان نعرف نتكلم.
و يا ريت بالتفصيل الممل عشان نتناقش و يا ريت بردو تجاربك مع العربيات التانية.

[Mostafa_Sherif]

مش عاوز تجرب يا باشا.

بالتأكيد - معاك أيه ؟؟؟
أنا عموما ستوك .. بس الحمد لله العربية مظبوطة.

مصطفى

[Mostafa_Sherif]

ما شاء الله لا قوة الا بالله صحيح يا ولاد fiat rules
هو الموتور اللي في التيبو بتاع الكوبية؟؟
بالنسبة بقي للكوبية اية اخبار الاداء و مش ناوي تعمل remaping؟؟؟

الاداء ,, انا شايفه ممتاز .. بس انا مجربتش مع حد عشان أعرف أسرع من أيه...

[Mostafa_Sherif]

الماتور دا بيعمله كم يا باشا واخبار استهلاك البنزين ايه؟

الموتور ده مشكلته في السعر ان محدش يعرفه .. فأساسا محدش بيجيبو ..
هو انا كنت بدور علي الخمسة التربو و مكنتش لاقيه .. و وصيت كذا واحد لو لاقوه يكلموني ..
و في يوم كلمني يحي البنهاوي و قالي انه لقى نص ماريا ويكاند خمسه تربو .. رحت جريت عشان أشوف النص و أشتريه .. .. طلع نص ممتاز بس مش تربو
و أخدته منه ب 7000 جنيه و ديه صوره ...
نص أمامي كامل من غير فوانيس و مكن زجاج و مفتاح نور .. كل حاجة بعد كده كانت موجودة..



أما أستهلاك البنزين .. كان فوق الخيال لو مفيش جري.. وزن العربية خفيف قوي على العزم بتاع الموتور ... حوالي 250 في الصفيحة ... لو جري طول الليل و النهار بيبقي 140 كم في الصفيحة.

أنا نقلت كل حاجة في النص الماريا .. حتا شاسيه التابلوه و التكيف و كنترل الأيرباج .. ده غير الدواسات عشان الدبرياج باكم مش سلك




مصطفى شريف

[Mostafa_Sherif]

طيب مش هانقول حاجة غير ان في واحد حبيبي معاه t-jet متعدله طلع من ال mivec ال 2400
و الميني كوبر اس بكل سهوله هي و ال بي ام ال 330 الجديدة بردو بيسيبه و يمشي.
و انت لو فكرت تعدل تعديلات بسيطة علي الكوبية ما حدش هايعرف يسد معاك بسهوله.

و كان في عربية زمان بتاعة واحد بس مش معرفة اوي كانت تيبو 4*4 فيها الكوبية التربو كانت وهم.
هي بس مش كل الناس بتحب الفيات بس لما بتفكر في التعديلات بتبقي حاجة قوية.:b4_048:

على كده احب أجرب معاه
بس بردك الكوبر و ال330 عربيات ستوك .. وزن تقيل و مواتير مش متعدله.
يعني من الاخر مفيش عربيه فيات في مصر انا أعرفها تطلع من m3 e36 ستوك . ولا لأيه رأياك ؟؟؟

مصطفى شريف

[Mostafa_Sherif]

بسم الله ماشاء
تعديلات ممتازة وده اكتر ميزة شفتها فالعربيات الفيات انها منفضه على بعضها من اول موديل التيبو لحد البرافا والماريا
طبعا ربنا يباركلك فالكوبية ويحفظهاللك علشان العربية ديه فعلا من العربيات اللى لا غبار عليها والشباب فشرق اوروبا يكاد مخلينها طياره
بس ليا كام سوال لاقيت الكوبية فين ديه اكيد مش موجوده فمصر
وازاى ركبت موتور 2.0 20 valve على التيبو انا عارف ان الشاسية واحد بس هل لاقيت حد محترف يركب الماكينه ديه لان مراكز الصيانة هنا فمصر اعتقد انهم يفتقدوا خبر الفيات تماما وانت عارف الموتور ده معقد مش سهل لانى بفكر اركبة عندى فالبرافا

انا بس كمان غندى كام سوال
لاقيت الموتور هنا فمصر ولا جبتة من بره ؟؟
معدل استهلاك الموتور للبنزين ؟؟
ايه النصائح لو هركب الموتور ده على البرافا وهل ممكن اركب التيربو ولا صعب ؟

1. لاقيت الكوبيه عند واحد منزلها جمرك من الخليج. بس مش عايز اقلك لقتها صدفة أزاي. أنا أساسا كنت بدور علي تيبو كوبيه بقالي 4 سنين و سبحان الله لقيت الكوبيه. الحمد لله.
2. تركيب الموتور محتاج حاجتين أساسيين , أولا ميكانيكي بيفهم و مش بينشف دماغه على اللي ميعرفهوش , ثانيا تفك كل حاجة في عربيتك و ترجع تجمع من النص التاني ( راجع الصور )
3. ممكن تركب التربو عادي خالص لو لقيت نص كامل.. مشكلتك الوحيدة فر الرفارف الامامية - لازم تتنفخ عشان الكوبيه أعرض عند الرفارف.. بس مش أكتر ..

مصطفى شريف

[Moe86]

البنهاوى دة اللى فى الوكالة؟ بعد ما خدت النص دة ب7000, بعتله اللى مش محتاجه منه تانى؟

[Mostafa_Sherif]

انا استعملت كل حاجة في النص .. :)

[1.8Tee]

طيب ما تقولنا علي التعديلات اللي عاملها في عربيتك الاول عشان نعرف نتكلم.
و يا ريت بالتفصيل الممل عشان نتناقش و يا ريت بردو تجاربك مع العربيات التانية.

انا عربيتى ميتسوبيشى مش فيات :).

مغير الموتور ال 1.3 ب 1.8 تربو قدرتة ستوك حوالى 202 حصان و 275 ن.م عزم .

بالتأكيد - معاك أيه ؟؟؟
أنا عموما ستوك .. بس الحمد لله العربية مظبوطة.

مصطفى

كريستالة gsr بس امامى, و هى تقريبا لسة ستوك برضة :).