الفروق الجوهريه بين التمبرا الايطالي والمصري

[harhash]

باذن الله ناوي اشتري تمبرا بس فيه منها الايطالي والمصري فما هي الفروق الجوهريه لا اتكلم علي الشكليه ولكن عن الجوهريه كالتأفيل مثلا لو سمحتم حد يكون عنده خبره يدللني عشان محتار

[heshamzaky]

التقفيل تقريبا واحد ما نقدرش نقول فرق جوهرى
بس التمبرا الايطالى فية منها عدادات دجيتال و عدادات أنالوج التمبرا المصرى عدادات أنالوج فقط
التمبرا الايطالى فية منها الشكمان بتاعها فية علبة بيئة التمبرا المصرى لآ شكمان عادى
التمبرا الايطالى فية منها موديلات فيها أوبشن اكثر فى الكماليات التمبرا المصرى لآ


بوجة عام التمبرا الايطالى ممكن جدا تكون موديل أقل فى سنة الصنع بس سعرها ممكن يكون أعلا من سعر التمبرا المصرى و التقفيل الاوربى أفضل طبعا من التقفيل بتاع شركة النصر للسيارات

[harhash]

جزاك الله خيرا .. علي اهتمامك ووقتك .. لو فرضنا اثنين نفس الاوبشن هل هناك فرق في الموتور الخامات معلش انا ماعنديش خبره أوي لو الاسئله غبيه

[heshamzaky]

جزاك الله خيرا .. علي اهتمامك ووقتك .. لو فرضنا اثنين نفس الاوبشن هل هناك فرق في الموتور الخامات معلش انا ماعنديش خبره أوي لو الاسئله غبيه

العفو يا باشا على أية
الخامة واحدة و لو الاتنين نفس الاوبشن أشترى الى حالتها أفضل ما تهتمش بسنة الصنع قوى مش بتفرق التمبرا عربية بيتقدر تمنها حسب حالتها مش سنة الصنع بس ما تكونش قديمة زى التمبرا بتاعت سنة 90 مثلا لان سنة 90 التكيف بتاع التمبرا كان اللوحة بتاعت التكيف بكر و ليست تاتش و شكل طارة الدريكسيون ما كانش حلو ابدا
التمبرا الايطالى لو أنجيكشن بعض موديلات الانجيكشن موتوها بيفرق شوية عن الموتور العادى و دة فى ضفيرة الكهرباء و ضفيرة الموتور

[harhash]

اللي فهمته منك ان الفروق مش اللي تخوف من التمبرا المصري ..الف شكر ليك وجزاك الله خيرا انا ان شاء الله هاتوكل علي الله انا مستريح للتمبرا أوي بالرغم ان الميكانيكي قالي امس ان الاكسيل احسن بس انا مش مقتنع بكده ..ان شاء الله انا هاخد معايا ميكانيكي وممكن ارفع العربيه بعد الاستقرار علي واحده في اي بنزينه في حاجه تنصحني بيها وانا بشتري العربيه او تحذير وهل في البنزينه يقدروا يعرفوا لو في مشكله في الاوايم او الشاسيه

[heshamzaky]

اللي فهمته منك ان الفروق مش اللي تخوف من التمبرا المصري ..الف شكر ليك وجزاك الله خيرا انا ان شاء الله هاتوكل علي الله انا مستريح للتمبرا أوي بالرغم ان الميكانيكي قالي امس ان الاكسيل احسن بس انا مش مقتنع بكده ..ان شاء الله انا هاخد معايا ميكانيكي وممكن ارفع العربيه بعد الاستقرار علي واحده في اي بنزينه في حاجه تنصحني بيها وانا بشتري العربيه او تحذير وهل في البنزينه يقدروا يعرفوا لو في مشكله في الاوايم او الشاسيه

التمبرا معظمها بيبقى سليم فى القوايم و الشاسية و بتبقى مش راشة دواخل دة صعب شوية
الخوف فقط من بعض الناس الى ما عندهاش ضمير يكون مغير حاجة فى الحوض من الصاج مثلا
و نأكد ان العربية لو مكيفة مش ملعوب كتير فى ضفيرة الكهرباء و حالة الصالون و حالة كاوتش الابواب و العفشة سليمة و لا لآ و خصوصا علبة الدريكسيون و المقصات
و لو مكيفة تتأكد ان التكيف شغال مش يقولك اصلة عاوز يتشحن فريون فقط

[harhash]

جزاك الله خيرا ... وكل عام وانت بخير

[heshamzaky]

العفو يا باشا و كل سنة و أنت طيب و بالتوفيق مقدما ان شاء الله

[x100]

انا كمان محتار بين الاكسيل والتمبرا

لكن الناس اللى بتبيع التمبرا بتغالى فى اسعارها قوى

[harhash]

انا عندي قناعه شخصيه ان التمبرا احلي من الاكسيل يعني معموله للزمن لكن الكوري بتاع وقته

[heshamzaky]

انا عندي قناعه شخصيه ان التمبرا احلي من الاكسيل يعني معموله للزمن لكن الكوري بتاع وقته

++++++++++111111111111111
و دة حقيقى نسبيا التمبرا طبعا ماسكة نفسها عن الاكسيل بكتير و أنا أخويا معاة أكسيل من 12 سنة تقريبا و بقولة يبيعها و يركب تمبرا
و طبعا هو ركب الاتنين و قارن بينهم و للعلم هو بيسوق من حوالى 30 سنة تقريبا

[Ahmed Nasser]

انا كمان محتار بين الاكسيل والتمبرا

لكن الناس اللى بتبيع التمبرا بتغالى فى اسعارها قوى

مافيش وجة للمقارنة