كيف تفحص سيارة تمبرا عند الشراء

[heshamzaky]

الموضوع دة باذن الله مطلوب من كل رجال التمبرا ان يضعو مشاركاتهم بة و يضعو كل معلومة يعرفونها لمساعدة اى زميل يريد شراء سيارة تمبرا و يا رب الموضوع يبقى حلو و بة معلومات قيمة او تساعد المشترى على فحص العربية مبدئيا لحين الكشف على السيارة فى مركز متخصص برضو

[heshamzaky]

فى البداية أى حد مقبل على شراء النوع دة من العربيات لازم يعرف اسعار قطع الغيار بتاعت السيارة الى ناوى يشتريها و طبعا أخونا و زميلنا أخمد ((( يوفنتوس ))) عمل موضوع جميل جدا جدا لكل اسعار قطع الغيار و اللينك بتاعة اهوة

http://www.nilemotors.net/Nile/194188-a.html

[heshamzaky]

أول حاجة نبص عليها مثلا الحوض بتاع الموتور و نبص على القلل الى راكب عليها المساعد تأكد أن اللحام بتاع الفابريكا بالشكل دة بالظبط و مش ملعوب فية و لا ملحوم لان القلة دى بيبقى عليها رقم الشاسية بتاع العربية
و لو العربية ايطالى يعنى من موديل 90 الى 96 بيكون رقم الشاسية مكتوب برضو على اللوحة الامامية الى على صدر العربية

الصورة الاولة نمرة الشاسية على القلة الى ناحية اشمال و انت واقف وشك للعربية




و دى الناحية اليمين و انت واقف وشك للعربية برضو



و دى اللوحة الالومونيوم الى على الصدر الصاج الاسود و نمرة الشاسية بتبقى مكتوبة علية بس دة فى حالة ان التمبرا ايطالى مش تجميع شركة النصر للسيارات يعنى الايطالى من موديل 90 الى 96 فقط

[heshamzaky]

أفحص شاسية السيارة من الاسفل التعريجات الى موجودة زى الشرائح لازم تبقى سليمة و لو فية انبعاج لفوق دة بيبقى بسبب ان العربية خبط فيها دبش أو كوب من الاسفل و دة سهل ردة عن طريف الدق بمطرقة ثقيلة من الدواسات من داخل السيارة





فى الصورة الاخيرة واضح ان كان فية أنبعاج فى الشاسية من اسفل بس دة عادى مش مشكلة

[JUVENTUS]

تكمله لموضوع قطع الغيار بتاعت التمبرا
اقدر اقول ان قطع الغيار منتشره و موجوده في كل مكان عدا بعض الحاجات هنلاقيها عند ناس معينه و اشهرهم الكيلاني بالذات
ده بالنسبه للجديد
اما بالنسبه للاستيراد فحدث و لا حرج متوافر كل شئ من الابرة للصاروخ في عزبه شلبي بالمطرية و حاجات اصلي محترمه جدا جدا و80% منها افضل من الجديد و اسعارها ممتازه و دي انا بعتبرها ميزه مهمه جدا للعربية دي
لكن برضو ش كل شئ نشتريه استيراد فيه حاجت يفضل نجيبها جديده للامان طبعا زي السيور و السيرفو بتاع الفرامل ............. الخ
برضو في الاستيراد لازم تتعامل مع تاجر محترم عشان وارد جدا انك تجيب حاجه و تطلع مش مضبوطة و تغيرها

[heshamzaky]

أفتح شنطة السيارة و ارفع الاستبن و شيل الموكيت الصورة دى لشنطة فابريكا تماما
يعنى مفيش أى لحامات مفيش أى خبطات الصاج على شكل شرائح او شريط مفيهومش اى دق و لا أى انبعاج

[heshamzaky]

صور اوضح شوية و طبعا من حوالين مكان الاستبن فية العضم بتاع الشنطة بيقال علية المدفعين تأكد انهم سلام

[heshamzaky]

للكشف المبدئى على موتور السيارة شد خرطوم الفايز و العربية دايرة و شوف اذا كان معرق زيت و لا ناشف لو ناشف يبقى الموتور حالتة معقولة جدا
الخرطوم الى راكب فى العمة دة لو العربية كاربراتير بيبقى فى العمة الحديد المدورة زى الصورة كدة

[heshamzaky]

بص على الجسم الخارجى للسيارة بين الخطين الى لونهم احمر فية (( السوك ))) يعنى زى خط فى الصاج بطول العربية لو الخط دة منتظم يبقى الجسم الخارجى بتاع العربية تمام بنسبة كبيرة
التمبرا الرفرف الامامى تحديدا لو اتخبط قبل كدة صعب السوكة دى تتظبط تانى الا لو سمكرى ممتاز و دايما بتاع الدوكو بيحاول يرسم السوكة دى بالمعجون بس الرفرف لما بيتدق بينفخ شوية و بيبقى فية بومباى بسيط

[heshamzaky]

علشان تفرق بين التمبرا الكاربراتير و التمبرا الانجيكشن
الصورة الاول شكل الموتور الكاربراتير

