رجرجة !!

[Ghamrawy]

بقالى يومين كدا بحس برجرجة و انا ماشى بالعربية
رجرجة مش عارف سببها هل هى من الموتور بسبب الجو بتاع اسكندرية (حرارة 17 الصبح و 12 باليل) و برضه لما امشى بالعربية و اجى اقرص برضه رجرجة !! حتى و هى سخنة
هل دى بوجيهات ؟؟
و لا مطب من المطبات اللى الواحد بيلبسها و عوج حاجة فى العربية
و لا بنزين مش نضيف بيقطع ؟؟
و لا ده وهم و السبب هو الاسفلت ؟؟

[u3mbkp]

نفس الموضوع عندى بس على خفيف .. ده غير ان العربية اصبحت تقيلة اوى على الاول وسحبها زى الزفت .. مع العلم انى معملتش اى صيانة غير تغيير زيت وفلتر بعد مرور سنة على الزيت القديم .. دلوقتى فاضل لى شهر كمان واكمل سنتين والعربية عاملة 13 الف كيلو بدون صيانة تقريبا لحد الآن

[Formulator]

أنا مش فاهم يا غمراوى,
رعشة فـ الموتور, ولا فـ الدركسيون أو العفشة من قدام (أو قواعد الموتور والفتيس) عايزة تتربط؟؟!!!
check كده على ضغط الكاوتش وتربيط العفشة, نظف فلتر الهوا... فول تنك 95 من بنزينة نظيفة!

البوجيهات الـNGK بلاتينوم-اريديوم بتاعتنا.. تعيش 60,000 كم (على كلام NKG-Abarth)
وألف سلامة عـ الـT-JET يا معلم..!
بس الجو عندكو برد ابن تيييييييييييت, والفيات فـ البرد بيجرى حلو, بس بياكل بنزين

[MNabeih]

انا رايي بلاش دماغك تروح لبعيد و تعقدها من الاول!!
اعمل تشيك كدة علي الاربع عجلات بالجنوط, شوف الترصيص.

[yoko]

ربط عفشه وهو بيربط يبس على القواعد ومتقلقش نفسك

[Ghamrawy]

انا و الله كمان مش قادر احدد اى حاجة
اول مرة اقف ادام حاجة و مش عارفلها سبب
هى الرجة بتبقى باينة اوى اول لما اطلع بالعربية و اعتقد انها جاية من الموتور و مسمعة فى الدركسيون على خفيف
مش عارف اى حاجة
و النهارده نزلت بعربية اختى
عموما ان شاء الله بكره الجمعة و الدنيا رايقة بعد الصلاة حاعمل لفة و اركز و اشوف

[yoko]

ممكن خبطه أثرت على قاعده الفتيس
زي عند ميدو مالك

[uno]

ده طقم دبرياج يا معلم عندى نفس الموضوع

[Ghamrawy]

ممكن خبطه أثرت على قاعده الفتيس
زي عند ميدو مالك

اتعوجت و لا ايه ؟
هو كان كاتب الموضوع هنا ؟

[yoko]

لأ ده لما شفته في المقابله الأخيره في الرحاب
وصعب دبرياج لو دبرياج هتبان في التسارع والسرعة القصوى وكمان نسبه الموتور للسرعة

[Ghamrawy]

لا ده مش دبرياج نهائى
انا اخر عربية زيرو كنت راكبها اتباعت عاملة 187 الف من غير ما طقم الدبرياج يتغير !
عموما ممكن تكون الميه دخلت فى حته و عملت كده لانى مش بهدى خالص فى برك الميه

[uno]

دى مش اسطوانة دى السوستة بتاعت الإسطوانة

[Ghamrawy]

الحمد لله الرجة مش موجودة
بس الملاحظ ان السحب مش حلو
laggy,slugish
فلتر هوا قديم،بنزين 95 مضروب من توتال جليم

[Formulator]

laggy,slugish
فلتر هوا قديم،بنزين 95 مضروب من توتال جليم

ههههههههههههههه
مش قلتلك يا معلم...
هو الموتور ده حساااااااااس جدا لأى ابن تييييييييييييييت..!! هواء, بنزين.. حاجات كده
نظف الفلتر أو غيره, ولو عايز تحط injector-cleaner زى STP أو ترزع لترين Toluene فـ التانك..!

انما دبرياج, وميه دخلت جوه..؟؟!!! أنسى الكلام ده, دا الهواء ميخشش فـ الأجزاء دى.. أيــــــــــــه هى هيونداى؟!! كل ما تمطر (أو تشتى) الميه تخش جوا الفتيس,, هههههههههههه

[Ghamrawy]

ههههههههههههههه
مش قلتلك يا معلم...
هو الموتور ده حساااااااااس جدا لأى ابن تييييييييييييييت..!! هواء, بنزين.. حاجات كده
نظف الفلتر أو غيره, ولو عايز تحط injector-cleaner زى STP أو ترزع لترين Toluene فـ التانك..!

انما دبرياج, وميه دخلت جوه..؟؟!!! أنسى الكلام ده, دا الهواء ميخشش فـ الأجزاء دى.. أيــــــــــــه هى هيونداى؟!! كل ما تمطر (أو تشتى) الميه تخش جوا الفتيس,, هههههههههههه

رحت اشترى الفلتر من trust لقيته ب 185 بعد ما كان ب 127
قلتله مش عايزه خليه عندكو
رحت اشتريت sonax منظف لدورة البنزين كلها و للصبابات و الدوشة دى كلها و حطيت بنزين من محطة تانية
الفلتر حاركب واحد سبور بس لما الاقى الكيت بتاعت الزيت هنا فى كفر اسكندرية
الا قولى اجيب ال toluene ده منين ؟