كل ده علشان المرايه الشمال !!!!

[mrghost]

السلام عليكم ورحمة الله وبركاته
الحكايه باختصار انى كنت بصيف من اسبوعين وانا ماشى بالعربيه واحد ابن حلال كان راكن على جنب وفتح الباب من غير مايبص جنبه طبعا قايم الباب بتاعه خبط فى المرايه الشمال بتاعتى لاقيت المرايه بتطير وبترشق فى ايدى (اصلى كنت ساند ايدى على الباب) وردت فى التابلوه طبعا عورتنى فى ايدى وشرخت حته فى التابلوه ده غير ان الباب اتجرح من بره
قولت عوضى على الله وابقى اجيب مرايه صينى وخلاص ب 35 جنيه دى عربيه شاهين مش مشكله
المهم نزلت اجيب الصينى بعد ماشتريتها لاقيت نفسى مش شايف فيها حاجه
عباره عن مرايه زى اللى فى البيت ومتركبه
طبعا شربتها على كده
قولت انزل اجيب واحده تركى
المفاجأة لاقيتها نفس النظام بالظبط مش شايف منها حاجه
اخر حل عملته وفشل فشل زريع قولت اجيب مرايه عربيه سوزوكى فان اصلى استيراد واقص الازازه بتاعها واركبها وفعلا عملت كده وبرضه مش شايف منها اى حاجه
يعنى صرفت حوالى 100 جنيه على الفاضى
ونفسى اعرف ممكن الاقى مرايه استيراد بتاعة شاهين بس تكون اصلى ولا لا؟ لانى زهقت خلاص

[Elawany13]

ياساتر يارب
حتى مراية الشاهين بقت مشكلة !!!!

طيب مراية الدوجان والشاهين القديمة المستطيلة جربتها ؟ انا سامع انها أفضل من المرايات الجديدة البومبيه

[SASA3]

صلى بينا على النبى الاول
و بعدين سلامة ايدك و فداك الف مراية
بص الحته الى المرايه الزجاج بيركب فيها عندك سليمة ولا لا لو سليمة انت تاخدها او تفك المرية كلها و تروح عند واحد بتاع زجاج عربيات و تقوله عاوز اركب على ده مراية ""مقعرة""
هو بيبقى عنده لو ح زجاج متوسط الحجم كده بياخد الفبر الى كان راكب فيها المراية القديمة و يحط اللوح الزجاج ده عليها و يبدا يقص من النصف علشان تجيبلة الصورة واضحة
و الحكاية ده بتنفع على اى عربية المهم الفبرة تكون سليمة و بتكون التكلفه حوالى 40 جنيه بس بتاخد وقت شويه و الف سلامة على ايدك تانى ^^

[SYD]

صلى بينا على النبى الاول
و بعدين سلامة ايدك و فداك الف مراية
بص الحته الى المرايه الزجاج بيركب فيها عندك سليمة ولا لا لو سليمة انت تاخدها او تفك المرية كلها و تروح عند واحد بتاع زجاج عربيات و تقوله عاوز اركب على ده مراية ""مقعرة""
هو بيبقى عنده لو ح زجاج متوسط الحجم كده بياخد الفبر الى كان راكب فيها المراية القديمة و يحط اللوح الزجاج ده عليها و يبدا يقص من النصف علشان تجيبلة الصورة واضحة
و الحكاية ده بتنفع على اى عربية المهم الفبرة تكون سليمة و بتكون التكلفه حوالى 40 جنيه بس بتاخد وقت شويه و الف سلامة على ايدك تانى ^^

111111111111+

بالظبط كدة
واحسن ناس في الكلام دة في وسط البلد ناحية شامبليون

والله المستعان
،
،

[pro_samir]

أي مرايه مقعره فعلا ، انا كنت جايب بتوع لانسر

بس الجديد قصها عند بتاع نضارات مش زجاج .. هتطلع بالملي

[mrghost]

صلى بينا على النبى الاول
و بعدين سلامة ايدك و فداك الف مراية
بص الحته الى المرايه الزجاج بيركب فيها عندك سليمة ولا لا لو سليمة انت تاخدها او تفك المرية كلها و تروح عند واحد بتاع زجاج عربيات و تقوله عاوز اركب على ده مراية ""مقعرة""
هو بيبقى عنده لو ح زجاج متوسط الحجم كده بياخد الفبر الى كان راكب فيها المراية القديمة و يحط اللوح الزجاج ده عليها و يبدا يقص من النصف علشان تجيبلة الصورة واضحة
و الحكاية ده بتنفع على اى عربية المهم الفبرة تكون سليمة و بتكون التكلفه حوالى 40 جنيه بس بتاخد وقت شويه و الف سلامة على ايدك تانى ^^

الله يسلمك يابشا
ايوه الفبره البلاستيك سليمه الحمد لله
وهنزل بكره ان شاء الله اشوف حد بتاع زجاج سيارات وربنا يسهل

[mrghost]

111111111111+

بالظبط كدة
واحسن ناس في الكلام دة في وسط البلد ناحية شامبليون

والله المستعان
،
،

كنت هناك من يومين ومجاش فى دماغى اسال لو كده هروح فى اقرب وقت ان شاء الله

[mrghost]

أي مرايه مقعره فعلا ، انا كنت جايب بتوع لانسر

بس الجديد قصها عند بتاع نضارات مش زجاج .. هتطلع بالملي

طيب اجيبها منين المرايه المقعره؟

[HRH_Sameh]