العمة بتبقى حديد مدورة و فية فلتر بنزين حديد راكب فى صدر العربية




الموتور الانجيكشن الموتور العمة بتاعتة بلاستيك كبيرة و مستطيلة بس برضو فية ناس بتقلب الانجيكشن الى كاربرانير علشان تتأكد انظر الى سلك البنزين الى داخل على الانجيكشن
فى حالة الانجيكشن السلك بناع البنزين بيقى داخل على الانجيكشن بالعرض أنما الكاربراتير بيبقى السلك طالع من صدر العربية و راكب من الخلف

[eng_tefa]

السلام عليكم ورحمة الله وبركاته
انا بقى من راى المتواضع المتناهى المتوازى
انك تبص على العربيه من بره حالتا العامه اخبارها ايه والكماليات
والله بتفرق جامد ويمكن شغلها اغلى من المواتير وكدا
يعنى صاجها يكون تمام ونضيف
الكشافات ورا وقدام والقمره بتاعت الكشافات من جوه
الفرش بصفه عامه
لو فيها الحاجات دى يبقى متترددش وتشتريها
(جنوط اسبور - فتحه سقف - شبوره - اى بى اس -انجكشن -ايرباج - تكييف - لوحه التكييف تتش - باور - مرايات كهربا - ازاز كهربا طبعا - ولو ف 4 ازاز كهربا يبقى عنب)
العدادات الديجيتال دا من راى طبعا التمبرا لو مش ديجيتال متبقاش تمبرا

[misoalex]

موضوع راااااااااااااااااااااااااائع بصراحه

ربنا يباركلكم وخصـــــــــوصا استاز هشام

[JUVENTUS]

هقول برضو بعض الحاجات البسيطه الي ممكن تحدد بيها حاله العربيه او حاله بعض الاجزاء فيها
- شغل الموتور و لف الدركسيون شمال للاخر و يمين للاخر ( و انت واقف) و شوف الباور تقيل و لا لأ لو تقيل يبقى ترمبه الباور عايزه تتغير اما لو خفيف و فيه زنه يبقى الترمبه بتبوظ بس لسه في بدايتها لو خفيف و مفيش اي صوت يبقى كده الترمبه تمام
- بص على الاسكترا بتاعت الباور لو مرشحه زيت تبقى بايظه برضو
(النقطتين السابقتين في حاله ا العربية فيها باور)
-لما ترفع العربيه لازم حد يبصلك على المقصات بارات الاسكترا و الاسكترا لان ممكن يكون فيها بوش
-اطلع بالعربيه و شوف سحبها عامل ايه و صوت الموتور عامل ايه فيه خشونه و لا ناعم
-المساعدين تعالى عند كل مساعد و اضغط على العربية للاسفل وعلى اد ما تقدر و بعدين سيب شو العربيه هتعد تتمرجح و لا لأ و طبعا لو اتمرجحت عند اي مساعد يبقى خفيف شويه
- الموتور ميكونش فيه ترشيح زيت عند الجوانات و برضو ميكونش فيه ترشيح زيت فتيس
-بص على فرش العربيه كليبسات فرش الابواب راكب كويس و لا مخلع التابلوه عامل ايه و فرش الكراسي خصوصا لو الفابريكه بتاع العربيه و فرش السقف
--العربيه من الخارج بص على الفوانيس و الصاج بصفه عامه و الاكصدامات
-لو فيه فتحه سقف بص على الكاوتش اللي حواليها و اتأكد انها شغاله
-بص على كاوتش الابواب كلها متقطع و متبهدل و لا كويس و الابواب في الفتح و القفل بتترزع و لا لأ
-شغل التكييف لو شغال و شوف تبريده عامل ايه
-لو عداد ديجيتال اتأكد ان كل حاجه فيه شغاله

طبعا الحاجات دي مش شرط كلها تبقى 100% عشان العربيه تكون حالتها نضيفه
طبعا هتتنازل عن بعض الحاجات فيهم و كل عربيه و حالتها كل ما كانت الحاجات دي مفيهاش مشاكل كل ما كانت العربيه احسن
لكن لو معظم الحاجات دي فيها مشاكل يبقى حاول تشوف عربيه افضل

[JUVENTUS]

برضو فيه حاجات تانيه في الموتور وجودها يعني ان العربيه مش ملعوب في الموتور و الكهربه و دوره التبريد بتاعتها
زي مثلا
- الديجيبلكس و ده موجود في كل العربيات الكاربيراتير و معظم الانجكشن لكن مش كله

-مجموعه مروحه التبريد و هي موجوده خلف الفانوس الامامي الايمن و دي بصراحه مش متذكر موجوده في كل العربيات و لا المكيفه بس لكن اكيد حد من الاخوه هيفكرني


-حاول تتأكد ان الثرموستات اللي في الرادياتير الثلاثه طرف الاصليه مش الاتنين طرف

[ZALABANY]

موضوع هايل يا شباب تلم ايديك يا هشام انت واحمد