مشكلة ارتفاع درجة الحراة

[medo14093]

عندى مشكلة فى سيارة 132 ماتور 2 كامة 1600 سى سى وهى ارتفاع الحرارة علما باننى لسه عامل عمرة فى 2011/1 ودرجة الحرارة مرتفعة جدا وتم الكشف على دورة التبريد طلعت سليمة وتم تغير نوع الزيت اكتر من مرة لدرجة ان العربية جابت وش سلندر ومش عارف السبب ارجو الافادة من خبراء الموقع الممتاز

[ahmed79]

عندى مشكلة فى سيارة 132 ماتور 2 كامة 1600 سى سى وهى ارتفاع الحرارة علما باننى لسه عامل عمرة فى 2011/1 ودرجة الحرارة مرتفعة جدا وتم الكشف على دورة التبريد طلعت سليمة وتم تغير نوع الزيت اكتر من مرة لدرجة ان العربية جابت وش سلندر ومش عارف السبب ارجو الافادة من خبراء الموقع الممتاز

انت عندك مروحه تبريد ولا المروحه شغاله ديركت مع الماتور
لو فيها مروحه تبريد خليه يشوف الترموستات شغاله مظبوط ولا لا
وفى احتمال تانى ان تكون التكيهات عندك محمله عيزه تتظبط
روح لمكانيكى تانى غير الى انت بتتعامل معاه ممكن يكون مش عارف يظبطها لان فى كذه احتمال ومتقلقش هتتحل ان شاء الله
وبعد متصلحها ان شاء الله اعمل لها مروحه تبريد لو مفهاش ركبها وره الشبكه على الردتير واعمل لها مفتاح من جوه ولمبه بيان عشان تتحكم فيها انت

[medo14093]

شكرا يا باشا على الرد السريع واجرب ورد عليك

[mido_soliman]

حبيبى قلبى معاك عربيتى ال 2000 عذبتنى بخصوص الحرارة دى وكانت لسة متعمرة بردة عموما خد خلاصة التجربة
التاكيهات ملهاش علاقة انا مش عايزك تروح لواحد وتعطل نفسك ساعتين تلاتة جنبة علشان وش التاكية سخن ولازم العربية تبرد وفى الاخر يفتح ويقولك فى طبق محمل شوية بس ميعملش كدة
عموما بعد تجارب عدة اكتشفت ان لو التاكيهات كلها محملة مش هى سبب الحرارة الغير مبررللموديل دة تحديدا
ثانيا ودة الاهم محدش حيفيدك فى القصة دى لان تلات اربع الميكانيكية حيقولك الماتور ونلعب فية
نصيحتى من الاخر خالص ودة اللى انا عملتة ونسيت الحرارة
الجزء اللى بين الريدياتير والشبكة الخارجية (عربيتى كان فى سربنتينة تكييف فى المكان دة وطبعا شيلتها ) خدت مقاسات المكان دة ونزلت الحرفيين اشتريت مروحة طلعت بتاعة فيات تمبرا (مروحة كبيرة وقوية جدااااااااااااااااااااااااااااااا مش زى الغلبانة الصفرا الى عندنا دى
وركبتها فى المكان دة اللى انا قلتهولك وركبت وكانها ركبت كبس وكان المكان معمولها واتثبتت تمام وركبتلها كتاوت خارجى بس كتاوت تكييف من الغالى ابو 40 وانت طالع مش التركى الكبير بتاع النور دة حيتحرق ومفتاح من جوة وشغلها طول مانت ماشى بالعربية وانسى ان الحرارة تعدى ال90 او ان المروحة الاوتوماتك اساسا تشتغل
وادعيلى
ملحوظة مهمة جدا لو حتعمل اللى انا قلتلك علية دة لازم الكهربائى يخلى بالةةمن اتجاة الهوا بمعنى ان المروحتين يكونوا بيشتغلوا فى نفس الاتجاة يعنى الخارجية دى حتشتغل كانها شفاط تجيب هوا من برا وترمية فى ضهر الردياتير واللى جوة تجيب الهوا من وش الردياتير وترمية فى الموتور
اتجاة الهوا للمروحتين لجوة كانة فى اجهاة الكابينة لان لو المروحتين كل واحدة فى اتجاة العربية حتسخن اكتر من الاول

