العلامه دي بتاعه ايه؟

[esam_comm]

السلام عليكم الساده الزملاء الكرام عندي استفسار
معايا بونتو 2000 لسه مشتريها وفي علامه لمبه برتقالي بتنور وانا ماشي بالعربيه اللمبه دي شبه اللمبه القلاوظ العاديه بتاعه البيت بس هي نورها برتقالي وحاسس انها اشاره تحذيريه ياريت اللي يعرف يفيدنا وكمان هو في ميكانيكي اودي عنده العربيه يكشف عليها بالكمبيوتر ولا هي ملهاش في الموضوع ده
شكرا مقدما

[kaboali]

اللمبة الصفراء دي معناها ان عندك مشكلة في انوار او اشارات العربية ممكن تكون لمبة محرقة اشارة مش بتشتغل

[Medo.Malek]

مش متأكد هيا نفسها اللى عندى ولا لا بس انا كان بيظهرلى حاجة شبه كده لما لمبة من لمض الفوانيس تكون مش شغاله
بص كده على الفوانيس و اتأكد ان اللمض كلها شغاله
و استنى برضه حد يفيدك اكتر منى
بالتوفيق

[ahmed_mido1889]

طل متحاول تحط صوره ليها علشان الناس تساعدك بسهوله

[esam_comm]

شكرا للجميع وانا فعلا عندي اللمبات عايزه تظبيط هاشيك عليها واشوف شكرا مره تانيه
حد يعرف ميكانيكي بونتو ولا مش مستاهله ممكن اي حد يشتغل فيها؟

[ahmadmidop]

اللمبات مش مستاهلة ممكن تعملها وممكن اي حد يشتغل فيها بس خد بالللك لما تيجي تغير اي لمض الفانوس يتقفل من ورا كويس عشااان الفانوس ما يشبرش زي ماحصل عندي :(

[fiatawy]

دى هتلاقى لمبة محروقة,بس اهم حاجة اللمبة اللى تتحط تبقى نفس الواط عشان لو مش نفس الواط هتنور فى لوحة العدادات برضة