عايز راي الخبراء في البرافو

[Ashrafqabani]

بعد تدويييييير كتير وفحص وتمحيص ورفع وبهدلة وفتي ونصب قررت اني اجيب زيرو خلاص وكان قدامي 3 اختيارات الانترا الجديدة و مازدا 3 و برافو, دلوقتي بقو اختيارين المازدا والبرافو

فانا عايز اخد رأيكم في البرافو خصوصا في الصيانة بما ان انا فياتاوي قديم فعارف اوماتر كويس للاسف ,فهل في بديل؟ ,وعايز اعرف كمان البنزين عشان ناس بتقولي لازم 95 وناس تانية بتقولي 92 زي الفل ولو 95 هيبقى صرف البنزين ايه نظامه؟؟

شكرا ليكو كلكم واسف لو طولت عليكم

[Formulator]

أهلا بيك يا باشا,
العربية معروفة, مفيش كلاااااااااام..!

التوكيل سىء بس يمكن التعايش معاه..!!
قطع الغيار بدأت تنتشر برا (طبعا under Licence من فيات-أوماترا)
وفيه أجزاء استيراد كتيييييييير فـ الحرفيين عند مجدى البيومى, والكيلانى فـ شارع شمبليون.

البنزين: الموضوع ده قتل بحثا فـ المنتدى, دور على مواضيع قديمة فـ قسم الفيات..
ينفع 92 مع فقد جزء من قدرة المحرك, وزيادة فـ معدل الأستهلاك!!
لو 95.. فرق السعر ممكن يتعوض (جزئيا) فى الكيلوات الزيادة لكل صفيحة 95 عن 92.

يعنى لو عايز الـ120 حصان/ 206 نيوتن.متر كلهم... لااااااااااااازم 95! الفروق فـ السحب والأداء واضحة جدااااا.
Edit: انت هتشترى عربية بـ160-173 ألف جنيه.. ماجتش عـ البنزين الـ95 يعنى.. ههههههههههههههه, كل VW وفيات تربو فـ مصر بيحطوا 95..
- بالنسبة للمقارنة: الألنترا الجديدة كلها على بعض.. مفيهاش الـTech بتاع فتيس البرافو بس..
مفيش مقارنة.. تسارع, أداء, ثبات وهاندلينج..؟؟!!!
المازدا3: عربية محترمة, تتميز بالعفشة الخلفية فقط.. (هاندلينج وثبات تمااااام), لكن موتور, فتيس, صاج أو تكنولوجى... أقل من البرافو أوى برضه!!

[Ghamrawy]

المازدا مش وحشة ..بس هى عايزة واحد نظامه دور و اطلع ...يعنى مافيش متعة
البرافو عربية للناس اللى بتحب يبقى فيه تفاعل بينها وبين العربية اللى سايقاها
بالنسبة للبنزين انا عن نفسى افضل ال 95 علشان الاداء يبقى كامل
يعيب البرافو حاجتين
لو داخل على مطب سرعة وانت كابس فرامل العربية حاتحك من قدام من تحت
العفشة الخلفية محتاجة حكمة لو سايق بسرعة و بتعمل مناورة