استفسار عن سماعات البرافو 2010

[mmazhar]

يا جماعة انا كنت عايز افك سماعات البرافو فى الاربع ابواب و اركب سماعات تانية تكون نفس المقاس بس امكانيات اعلى .. المهم انا فكيت وش السماعة وفوجئت بان السماعة تقريبا متبرشمة و مش باين اى مسامير ربط فيها ومش عارف... يعنى انا لما احب اغير السماعات دى لازم افك الباب كلة ولا اية بالضبط؟ ولو كنت حفك الباب كلة طب اية لزمة الوش اللى بيتفك مكان اتعمل وش حلية فقط لو اى حد عندة معلومة عن كيفية تغيير السماعات دى ياريت يجاوبنى

[mr_hamed_s]

لازم تفك الباب كله علشان تعرف تفك السماعات
الموضوع سهل جدا ممكن تعملة بايدك بس خلى باللك من تقسيم السماعات

اللينك ده فيه شرح ازاى ممكن تغير سماعات البرافو

Technical: Replacing front door speakers in a new Bravo - Guide - The FIAT Forum

[mmazhar]

لازم تفك الباب كله علشان تعرف تفك السماعات
الموضوع سهل جدا ممكن تعملة بايدك بس خلى باللك من تقسيم السماعات

اللينك ده فيه شرح ازاى ممكن تغير سماعات البرافو

technical: Replacing front door speakers in a new bravo - guide - the fiat forum

تسلم ايدك يا باشا على الرد و اللينك الجامد دة

[Moe86]

إتأكد السماعات اللى بتشتريها تبقى 60w rms على الأقل خالص علشان تحس بفرق عن اللى فيها

[mmazhar]

إتأكد السماعات اللى بتشتريها تبقى 60w rms على الأقل خالص علشان تحس بفرق عن اللى فيها

طيب يا باشا اجيب اى نوع ولا بترشح نوع معين؟

[yoko]

لازم هتجيب قاعده جديده ولازم هتفك القديمة بالشنيور

[mmazhar]

لازم هتجيب قاعده جديده ولازم هتفك القديمة بالشنيور

طيب انا اعمل القاعدة دى فين و هو حيبقى حوار جامد ولا اية و اكبر دماغى

[yoko]

القاعده جاهزة بتاعت ستاليو وأكيد مش هتلاقيها في مصر
لو السمعات كويسه بلاها أحسن

[aftr]

نصيحه بلاش تفكهم الافضل تجيب جى ام وصب وكله هيكون تمام

[ahmedelnahal]

نصيحة أخرى و ده اللى انا عمله هاتلك 2 سماعة أو 4 زى مانتا عاوز و ركبهم ورا مش فى الأبواب خالص ( انا مركب 2 kenwood double coin و هركب كمان 2 ) مع GM و لو عاوز تركب بازوكا ركب بس جرب الأول السماعات لأن تقفيل العربية كويس جداً فممكن تلاقى نفسك مش محتاج بازوكا أو صب :)

[mmazhar]

نصيحة أخرى و ده اللى انا عمله هاتلك 2 سماعة أو 4 زى مانتا عاوز و ركبهم ورا مش فى الأبواب خالص ( انا مركب 2 kenwood double coin و هركب كمان 2 ) مع GM و لو عاوز تركب بازوكا ركب بس جرب الأول السماعات لأن تقفيل العربية كويس جداً فممكن تلاقى نفسك مش محتاج بازوكا أو صب :)

طيب يا باشا هو انا لما اعمل كدة مش لازم اوصل الكلام دة بالكاسيت ودة حيبقى فى فك فى الكاسيت عشان الgm ياخد الخرج بتاعة ولا الحوار حيمشى ازاى؟ ولو فى فك للكاست يا ريت تفيدنا فى الموضوع دة.

[ahmedelnahal]

طيب يا باشا هو انا لما اعمل كدة مش لازم اوصل الكلام دة بالكاسيت ودة حيبقى فى فك فى الكاسيت عشان الgm ياخد الخرج بتاعة ولا الحوار حيمشى ازاى؟ ولو فى فك للكاست يا ريت تفيدنا فى الموضوع دة.

اه طبعاً السماعات هتتوصل بالكاسيت و لازم اللى هيشتغل فى العربية يكون بيفهم علشان ميبهدلش الدنيا
و حاول لما تركب السماعات تشيل البورد بتاعة العربية و فصل انته بورد جديدة علشان تفضل بتاعة العربية سليمة
انا بتعامل مع واحد فى الهرم لو عاوز تروحله و اللى خلانى أثق فييه انه كان مركب نفس اللى عندى فى برافو تانية و لما اشتغل فى عربيتى كان فاهم هو بيعمل ايه .

[Moe86]

حلو موضوع البورد / الرف الخشب دة, أنا عاملة فى البونتو بقالى 4 سنين و تركب عليهم سماعات بايونيير 400W مثلا
بس أنا لما عملت كدة لاقيت الصوت كله جى من ورا و حسيت إن الbalance باظ , فغيرت السماعات اللى فى الباب الأمامى بسماعات sony component 260w و فعلا رجعت التوازن زى الأول, و كدة ناقص بس 4x60W Amplifier 4 channel علشان يدى قوة كفاية للأربع سماعات

حسب كل اللى عارفهم مركبين sound system و كدة الترتيب للماركات الأشهر فى مصر رقم 1 بايونيير 2 كيوود 3 سونى

[mmazhar]

اه طبعاً السماعات هتتوصل بالكاسيت و لازم اللى هيشتغل فى العربية يكون بيفهم علشان ميبهدلش الدنيا
و حاول لما تركب السماعات تشيل البورد بتاعة العربية و فصل انته بورد جديدة علشان تفضل بتاعة العربية سليمة
انا بتعامل مع واحد فى الهرم لو عاوز تروحله و اللى خلانى أثق فييه انه كان مركب نفس اللى عندى فى برافو تانية و لما اشتغل فى عربيتى كان فاهم هو بيعمل ايه .

طيب يا باشا انا حتقل عليك معلش انا عايز اشوف الدنيا دى عندك لو ينفع .

[mmazhar]

حلو موضوع البورد / الرف الخشب دة, أنا عاملة فى البونتو بقالى 4 سنين و تركب عليهم سماعات بايونيير 400w مثلا
بس أنا لما عملت كدة لاقيت الصوت كله جى من ورا و حسيت إن الbalance باظ , فغيرت السماعات اللى فى الباب الأمامى بسماعات sony component 260w و فعلا رجعت التوازن زى الأول, و كدة ناقص بس 4x60w amplifier 4 channel علشان يدى قوة كفاية للأربع سماعات

حسب كل اللى عارفهم مركبين sound system و كدة الترتيب للماركات الأشهر فى مصر رقم 1 بايونيير 2 كيوود 3 سونى

طيب اية رأيك فى ماركة جى بى ال.