اوماترا فرع "الدراسة" ابتداء من 01/10/2011

[M.Gamaledeen]

السلام عليكم ورحمة الله وبركاته
ازيكم يا فياتاوية

النهاردة باتصل بالعزيزة "اومـاترا" علشان احجز ميعاد صيانة الـعربية، لاقيت "أحمد" بيقولي"تحجز في فرع الدراسة ؟؟ فيات اوماترا عملت مركز صيانة هناك والإفتتاح 01/10/2011.!!


ياترى حد عنده فكرة عن المركز ده؟ انا سألته مين هايكون هناك؟ قالي معظم الناس "فنيين ومهندسين" من جسر السويس هما اللي هايعملوا الصيانات برضو


طبعا الكلام ده لمصلحة اوماترا نوعا ما، افضل بكتيير من مشوار جسر السويس(حوالي 130 كم من عندي لهناك) وياريت المعاملة تكون اتغيرت هيا كمان!!

[onz]

معظم الناس من جسر السويس
طب ما كدة ممكن يحصل عجز في اللي شغالين في جسر السويس
انا بالنسبالي مركز جسر السويس عشر دقائق و اكون هناك

[S.S.E]

معظم الناس من جسر السويس
طب ما كدة ممكن يحصل عجز في اللي شغالين في جسر السويس:_alshmokh08[1]:
انا بالنسبالي مركز جسر السويس عشر دقائق و اكون هناك

ياراجل ..... ده أنا من حلوان بدب مشوار سيئ جداً ومعظم اللى معاهم فيات من أكتوبر والمعادى.

بالنسبه لفرع الدراسه ياريت العنوان بالتفصيل

[onz]

انا مش قصدي كدة
ان شاء الله يعملوا الف فرع بس ميكوش علي حساب فرع اخر
يعني يجيبوا عمالة جديدة

[eslam_fashion]

انا فرع جسر السويس قريب مني اوي برضه بس المهم يجيبه ناس تشتغل صح

[icehearted girl]

فين عنوانه بالتفصيل بقي؟؟؟؟ انا كان بالنسبة لي اروح فرع اسكندرية اسهلي من مشوارجسر السويس دا

[yoko]

فرع العباسيه جمب توكيل تيوتا ونيسان ودخلته من صلاح سالم
من يوم 1 أكتوبر
هيمسكه المهندس شريف صلاح في الإستقبال (نفسي أعرف مين الي وافق إنه يمسك المكان ده!!!!)
والمهندس سيد هيمسك الصيانه (راجل كويس جدا)
الصنيعيه جزء منهم من جسر السويس وجزء من إسكندريه لحد ما يوظفوا ناس جداد

[eslam_fashion]

فعلا مهندس سيد اسمع عنه انه كويس

[onz]

المهندس سيد كان ماسك صيانة 10 الف لعربيتي
راجل فاهم جدا و محترم

[M.Gamaledeen]

ندعي ربنا يكون مركز متميز ويقدموا خدمة محترمة تليق باسم وموديلات فيات

أنا "ان شاء الله" ميعاد الصيانة يوم الأربعاء اللي جاي، واكيد لما اخلص هاعمل تقرير عن الصيانة وعن المركز كمان (-;

[azmeralda]

ايوه هو صلاح ده اللى كلمته فى التليفون وقعد يقوللى عيب : )

هو احنا مينفعش نعمل قنوت جماعى فى صلاة الفجر عليهم كلنا لغاية ما ربنا يرحمنا منهم

[icehearted girl]

مهندس سيد دا رفيع واسمر وبدوجلاس..صح؟؟ غالبا هواللي عملي صيانة ال 5

[M.Gamaledeen]

ايوه هو صلاح ده اللى كلمته فى التليفون وقعد يقوللى عيب : )

عيب !!!
هو انت كنت قلتيله ايه ؟؟

[yoko]

مهندس سيد دا رفيع واسمر وبدوجلاس..صح؟؟ غالبا هواللي عملي صيانة ال 5

هو إيه البدو جلاس عشان أرد

عيب !!!
هو انت كنت قلتيله ايه ؟؟

لولا إني متأكد إنها مقلتلوش حاجة كنت هقول شتمته

[wama1903]

أنا "ان شاء الله" ميعاد الصيانة يوم الأربعاء اللي جاي، واكيد لما اخلص هاعمل تقرير عن الصيانة وعن المركز كمان (-;

تمااام