سعر البونتو كلاسيك كام الوقتي ؟

[pharmacology]

السلام عليكم

عايز اعرف يا جماعة سعر البونتو كلاسيك عامل كام الوقتي ؟ وتنصحوني اشتريها منين .؟ وهل المصرية كويسه ؟ وهل فيه منها موديل 2012 ولا كل اللي موجود 2011 ؟؟ معلش انا اول مرة اشتري عربية ياريت تنصحوني بما فيه الكفاية ربنا يخليكوا ليا

[hazememam14]

آخر سعر أعرفه 74000 تقريبا ... كل اللي موجود موديل 2012 أصلا 2011 خلص من زمان .... أعتقد المصرية مفهاش مشاكل يعني وان كان في ناس بتشتكي منها بس معرفش

[M.Elwan]

66 الف

[pharmacology]

طب ايه هي المشاكل اللي ممكن تكون موجودة في المصرية ؟ وايه الفرق بينها وبين اي معرض عربيات ؟

[M.Elwan]

طب ايه هي المشاكل اللي ممكن تكون موجودة في المصرية ؟ وايه الفرق بينها وبين اي معرض عربيات ؟

البونتو كويسة طبعا بس للاسف التوكيل هنا ضايع لو حضرتك بتفكر فى حاجة فى الميزانية دى انصحك باللوجان الهاف اوبشن ب 66 على الاقل عربية منتشرة فى مصر وتوكيلها محترم واوسع من البونتو وشنطتها كبيرة وموتورها اقوى 1600 وعالية عن الارض عشان المطبات وكده

[Mohab.Nabil]

انا مش عارف اوماترا عمالة تغلى العربيات بطريقة غريبة

يعنى البونتو كلاسيك اول ما بدأت تشم نفسها و الناس تشترى اوماترا رفعت السعر و وقفت سوقها زى ما حصل فى الايفو و البرافو بالظبط

ربنا يهدى يا اوماترا

[icehearted girl]

انا سمعت 74900

ممكن تلاقي ف شيرين كارز...ف الميرغني

[M.Elwan]

كان سعرها فى 2010 66 الف معقول توصل 74
هو المفروض انها تغلى ولا ترخص وهى تقرييبا انتاج صربيا

ال سمير ريان انا اشتريتها من شهرين وهو كان احسن سعر لقيتو واخدتها من عندة ب 67000 جنيه وهي عربية حلوة اوي ماشاء الله

04-06-2011 12:20 AM

http://www.nilemotors.net/Nile/221809-2011-2.html

04-06-2011 12:20 AMkoke780ال سمير ريان انا اشتريتها من شهرين وهو كان احسن سعر لقيتو واخدتها من عندة ب 67000 جنيه وهي عربية حلوة اوي ماشاء الله 04-06-2011 12:20 AMkoke780ال سمير ريان انا اشتريتها من شهرين وهو كان احسن سعر لقيتو واخدتها من عندة ب 67000 جنيه وهي عربية حلوة اوي ماشاء الله
الاسعار من موضوع سابق ل
damasry



بونتوكلاسيك


مانيوال 2010
السعر 65،900

الاسعار بتاريخ 2010/6/16 وسيتم تحديثها باستمرار بإذن الله

http://www.nilemotors.net/Nile/157936-a.html

[Mohab.Nabil]

كان سعرها فى 2010 66 الف معقول توصل 74
هو المفروض انها تغلى ولا ترخص وهى تقرييبا انتاج صربيا

يا باشا للاسف مفيش حاجة بترخص فى مصر الا البنى ادم بس

[hazememam14]

لا يا باشا هي كانت في شهر يناير 67500 وفبراير بقت 68500 .... ابريل بقت ب 73000 و بعد كده وصلت 74000 وشكلها داخلة علي 75000 أهو وهي تقفيل صربي فعلا

[pharmacology]

[OVERLINE]

شكر ا يا جماعة علي كل المشاركات .. وشكرا جزيلا علي المساعدة

اللي ملاحظة ان العربية فعلا سعرها زاد بطريقة كبيرة خلال فترة قصيرة جدا ..