[thechemist]

أتاكد حضرتك من التاكيهات لأنها فعلا بتسخن العربية
تانى حاجه شوف حضرتك مشترك الشكمان من عند فرن الشكمان لأنه ساعات يكون مكسور أو الجوانات بتسرب لذلك حرارة الفرن تطلع كلها جوه الحوض
تالت حاجة شوف مروحة الترموستات ويستحسن فعل تتغير بمروحة أقوى زى ما قال استاذ mido_soliman

[thechemist]

حبيبى قلبى معاك عربيتى ال 2000 عذبتنى بخصوص الحرارة دى وكانت لسة متعمرة بردة عموما خد خلاصة التجربة
التاكيهات ملهاش علاقة انا مش عايزك تروح لواحد وتعطل نفسك ساعتين تلاتة جنبة علشان وش التاكية سخن ولازم العربية تبرد وفى الاخر يفتح ويقولك فى طبق محمل شوية بس ميعملش كدة
عموما بعد تجارب عدة اكتشفت ان لو التاكيهات كلها محملة مش هى سبب الحرارة الغير مبررللموديل دة تحديدا
ثانيا ودة الاهم محدش حيفيدك فى القصة دى لان تلات اربع الميكانيكية حيقولك الماتور ونلعب فية
نصيحتى من الاخر خالص ودة اللى انا عملتة ونسيت الحرارة
الجزء اللى بين الريدياتير والشبكة الخارجية (عربيتى كان فى سربنتينة تكييف فى المكان دة وطبعا شيلتها ) خدت مقاسات المكان دة ونزلت الحرفيين اشتريت مروحة طلعت بتاعة فيات تمبرا (مروحة كبيرة وقوية جدااااااااااااااااااااااااااااااا مش زى الغلبانة الصفرا الى عندنا دى
وركبتها فى المكان دة اللى انا قلتهولك وركبت وكانها ركبت كبس وكان المكان معمولها واتثبتت تمام وركبتلها كتاوت خارجى بس كتاوت تكييف من الغالى ابو 40 وانت طالع مش التركى الكبير بتاع النور دة حيتحرق ومفتاح من جوة وشغلها طول مانت ماشى بالعربية وانسى ان الحرارة تعدى ال90 او ان المروحة الاوتوماتك اساسا تشتغل
وادعيلى
ملحوظة مهمة جدا لو حتعمل اللى انا قلتلك علية دة لازم الكهربائى يخلى بالةةمن اتجاة الهوا بمعنى ان المروحتين يكونوا بيشتغلوا فى نفس الاتجاة يعنى الخارجية دى حتشتغل كانها شفاط تجيب هوا من برا وترمية فى ضهر الردياتير واللى جوة تجيب الهوا من وش الردياتير وترمية فى الموتور
اتجاة الهوا للمروحتين لجوة كانة فى اجهاة الكابينة لان لو المروحتين كل واحدة فى اتجاة العربية حتسخن اكتر من الاول

ممكن حضرتك تقولى موضوع مروحة التمبرا بالكتاوت الخارجى النضيف وياريت لو تقولنا نوعه بالتركيب اتكلف معاك كام لأنى كنت عايز اعملها عندى فى الشاهين لأنى عندى المروحة تعبانى شويه

[toomy_29]

انا معايا عربية 2000 سىسى و العربية دى نازلة بمروحة كهراياء على ترموستات انا خليت المروحة دى ورى الريادتير من ناحية الشبكة و عملت فلانشة طولها حولى 5 سم وركبت مروحة على البكرة بتاعة طرمبة المية و نسيت الحرارة و امبير الحرارة و مش ببص علية اصلا

[thechemist]

فعلا حضرتك ده فى الصيف ممتاز انما فى شوارع مصر اللى هى عبارة عن جراج متحرك بتبقى سرعة المروحة هى سرعة السلانسيه لذلك تلاقى العربية بتسخن وفى الشتاء المروحة الدايركت بتخلى العربية تلاجة ومابتسحبش خالص