طب مش كوتتو تقولوا إن العربية طلعت بالاستيك :D

[icehearted girl]

خدعوني فقالوا فياااااااااااااات...تطلع بالاستيك علي رأي عم محمد

فييييييييييييين ايام ال 128 بس

بقالي شهرين ديخة علي كلابش مناسسب لان كلهم قصيرين جدا لان فلتابلوه تحت الدركسيون في بروز لقدم مبيخليش اي كلابش ينفع

وجربت حوالي تمانية وارجعهم ...ويوم مجيب واحد وينفع واروح جري اجربه ....يكسرلي دواسة البنزين....

فين ايام ال 28 كان ممكن الدواسة هياللي تكسر الكلابش...

كنت بحطه كمان فلفرامل..انما دي مش نافع غير دواسة البنزين للاسف

والدواسة عمالة تتحرك يمين شوية....وتيجي تتزنق ورا دواسة الفرامل شوية

وبالتالي مش عارفة اقرص علفرامل..ورجعة طول الطريق بلمنظر دا

بقي دي أخرتها.....بالاستيك يا بونتوتتي؟

[A.Saad]

هاتى اللى بيتحط بالعرض على الدركسيون

ممكن اشتر ليكى 128
وابدل معاكى
وعلشان كنا جيران
مش هدفعك الفرق

[ahmadmidop]

اكيد انتي استعملتي العنف معاهاا شويتين تلاتة :]

[midomansour]

يا جماعه انا عايز اعرف حاجه بخصوص البونتو كلاسيك
واحد بيقولي ان لحدت 2008 تقفيل ايطالي لكن بعد كده تقفيل مجري و ناقصه كماليات كتيير
الكلام ده صح ولا ايه؟؟

[maryano]

اكيد استعملتي معاها العنف

[icehearted girl]

أديني ف أوماترا اهو فرع الدراسة..احلي حاجة الدنيا فاضية جدا وهادية وموقفين اتنين فلشارع يمسكوا ف اي فيات معدية عشان المكان مش باين اوي

طبعا القاعدة البلاستيك اللي متثبته فلدواسة هتتغير

وبرده نفس موال العواكس والطبة كل مرة يقولي احجزهملك

العاكس اليمين ب 75 والطبة ب 85 بعتوا دلوقتي يجيبوهالي من فرع جسر السويس

الغريب ان الناس هنا احسن بكتير من جسر السويس....مش هما بردوا اللي كانوا هناك؟؟؟

ولا هوا الغربال الجديد له شدة؟؟

[yoko]

أنا مش هحرق العك الي حصلك لما تيجي تبقي تحكي إنتي
بس أوماترا بردوا طمنوني إنهم زي ما هما وعكوا الدنيا كالعادة

[icehearted girl]

دا تالت فنجان قهوة بشربه ياحمد اعوض بس حرقة الدم واجي احكي بس هقول كلمتيندلوقتي


dear Omatra

فلتذذذذهبي الي مزززززززززززبلة التارييييييييخ

[ahmadmidop]

!!!!!!!!!!!!!!!!!!!!!!!!!!!!!

[Dr. Halawa]

ما فيش فايدة

[icehearted girl]

خير اللهم اجعله خير..النهاردة الصبح رحت الفرع الجديد اللي ورا مرور الدراسة..وطبعا الطريق اخدته ف 3 ساعات تقريبا لان العربية يادوب بتشم بنزين وكمان دواسة البنزين كل شوية بتتزحلق
تحت الفرامل ونا سنداها برجلي...وصلت تقريبا 8 ونص اول مفتحوا والعربية استلمها مني بشمهندس سيد..ومجرد مقلتله علمشكلة قالي تمام القاعدة البلاستيك نفسها هتتغير..ساعه بلكتير وتستلمي العربية (واخدين بالكو؟؟؟ ساعة )

اتلطعت فوق ف الاستراحة ساعه وربع بظبط فجأة راح ندهلي ..استغربت ان معاملة الناس محترمة قلت هي الحداية بقت تحدف كتاكيت؟؟؟ المهم نزلت قابلت المهندس صلاح اللي ماسك الفرع دا تقريبا...وقالي ان القطعة دي اساسا مش موجودة ف ولا فرع ف مصر وان دي اول عربية ياقبلها الجزء دا يتكسر منها ( يعني مشكلة حصرية يعني علي اساس ان البونتو ف مصر عددهم 4 ) واني قدامي 3 اختيارات...
_ ياما استني من 3 اسابيع لشهر عالاقل يكونوا استوردوها من ايطاليا

_ ياما يجبولي قطعه استيراد من عربية عاملة حادثة خفيفة بتاعتهم فلتوكيل..

_ ياما يفكوها ويلحموها...بظبط الكلام دا قالهولي المهندس صلاح دا...وقالي هيستني ردي ف خلال ساعه

المهم بعد ساعه كلمني قالي القطعة ملعربية بالمصنعية هتعمل حوالي 1400 جنيه...قلتله طيب وجديدة؟؟؟ قالي لا تدفعي ديبوزيت ونحجزها...قلتله احجز ديبوزيت علي اساس ايه يعني؟؟؟ انا عاوزة اعرف سعرها الاول...وعموما انا عوزة الحمها مؤقتاوقلت ابقي اجبها من برة التوكيل وخلاص

قالي ماشي نلحمها..قلتله طيب بعد متلحم قبل متركبها انا عوزة اشوفها بنفسي واشوف اللحام واعرف نوعه ايه كمان....