أولا حمد الله على سلامتك يا بشمهندس
انا غيرت المراية الشمال دي 3 مرات مرتين منهم الصيني المنتشرة ام علبة زرقاء دي وطبعا سيئة
بعد بحث وصلت لمراية تركي مش بطالة ماركتها erayna جبتها من شهور بـ 40 ج والحمد لله جودتها ومرايتها قريبة من الأصلية
ده شكلها:

وده الموقع:
[::ERAYNA OTOMOTIV SAN.TIC.LTD.STI. .::]
انا كنت جايبها عندنا من البلد يعني مش من القاهرة بس اسأل في التوفيقية هتلاقيها ان شاء الله

[saadelden]

انا غيرت مرايات ال 131 و جبت المرايات دي بس نفس مستوى الرؤيه مفيش جديد


بس انا شكلي هبيع العربيه قريب ان شاء الله و اجيب حاجه احدث

[Elawany13]

عندى موتوسيكل ومرايته اتكسرت والفبرة كانت سليمة
المهم كان عندى زجاج مرايه تانية اصلية مقعرة طبعا وكانت اكبر حجما .... ياعنى عاوزه تتقص
اخدتها وروحت لبتاع الزجاج (زجاج النوافذ والابواب والأثاث)
وقولتله قصها على مقاس الفبرة اللى معايا
المشكلة انها رقيقة جدا عن الزجاج والمرايات العاديه
والمشكلة الثانية انها مقعره
أول ما جه يضغط عليها بالألماظة اللى بيقصوا بيها
اتكسرت على طول

مش عارف بتوع زجاج السيارات هيكون عندهم امكانية قص المريات المقعره ولا ممكن تتكسر فى ايديهم

أول مرة اعرف ان بتوع النظارات ممكن يقصوها
بصراحة فكرة رائعه ودقه اكيد عالية جدا
واكيد عندهم خبره فى التعامل مع العدسات الرقيقة والمقعره والمحدبه

[Elawany13]

المرايه الشمال بتاعت الشاهين بتاعتى
كانت فى العربية من يوم ما اشتريتها
بسبب الموضوع ده لاحظت انها مش الأصليه

لاحظت عليها ملاحظتين

الأولى : لو ضميت المراية الشمال على الآخر وجيت اقفل زجاج شباك السائق مش بيقفل لإن المراية بتاعكسه بخلاف المرايه اليمين لما بتنضم مش بتوصل لحد الزجاج

الثانية : قارنت بين صورة العربيات اللى خلفى فى المراية الشمال والمراية اليمين لاحظت ان المراية اليمين صورة السيارات اللى ورايا اصغر وطبعا مديه مدى رؤية أكبر بخلاف المراية الشمال لاقيت صورة العربيات اكبر بكتير من اليمين وبكده الصورة مش باينه بالكامل وعلشان كده بستخدم مراية الصالون اكثر من المرايه الشمال

بصراحة انا مكنتش مرتاح للمراية الشمال من يوم ما اشتريت العربية بس مكنتش حاطط فى دماغى ومفكر ان الشاهين كده ..وزعلت قوى امبارح لما اكتشفت انها مش الاصلية

[mrghost]

والله انا كرهت نفسى بسبب المرايه
انا نزلت عزبة شلبى ولفيت عليها كله بيقولى لازم تتباع مع الباب بتاع العربيه(يعنى علشان اشتريها اشترى معاها الباب اللى راكبه فيه)
رحت النهارده ش رمسيس عند كمال مهران وفيات 2000
عارفين قالولى ايه
دى بتنزل مع الفبريكه بس ومتدورش عليها وتتعب نفسك
اخر حل بقى لانى زهقت كنت النهارده ف ش دمشق وكنت ناوى اجيب مرايه فيرنا واحاول اركبها لاقيت الراجل بيقولى عاوز المرايه كلها ولا الزجاجه بس طبعا قولتله الزجاجه بس وبقوله عاوز اوفقها على مرايه شاهين وصفلى واحد عند كشرى زيزو بتاع زجاج ومرايات منزلى وقالى ده بيعملها وبيصب مرايات للعربيات رحت سالته قالى هاتلى العربيه بس للاسف كان معايا الماروتى بإذن الله هروحله فى اقرب وقت واشوف

[saadelden]

والله انا كرهت نفسى بسبب المرايه
انا نزلت عزبة شلبى ولفيت عليها كله بيقولى لازم تتباع مع الباب بتاع العربيه(يعنى علشان اشتريها اشترى معاها الباب اللى راكبه فيه)
رحت النهارده ش رمسيس عند كمال مهران وفيات 2000
عارفين قالولى ايه
دى بتنزل مع الفبريكه بس ومتدورش عليها وتتعب نفسك
اخر حل بقى لانى زهقت كنت النهارده ف ش دمشق وكنت ناوى اجيب مرايه فيرنا واحاول اركبها لاقيت الراجل بيقولى عاوز المرايه كلها ولا الزجاجه بس طبعا قولتله الزجاجه بس وبقوله عاوز اوفقها على مرايه شاهين وصفلى واحد عند كشرى زيزو بتاع زجاج ومرايات منزلى وقالى ده بيعملها وبيصب مرايات للعربيات رحت سالته قالى هاتلى العربيه بس للاسف كان معايا الماروتى بإذن الله هروحله فى اقرب وقت واشوف

عند كشري زيزو الي ف الجيزة ؟

ياريت تقولي علي مكانه بالظبط لاني عايز اغير المرايات التعبانه دي

تخيل ماكملوش كام شهر و اتحرقو من الشمس !!!!