استاذ حازم امام .. شايف حضرتك كاتب انك من راس البر يعني احنا جيران .. انا من دمياط الجديدة .. اتمني ان حضرتك تقولي اشتريت العربية بتاعتك منين ؟

فيه سؤال تاني .. انا قريت علي المنتدي ان العربية الكلاسيك فيها مشكلة التسقيف لما يتحط لها بنزبن اقل من 95 .. طيب في محافظة دمياط كلها انا مشفتش بنزين 95 .. طيب ايه الحل الوقتي ؟

ثاني حاجة بالنسبة للصيانة .. اعتقد ان اقرب توكيل لاوماترا في الاسكندرية بالنسبة لدمياط .. هل ممكن الواحد ميعتمدش علي التوكيل ويعنتمد مثلا علي ميكانيكي كويس ولا لازم هحتاج التوكيل ؟؟ .. طولت عليكوا معلش استحملوني

[/OVERLINE]

[hazememam14]

[overline]

شكر ا يا جماعة علي كل المشاركات .. وشكرا جزيلا علي المساعدة :b4_388:

اللي ملاحظة ان العربية فعلا سعرها زاد بطريقة كبيرة خلال فترة قصيرة جدا ..

استاذ حازم امام .. شايف حضرتك كاتب انك من راس البر يعني احنا جيران .. انا من دمياط الجديدة .. اتمني ان حضرتك تقولي اشتريت العربية بتاعتك منين ؟

فيه سؤال تاني .. انا قريت علي المنتدي ان العربية الكلاسيك فيها مشكلة التسقيف لما يتحط لها بنزبن اقل من 95 .. طيب في محافظة دمياط كلها انا مشفتش بنزين 95 .. طيب ايه الحل الوقتي ؟

ثاني حاجة بالنسبة للصيانة .. اعتقد ان اقرب توكيل لاوماترا في الاسكندرية بالنسبة لدمياط .. هل ممكن الواحد ميعتمدش علي التوكيل ويعنتمد مثلا علي ميكانيكي كويس ولا لازم هحتاج التوكيل ؟؟ .. طولت عليكما معلش استحملوني

[/overline]

أنا معظم الوقت بكون في المنصورة والعربية جايبها من المصرية في المنصورة .... بس ممكن تشوف عند المصرية اللي جنب المستشفي العام في دمياط ...
فعلا مفيش في دمياط كلها 95 والمنصورة مفهاش غير في محطة واحدة بس وأنا بحط 92 علي طول ... مفيش حل الا لما 95 يبقي موجود ممكن نحط نص التانك 92 ونصه 95 لان ال95 غالي

لسه انا مجربتش اروح التوكيل بس لو روحت غالبا هروح جسر السويس هيبقي معقول لو مشيت من طريق دمياط بورسعيد الاسماعيلية الصحراوي ... بالنسبة للتوكيل الأعضاء القدام هيفيدوك أكتر

[ahmadmidop]

اهلا باهالي دمياط الكرااام ههههه ........ بص ياباشا انا معايا فيات باليو 2006 ودي تعتبر زي البونتو تقريبا وبردو مكتوب في الكتالوج البنزين مش ااقل من 95 بس من يوم ماجبتها وانا بحط 92 لان دمياااط زي ما انتا عارف مافيش فيها 95 والحمد لله مافيش مشاااكل ,,,,,, بالسبة للتوكيل انا من يوم ما جبت العربية وانا مع التوكيل بس اللي في القاهرة لان اسكندرية ماكنش لسه فتح ولسه عاامل اخر صيانة من شهرين في القاهرة ... عموما طبعا اول لما تجيب العربية لازم تروح للتوكيل تشييك على العربية وتظبط المسائل .. طبعا لو حريص على موضوع الضمان تخليك مع التوكيل وده الصح ,,, مش فارقة معااك العربية مش هتحتاج اكتر من تغير زيت فلاتر وبوجيهات وده ممكن يتعمل عند اي حد بره .... لاكن في صيانات محورية زي ال 40000 فيها سيور كاتينة وحاجات كتير لاااازم في التوكيل اضمن وانضف ..... وزي ما انتا شااايف البونتو كلاسيك ماشاء الله دمياط اتملت هيا والبونتو ايفو .... واي استفسار انا في الخدمة .. عموما في مقابلة يوم الجمعة الجاية في راس البر في هااواي لو حضرتك فاضي ياريت تنورنا ولو في اي استفسار انا في الخدمة