لقيت اسلوبه معايا اتغير 180 درجة..وقعد يقولي يخصك ف ايه نوع اللحام ونتي هتعطلينا مش هنستناكي حدمتيجي تتفرجي...ٌلتله يعني ايه يعني هونا بلحم لعبة انا من حقي اشوف اللحام واشوفه كويس ولا لا وياسيدي خمس دقايق واكون عندك تاني

بقي يتكلم بمنتهي قلة الذوق وقالي هتمضيلنا كمان علي تعهد ان اللحام دا هيكون علي مسئوليتك انتي.وقعد يقولي مش مسئول عن اللحام دا شهر وهيفك تاني وغير كلامه كله...وقفل

حكيت لاحمد واداني رقم مستر نوفازيو...وقالي هيتصرفلي خلاص بس اجيب العربية ملتوكيل

كلمته لكن المشكلة مكنش سامعني كويس والشبكة زفت ورجعت كلمتهم تاني..قلتلهم دلوقتي غير قانوني اصلا اللي انت بتقوله...اناللي هاخد تعهد من اوماترا ان اللحام داا معمول فلتوكيل وغير كدا مش هستلم العربية....لقيته مغير كلامه تااااااااااااني وقعد يقولي لحام ايه لا احنا مقلناش هنلحم انا قلتلك هجبلك القطعه من عربية زيرو...قلتله منين زيرو هتجبهالي منها يعني شايفني عيلة صغيرة؟؟؟ انت قايلي انها عاملة حادثة تبقي منين زيرو قعد يقولي لا انا قايلك كدا مالاول وبرده قفل

طبعا يوكو جبهالي ملوكالة بكام تخيلوا؟؟؟؟ هسبكم تخمنوا شوية

المهم احمد جه معايا التوكيل وكان هناك طارق جبريل...ووحكيتله عللي حصل وفعلا غلط المدير دا ف ان مينفعش حاجة اسمها لحام تتم ف توكيل

وكمان مفيش حاجة اسمها ادفع ديبوزيت عشان تيجي

دا غير ان المدير انكر تماما قدامه انه هيجبلي القطعه دي من عربية عاملة حادثة...غير كلامه ل رابع مرة...

وقعد يقولي خلاص نركبلك المستعملة لحد متيجي القطعه الجديدة 5 ايام بلكتير (وفوق يقولي شهر ع الاقل)

وصمم بطريقة مستفزة لحد بصراحة مقلتله انا مش جية هنا تاني وقلتله علمشاكل اللي عندي اللي جيت بسببها قبل كدا ومتحلتش واي حاجة بطلبها مش بلاقيها لحد مفقد الامل وخلاص هستلمها

راح نكش ف احمد وهو خارج عشان يقنعني...قال ايه؟؟؟ يقنعني

راح طقش فيه قاله اساسا انا مش مقتنع بيكو ولا بالتوكيل لا باي اجراءات بتحصل هنا ودي مش اول مرة كل صحابه علي مدار سنة مفيش قطعة غيار بتتطلب وتبقي موجودة ابدا...وان معامتهم ديما زفت وبيتحججوا بحجج فارغة واسلوبهم فاشل الراجل فعلا بقي مش عارف ولا يلاحق يرد....لا وبص علعربية وفضل يخوفني منها واني اتحرك بيها اساسا..اسلوب بجد قذر

يعني ناس فنيا ضايعين...وماديا مستفزين جدا ف اسعار الجديد..وحرامية ف اسعار المستعمل

واسلوب في الضياع...دول اخرهم يبيعوا حرنكش علكورنيش...بجد انا ندمانة من اي تعامل مع التوكيل البطيخ دا...انا اصلحها عند عم سيد اضمن...وطظ فلضمان اللي اساسا بيشتغلوا الناس بيه ويدفعوهم اكتر ملسعر الواقعي كمان

وباعلنها من موقعي هذاااااااااااااا....توبة من دي النوبة اي تعامل بيني وبينهم

مقاطعة مقاطعة مقاطعة...ونعمل نادي للمقاطعين هكون فيه رقم 2 بعد نكلاوي...والله حتي لو برة اغلي مش مشكلة...احسن من انك تتعامل مع ناس المفروض انهم مصدر ثقة...ويطلعوا بيستغفلوك ويستخفوا ب عقلك

[Eng_Mostafa_89]

فعلا ال128 عربية محدش بيعرف قيمتها غير متأخر :)
مبتطلبش تروح للتوكيلات ولا الكلام الفاضى دة
وكمان بتتقبل اى انواع بنزين 80 شغال 90 شغال 92 مبتقولش لا وكمان 95
وكمان دواساتها استحالة تتكسر ولو حصل ممكن تستغنى عن الدواسة وتستعملى الشفاط :)

[icehearted girl]

علي فكرة العربية حلوة جدا وعجباني جدا جدا ونفسي ف الايفو كمان فعلا...بس اللي بيحصل فلتوكيل دا كفيل انه يخلي اي حد يغير رأيه ف فيات كلها

[aif]

طبعا يوكو جبهالي ملوكالة بكام تخيلوا؟؟؟؟ هسبكم تخمنوا شوية

ايه يا داكتورة
انتي سبتينا نخمن ونسيتينا ف الميكروويف
جابها بكام

[icehearted girl]

guess

باقل من سعر المصنعية بتاعت اوماترا