اوماترا بتقفل فروعها

[mandm0777]

انا فى قسم قطع الغيار و الموضوع كلة ان ساعات بيقى فى ضغط جامد جدا على المركز عشان كدة عوضنها بفرع العباسية حاليا وطبعا عارف ان محدش من العملاء لية ذنب فى دة ولازم يتعامل افضل معاملة وياخد حقة تالت و متلت
وموضوع التعامل مع العملاء دة شئ احنا كموظفين حاسينة من حيث ارضاء العملاء و جذبهم تانى

والى بتغير فى قسمى تحديدا توفير قطع الغيار الى ساعات مكنتش موجودة واسعارها والحاجات دة

[mandm0777]

انا لسة عامل الاكونت جديد هنا عشان اعرف عن العربية الكيا شوما و الشوما شكلى هاخدها هنا

و الموضوع شدنى بصراحة وحبيت ارد على قدر معرفتى
واتمنى ان تقبلونى معاكوا هنا بس من غير شوووووووووم

[icehearted girl]

يوكو؟؟؟ النواكل طلعت من مكانها ازاي يعني؟؟؟

هههههههههههههههههههههههههههه هونا حسدتك عشان جولك البيت ولا ايه

هي اوماترا دي متسدش ف حاجة ابدا

والى بتغير فى قسمى تحديدا توفير قطع الغيار الى ساعات مكنتش موجودة واسعارها والحاجات دة

ساعاااااااااااات؟؟؟ ساعاااااااااااااااات؟؟؟

طب هو كان في ايه موجود اساسا وحنا نبقي ناخد منه؟

[yoko]

انا لسة عامل الاكونت جديد هنا عشان اعرف عن العربية الكيا شوما و الشوما شكلى هاخدها هنا

و الموضوع شدنى بصراحة وحبيت ارد على قدر معرفتى
واتمنى ان تقبلونى معاكوا هنا بس من غير شوووووووووم

من غير شوم طبعا
بس أوماترا مش متخيله وصلونا لإيه عامليين زي الحكومة هما في وادي الناس في وادي
قطغ الغيار أحيانا هو زي ما ضحى قالت كده هو إيه الي موجود وإحنا نجيبه إذا كان سألت على فلتر التكييف كذا مرة مش موجود
كف مرايا مش موجود
كلكس مش موجود
فلتر الزيت في الصيانة مش موجود
فلتر هواء مش موجود
دي الحاجات الي سألت عليها قبل كده في السنتين الي فاتوا

يوكو؟؟؟ النواكل طلعت من مكانها ازاي يعني؟؟؟

هههههههههههههههههههههههههههه هونا حسدتك عشان جولك البيت ولا ايه

هي اوماترا دي متسدش ف حاجة ابدا





ساعاااااااااااات؟؟؟ ساعاااااااااااااااات؟؟؟

طب هو كان في ايه موجود اساسا وحنا نبقي ناخد منه؟

النواكل الي طلعت الي قدام الي قالولي ساعة وبقدرة قادر بقوا 3 ساعات
وكانت فاكة وانا عندهم وقعدوا يلزقوا عليها بسوليتيب وقال إيه هتمسك بعد شويه (على أساس إني عبيط)
وطبعا رحت مشوار إسكندريه ورجعت وكل شويه النواكل تطلع من مكانها وأضغط تاني وبرده تطلع

[mmffor]

ايه اللي حصل مع د/ضحى؟

[azmeralda]

لأ معلش واضح ان حضرتك رغم انك بتشتغل فى اوماترا معندكش معلومات فعلا لأن ببساطة المعلومة انا جايباها من مدير الفرع شخصيا اللى ببساطة اتسرح وخد مستحقاته وقاعد فى البيت !!!!!!!وفى بيننا علاقات اجتماعية عشان كده لما الفرع قفل اتصلت بيه اسأل عليه وقال لى الخبار دى هيكدب عليا ليه يعنى !!!!!!!!!!!!!وقال لى على 6 فروع تانية كذلك وقالى ان مديره كمان مشى وان اللى بيمشى بيخلوه يقدم استقالة مش بيرفدوه عشان ميرفعش عليهم قضية بعد كده ويقول رفد تعسفى فى امارات تانية اكتر من كده !
وعيب لما تخش موضوعى على فكرة وتقول ان كلامى غلط فى غلط لأن اكيد مبحطش المعلومة كده من دماغى او لمجرد انى لقيت الفرع مظلم وادينى قلت مصدر المعلومة وعدانى العيب


