ايهما اختار ممكن تساعدونى

[romy_lover]

ناس بتقلى الفيات 131 حلوة وكويسة وناس تقلى بيجو 504 اجمد عربية وحلوة فى الطريق وناس تقول الشاهين مفيش بعد كدة منظر وشياكة وكويسة
ممكن تقوليلى يا منتدى الكريم اية الاحسن فى دول من حيث السفر والثبات واقتصادية ولا وقطع الغيار موجودة ورخيصة ولا ياريت الرد عشان انا بجد ناوى اشترى ومحتار والعربيات دى دلوقتى تكون عاملة كام اسعار سوقها

[ahmed79]

ناس بتقلى الفيات 131 حلوة وكويسة وناس تقلى بيجو 504 اجمد عربية وحلوة فى الطريق وناس تقول الشاهين مفيش بعد كدة منظر وشياكة وكويسة
ممكن تقوليلى يا منتدى الكريم اية الاحسن فى دول من حيث السفر والثبات واقتصادية ولا وقطع الغيار موجودة ورخيصة ولا ياريت الرد عشان انا بجد ناوى اشترى ومحتار والعربيات دى دلوقتى تكون عاملة كام اسعار سوقها

انت السعر الى حطه كام لان على ضواه هتشترى
مبفضلش البيجو هى عربيه متتعيبش بس كفايه عليها كده قطع غيار الاستيراد بتعتها بقت غليه والى معاه عربيه منها رافع فى السعر لو دخلت على كونتك هتلاقى اسعار غريبه الشكل
خليك فى 131 الى فى 80 وانت طالع هى الشاهين حلوه بس ديقه من جو شويه وهى تعتبر التعديل بتاع 131مع بعض الفوارق دى فيها مميزات ودى فيه عيوب وسعر 131 بيتراوح من 18000 وفى اقل شويه وفى اغله حسب حاله العربيه وفى الاول والاخير لازم تكون سليمه متجبش وتشد وطبعن 131 والشاهين موفرين عن البيجو فى البنزين ومن نحيه الثبات هم اثبت منه لان البيجو خفيف
وده راى الشخصى شوف راى باقى الاعضاء والراى الاول والاخير لك

[hugan]

لو هايخليه في ال 31 نفس الكلام ينطبق علي البيجو ال 2 اخوات موديلات قديمه والعربيات قربت تنتهي
واعدامها في مشروع التاكسي قل من فرصه انك تلاقي قطع غيار بسهوله
انا فرت نفس تفكيرك وانا باشتري الشاعين
عربيه نسبيا شكلها اجدد من البيجو وال 31
قطع غيار متوفره بسهوله
عربيه جديده البودي يتاعها لسه جديد
مفيش بارومه
لو ناوي علي الشاهين اوعي تجيب قبل 96

[saadelden]

ال 131 دلوقتي موديل تمانينيات لو مش محتاجه مصاريف هاتعمل في حدود 24 الف
موديل سبعينيات مش محتاجه مصاريف من 20-22 الف

الشاهين يبقى موديل فوق 2000 و تبقى 1600 انجكشن عشان السفر
سعرها في حدود 30-35 الف حسب الحاله و الكماليات

بلاش بيجو لان قطع غيارها بتنتهي من السوق

[romy_lover]

ميرسى لردكو الكريم

[kimotop]

الشاهيين اشيك و شكلها احدث وعملية

البيجو راحت عليها بس دا مينمعنش انها عربية ممتازة لكن مبقتش خلاص

ال 131 الكل بيشكر فيها لكن يعيبها شكلها القديم

فخلاصة رايي خليك في الشاهين الصراحة مع ناس كتير اعرفهم و بيشكروا فيها جدا