كتاوت تكييف التمبرا

[abdelmessih67]

الاخوة الافاضل

المروحة عندي تفضل شغالة بمجرد ما أدور العربية حتى و التكييف مش شغال , أتضح أن العيب من كتاوت التكييف و هو المسئول على ما يبدو عن تشغيل المروحة مع تشغيل التكييف , طبعا العربية بتفضل باردة و الاربي أم منخفض و السحب ضعيف .

الكتاوت شبه الموجود بالصورة

سألت عند الكيلاني و محمد يوسف فلم أجده لانه ناقض له فترة و سعر الكتاوت اللانشيا الاصلي 120 جنيه في حالة توافره و لكن الكهربائي قال لي أن من الممكن تصليحه عند فني الكترونيات ( تليفزيون , راديو و مشابه ) أو استيراد و ساعتها أنا و بختي لانه ممكن يفصل أو يعطل بعد فترة قصيرة .

حد عنده أقتراحات ؟؟؟؟؟؟؟؟؟؟؟؟؟

[man701]

انا ممكن اعملك دايرة بديلة تقوم بنفس الوظيفة .... انا عندى نفس العربية بس محصلش عندى العيب ده لانى موقف التكييف اساسا بس انا مهندس ميكانيكا والكترونيات
والحاجات دى ممكن دلوقتى يتعمل مكانها دواير بديلة وهتشتغل احسن من الكتاوت ... لو تحب انا ممكن اساعد

[ZALABANY]

باشا الكتاوت دي مكانها فين
لأن تكييف التمبرا الفابريكه مافيهوش كتاوت اصلا الكتاوت دي بتركب بلدي عشان تخلي المروحة تشتغل مع التكييف على طول واللي بيقوم بدورها مجموعة المروحة السوداء الله ورا الفانوس الأيمن والمجموعه دي كلها ب 150 جنيه اتأكد ان كهربة التكييف مش ملعوب فيها عندك وان المجموعة دي سليمه وكله هايبقى تمام ان شاء الله

[abdelmessih67]

الاخوة الافاضل
شكرا للأخ مان على المساعدة

باشا الكتاوت دي مكانها فين
لأن تكييف التمبرا الفابريكه مافيهوش كتاوت اصلا الكتاوت دي بتركب بلدي عشان تخلي المروحة تشتغل مع التكييف على طول واللي بيقوم بدورها مجموعة المروحة السوداء الله ورا الفانوس الأيمن والمجموعه دي كلها ب 150 جنيه اتأكد ان كهربة التكييف مش ملعوب فيها عندك وان المجموعة دي سليمه وكله هايبقى تمام ان شاء الله

هي فعلا زي ما وصفتها يا أخ تامر مجموعة من الكتاوتات في علبة سوداء بلاستك مثبتة بمسامرين في صدر العربية خلف الفانوس الامامي يمين و كل الكتاوتات عليها علامة فيات لانشيا الفاروميو الاصلية بما فيها الكتاوت الذي تم فكه و هو موجود معايا حاليا .

على فكرة غالبا التكييف ماحدش عمل فيه حاجة لاني و أنا بأفرجه للكيلاني كنت بأقوله ده كتاوت مروحة لقيته بيقوللي : لا ده كتاوت تكييف مش مروحة و الاصلي بيعمل 120 جنيه بس هو حاليا ناقص

تنصحني بأيه ؟؟؟؟؟

[ZALABANY]

باشا انا محمد مش تامر
نصحك تنزل العزبه وتشتري المجموعه كلها ب 150 جنيه وممكن اقل كمان وتريح دماغك

[abdelmessih67]

باشا انا محمد مش تامر
نصحك تنزل العزبه وتشتري المجموعه كلها ب 150 جنيه وممكن اقل كمان وتريح دماغك

شكرا يا أخ محمد و عذرا للخبطة في الاسماء , بينك و بينك فكرة كويسة وباقي المجموعة سليمة لكن تفضل قاعدة معايا أحتياطي لو حصل عطل و لكن ان بالنسبة لي الوكالة أقرب و كويس انك قلتلي على سعرها

[ZALABANY]

ولا يهمك يا باشا