وكل اللى انت خايف عليه ياعينى من عنوان الموضوع بتاعى سمعة توكيلكم الموقر على فكرة انا لو اتكلمت عن اللى شفته معاكو محدش هنا عالمنتدى هيعتبها بعد كده ولا هيشترى منكو بس انا مسكة نفسى بس اتقوا شر الحليم يا اوماترا لأن يوم ما هنويها مش هيبقى بالكلام بس

[mazagngi2010]

لما عربيه زى اللينيا ميعرفوش يبيعوها والكورى بيبيع هوا يبقى افشل توكيل على وجه الارض وياريت يقفل النهارده قبل بكره

[icehearted girl]

قولي يا ازميرالدا قووووووووووووووولي

[AutoTycoon]

وكل اللى انت خايف عليه ياعينى من عنوان الموضوع بتاعى سمعة توكيلكم الموقر على فكرة انا لو اتكلمت عن اللى شفته معاكو محدش هنا عالمنتدى هيعتبها بعد كده ولا هيشترى منكو بس انا مسكة نفسى بس اتقوا شر الحليم يا اوماترا لأن يوم ما هنويها مش هيبقى بالكلام بس

حضرتك تبقى غلطانة لو مقولتيش اللي حصل معاكي

[Ghamrawy]

لأ معلش واضح ان حضرتك رغم انك بتشتغل فى اوماترا معندكش معلومات فعلا لأن ببساطة المعلومة انا جايباها من مدير الفرع شخصيا اللى ببساطة اتسرح وخد مستحقاته وقاعد فى البيت !!!!!!!وفى بيننا علاقات اجتماعية عشان كده لما الفرع قفل اتصلت بيه اسأل عليه وقال لى الخبار دى هيكدب عليا ليه يعنى !!!!!!!!!!!!!وقال لى على 6 فروع تانية كذلك وقالى ان مديره كمان مشى وان اللى بيمشى بيخلوه يقدم استقالة مش بيرفدوه عشان ميرفعش عليهم قضية بعد كده ويقول رفد تعسفى فى امارات تانية اكتر من كده !
وعيب لما تخش موضوعى على فكرة وتقول ان كلامى غلط فى غلط لأن اكيد مبحطش المعلومة كده من دماغى او لمجرد انى لقيت الفرع مظلم وادينى قلت مصدر المعلومة وعدانى العيب


وكل اللى انت خايف عليه ياعينى من عنوان الموضوع بتاعى سمعة توكيلكم الموقر على فكرة انا لو اتكلمت عن اللى شفته معاكو محدش هنا عالمنتدى هيعتبها بعد كده ولا هيشترى منكو بس انا مسكة نفسى بس اتقوا شر الحليم يا اوماترا لأن يوم ما هنويها مش هيبقى بالكلام بس

انا باكد على كلامك
فعلا استاذ عزت خلوه يسلم شغله و يقدم استقالة و الكلام ده من اسبوعين بس
و مش هو لوحده فى واحدة كمان هنا من فرع اسكندرية

اللى فاكر ان فى حاجة بتستخبى يبقى لامؤاخذة

الا قولى شداد الميزان الامامى للجراند بونتو وصل ولا لسه على 2015 ؟؟

[i_Am_Legend]

وانا اللى كنت عايز اسيب شركتى واروح اشتغل فى فيات ! من كتر عشقى لفيات بس للاسف ماقدرش اشتغل فى توكيل ضاااااايع كدة

[Moe86]

أيوا بقى , يا رايح كتر من الفضايح
أحسن قرار خدته من سنتين و نص فى صيانة ال20,000 لما قولت أخر مرة أخش التوكيل الضايع دة, و الحمد لله بتعامل مع صنايعية كويسين جدا وفروا على فلوس و وقت و حرقة دم مالهاش أى لازمة

[hazememam14]

غـــ.............

غا غااااااااااااااااااا....

غااااااااااااااااااااااااااااااااابــ............. ..

حد يناولني قرص كابتوبريل قوام

مش للدرجة دي .. قرص موديوريتيك كفاية ههههههه
لأ بجد مش للدرجة دي .. أنا عارف ان غبور في منه بلاوي بس بالنسبة لي أنا أتمني انه يروح لغبور برغم مصايبه عمرها ما هتبقي زي أوماترا اللي أنا لسه ماتعاملتش معاهم أصلا بس كرهت اسمها من كلامكو ..... علي الأقل قوي قوي يعني أولا مبيعات العربية هتزيد جدا ثانيا توافر قطع الغيار هيبقي أحسن أكيد ثالثا الأسعار غير أوماترا طبعا والمصنعية عند غبور مش بلأسعار المجنونة بتاعة أوماترا

[mandm0777]

مع كامل احترامى لحضرتك والمدير الى مشى او الى اترفض ( طيب جابوا مكانة مدير تانى لية ) مدام اوماترا بتقفل هتجيب مديريين جداد لية والحكم بالعقل للسادة الاعضاء

