قول تعليق

[Moe86]

كنت فى الحرفيين من كام يوم بسأل على قطع لعربيتى و كدة, و أنا واقف قدام مجدى البيومى, سمعت واحد من اللى شغالين هناك بيقول لواحد تانى "جبت لى شنطة الإيفو و شنطة الجراند؟ يللا الراجل بتاع أوماترا مستنى"

هل معنى الكلام دة انهم بيشتروا الحاجة إستيراد أم 1000 جنيه و يبيعوا ب 2000 ؟ ولا أنا ظالمهم ؟ طبعا مافيش حاجة بعيد عن أومطرة أفشل توكيل فى مصر

[Donzi]

طيب كنت سالت الراجل و فهمت الحوار ايه بدل ما نظلم حد

[إبراهيم المصرى]

ممكن لعربيته او لحد قريبه الله اعلم

[damasry]

عااااااااادى جدا ووارد يا باشا

اذا كانت اوماترا بتاخد قطع غيار من عند الكيلانى

[yoko]

معتقدش يجيبوا إستيراد ويبيعوه للناس لكن بياخدوا من الكيلاني فعلا

[haany_ghazy]

[ahmadmidop]

يعني الكيلاني واصل عن التوكيل

[Scud]

معتقدش يجيبوا إستيراد ويبيعوه للناس لكن بياخدوا من الكيلاني فعلا

يعني الكيلاني واصل عن التوكيل

هو مش كده بالضبط.. بس الكيلانى بيستورد بكميات من OEM بتوع فيات

[zegna]

يبقي انت اكيد في مصر هيا جت علي اوماترا يا باشا دة انا سمعت ان بيحصل كدة في البافرية برضو انت في مصر يعني كل طرق النصب متاحة

[fineart607]

كل شىء وارد فى بلد اصبح بها فاسدين وعذرا انتهى زمن الشرفاء

[madyyuri]

إذا كان الكيلاني بيشتري قطع غيار من العزبه وبتتباع علي انها جديدة والكالم ده قالهولي واحد بتاع قطع غيار لما كنت بسأله علي الحساس بتاع الهوا لعربيتي

[Moe86]

هى عزبة شلبى دى ممكن ألاقى فليها بونتو من بعد 2004 ولا حاجات أقدم من كدة ؟ أسعارهم زى الحرفيين ولا أرخص شوية ؟

[yassinhaitham]

أنا من سنة و نص في فردة كاوتش عندي اتقطعت لما حكت في أسياخ حديد و غيرتها في التأمين ساعتها بتاع قناة السويس و عرفت من المهندس بتاع أومطرة ساعتها أن الفردة الجديدة مفكوكة من عربية تانية و استنيت وقتها بتاع شهر علشان استلمها من أومطرة فكل شئ جايز و في كمان توكيلات بتعمل أعمال السمكرة و الدهان فى ورش تانية برة و لما تيجى تستلم تدفع شىء و شويات للأسف احنا في مصر ماشيين بالمثل اللي بيقول من دقنه و افتنله للأسف و مع احترامى

[Moe86]

لا السمكرة و الرش بيتعمل عندهم فى الورشة, علشان كدة بيطلع زى الزف و يوكو رش الإكصدام بتاعه عندهم 7 مرات أو 9 مش فاكر

[yoko]

يا ريت يرشوا بره بدل العك الي بيعكوه ويا سلام لو يصلحوا بره كمان هيبقى أحسن برده