حاسس ان الشاهين فيها abs

[ahmedbasto]

اولا كل سنة وانتم طيبين ثانيا انا معايا شاهين 2007 1.4 للى ميعرفش بقالى فترة حاسس حاجة غريبة كل لما ادوس فرامل العربية الكاوتش مايقفش لا بيفضل يتحرك والعربية تقف واخرها ماشى على 60 كان فى تلت بلاعات المفروض انى كنت هلبسهم بس دوست فرامل الكاوتش ماقفش وخدتهم زجزج وخبر حلو كمان لمالك العربية دى انها فى حساس لتيل الفرامل هرفع لكم صورته ان شاء الله .

[mrghost]

هو مش حساسا هو عباره عن لمبه فى التابلوه بتنور لما التيل يخلص بس للاسف لما تغير التيل بتيل تانى مش هتلاقى تيل ينفع يتوصل باللمبه زى الاصلى وعن تجربه هات تيل صينى اسمه جولد انا دخت عليه وجبته ب 25 جنيه بس افضل بمراحل من الترياكس المصرى
الترياكس ده مش بيتاكل لا بياكل الطمبورن وكمان مش بيفرمل كويس

[ahmedbasto]

هو انا جبت الأيطالى ونفضت لموضوع اللمبة دى وخلاص بس انت ايه رأيك فى موضوع الabs دة انت كمان حاسس كدة ولا ايه

[HOSSAM99]

كل سنه و حضرتك طيب
دا إحتمال تكون الطنابير فيها ريجه و عايزه تتخرط
بتحس برجرجه في دواسة الفرامل أثناء الفرمله؟؟؟

[newcar2011]

الشاهين يتلف حوالين نفسها فى الفرامل صباح الفل الله يرحم ايامها

[madaxman]

انا مركب تيل ليه حوالي 7 شهور الحمدلله زي الفل شغال بس مش فاكر اسمه ولا نوعه
بس الحمد للع عربيتي فراملها حلوه ومش بتلف من ورا كعاده الشاهين دائما كبست قبل كدا كنت ماشي ع 110 تقريبا والعربيه فرملت بثبات وف مسافه قليله الحمدلله وانا راضي عنها كدا
ليا واحد صاحبي ركب تيل ايطالي تقريبا ب 45 جنيه ومع اول فرامل تييييييت صفاره عاليه اوي والتيل لسه جديد نفسي الاقي تيل نضيف للشاهين

[ahmedbasto]

على فكرة هو دة العيب فى الأيطالى لان انا عندى برضو الأيطالى بيصفر شوية ويعقل شوية والتركى بيرجج الطنابير

[mrghost]

نقول كمان مره علشان الحبايب ههههههههههه
ياجماعه التيل اللى بيتباع فى السوق ده معظمه مضروب ومعمول تحت بير السلم وممكن تلاحظ كده هتلاقيه مرشوش بويه اسود ضاهره اوى انها طبقتين فوق بعض دى حاجه
تانى حاجه الشق اللى فى منتصف التيل اللى بيعرفك انه خلص ولا لسه هتلاقيه مش مشقوق للاخر زى التيل الاصلى لا هتلاقيه لحد النص فقط
تالت حاجه هتلاقى اللقمه بتاعة التيل من كتر البويه اللى عليه مش عارف تركبها فى الجشمه كويس وبتدخل زنق مع ان كده غلط لان التيل مفروض يبقى حر الحركه زيه زى الجشمه علشان ميبقاش قافش على العجله وعلشان لما البستم يزقه يتحرك معاه بسهوله ناحية الطمبوره
وبعدين هتلاقى التيل عبار عن شويه براده حديد خشنه اوى وباينه كمان ومش بيتاكل اصلا لا بياكل فى الطمبيوره
العجيب بقى ان التيل الصينى هو اللى مش بيضرب لانه رخيص اصلا ب 25 او 20 جنيه كمان
ونصيحه منى اللى يجيب يجيب حاجه اسمها جولد تيل صينى نضيف جدا وعمباره عن براده حديد صافيه وبيحافظ ع الطنابير وشكرا

[ahmedbasto]

يا جماعة انا قدامى طنابير مشرطة للشاهين الأتنين هاخدهم على 1000 الطنابير بكل ملحقاتها جايين من ايطاليا ايه رأيكم ادوس ولا ايه

[gooogle]

مقدرش افيدك ... معلش .. بس انا حاسس ان سعرهم غالي شويتين .... اسئل عن متوسط الاسعار قبل الشراء ...

[ahmedbasto]

مش عارف بس انا حاسس سعرهم كويس لان انا شوفت حاجات ب2000

[ابوهاشم]

انا مركب تيل صينى من قتره وشغال كويس معايا

[ahmedbasto]

ربنا يستر انا الأيطالى معايا حلو