[azmeralda]

ايوه الحكم للسادة الأعضاء المدير اترفد والمدير اللى فوق اللى فوقه وكذا مدير فى فروع تانية والفروع مقفولة ومش هنصدق الا لما تبقى تتفتح فى نفس الأماكن وبمديرين جدد يبقى ساعتها ممكن نقول ان المديرين الأكبر ضحكوا عليهم بالحجة دى ومشوهم عشان مش عاجبهم شغلهم بدل ما يقولها لهم كده وش وميقتنعوش يستقيلوا
مع ان ا/عزت اللى استاذ غمراوى بيقول عليه ده بقى انا برضه اعرفه شخصيا وشغله خلاهم يرقوه كذا ترقية فجأة بقى وحش وبيترفد وبيجى غيره بعد الترقية بأقل من 3 شهور !!!!

وسمعة التوكيل اللى حضرتك خايف عليها دى لا مؤاخذة بقى يعنى فى ناس اولى تخاف عليها وتبذل مجهود وتسعى فى انقاذ ما يمكن انقاذه !!!



وانا من هنا بقول ياااااااجماااااااااااعة اللى بيفكر يشترى فيات ببساطة جدا مش هقو ل اسألوا حد من هنا !!! روحوا اى مركز صيانة واطلعوا اشربوا قرفة باللبن (اصل دى الحاجة الوحيدة العدلة اللى هناك ) واسألوا الناس اللى موجودة عن رأيهم فى العربية ومش شرط خااااالص تكون معدية 10 الاف ولا 20 الف لا وحياتكو اسألو من قبل 5 الاف كمان عادشى عادشى
واحكموا بنفسكو اظن عدانى العيب وابقوا قابلونى فى المشمش (ولا بلاش المشمش احسن ده بيجى ) لو حد اشترى بعد الفضايح اللى هيعرفها

وبعدين لما حد يشترى عربية بالشىء الفلانى وعادة هيكون مقسطها وسالف عشان يجيبها لو استثنينا بتوع دادى ومامى والمعلقة الدهب يعنى وبياخد قر قد كده على شكلها الخارجى والآخربيتعامل كأنه واقف فى فرن العيش المدعم وكمان المفروض ان لها ضمان هاهاى قال 3 سنين والضمان وهمى اكتبوا كده فى السيرش هنا عالمنتدى ولا اسألوا اى حد معاه العربية ومواقفه على ارض الواقع هو يعنى ايه ضمان ويعنى ايه يمنعك تروح لأى صنايعى بره لحسن تنطرد من جنة الضمان وهو مشغل مهندسين يا مولاى كما خلقتنى ما يجيب مهندسين من ايطاليا معلش بقى


يعنى ايه المهندس بعضمة لسانه يقولك انا اول مرة اشوف كده ومش عارف ده ايه بيتوها بقى كام يوم لما ادور ويقعد يجرب حاجات تبوظ حاجات تانية

ويعنى ايه واحدة عندها اطفال وعربيتها مكملتش 5000 وتانك البنزين مخروم لو حد رمى سجارة تحت العربية تولع هى وعيالها ولفت على مراكز الصيانة كلها اكتر من 3 مرات محدش عارف يحل لها مشكلتها هو ده الضمان ويعنى ايه اصلكو فى مصر مفيش تغيير عربيات لو طلع فيها عيب صناعة الا بطلوع الروح وبعيوب قاتلة هو ده الضمان ويعنى ايه بيقعدوا الناس من 8 ص ل بعد 5 م وعاملين قزاز يبصوا منه عشان يحرقوا دم الناس اللى شايفة ان محدش بيشتغل فى عربياتها والآخر يشتغلوا نص ساعة والناس دى مسافرة من اخر الدنيا ويبيتوهم يصرفوا فنادق عشان ناس بتهرج
والنبى حد يدشدش لهم القزاز ده !!
ويعنى ايه يقول لبنت جاية لوحدها عاملة حادثة هتستلمى 1 ظ وهى جاية من 8 ص هو الموعد ده قرآن عشان ميشتغلش فى عربيتها غير 12.30 يا واد يا دقيق ويسلمها لها 1.30 ومش وراهم زحمة ولا حاجة بس المدير مش موجود وان غاب القط العب يا فار
ويعنى ايه ياخد العربية يجربها من غيرك ويفضل بيها بره ساعتين !!!كان وراه مشوار بقى وبسواقتهم الذفت وكلنا عارفين ان عربية يوكو خبطوها له

وكل ده ولسه مقلتش كل اللى عندى وكفاية عشان بجد جالى غثيان جامد

سمعة ايه يا عم لو خايف عليها متفتحش احسن