كيف تفحص سيارة تمبرا عند الشراء

[heshamzaky]

موضوع هايل يا شباب تلم ايديك يا هشام انت واحمد

تسلم يا زلبانى و يالا خش على الموضوع و قول الى عندك
أنت خبير فى موضوع كهرباء المروحة دة تخصصك يا باشا هههههههههههه

[heshamzaky]

أبو حميد الصور هايلة و الكتابة واضحة تماما
بس مجموعة الفيوزات الى فى البوكس الاسود دى فى حالة أن العربية تكون مكيفة لو مش مكيفة مش حا تبقى موجودة

[heshamzaky]

أفتح غطاء الشنطة و تأكد أن مفيش اى خبطات من الداخل فيها و لو ان الغطاء بتاع الشنطة كلة على بعضة ب 250 جنية فقط
و دة شكلة من الداخل تأكد أن العضم بتاعة سليم و بالمناسبة غطاء الشنطة مش عيب جامد لان وارد ان يكون فية خبطة و ممكن صاحب العربية يكون مغيرة بالكامل




و تأكد أن السنتر بتاع الشنطة شغال الى هوة لونة أبيض جنب الكالون فى الصورة الاولى

[JUVENTUS]

أبو حميد الصور هايلة و الكتابة واضحة تماما
بس مجموعة الفيوزات الى فى البوكس الاسود دى فى حالة أن العربية تكون مكيفة لو مش مكيفة مش حا تبقى موجودة

تمام كده يا باشا
و تكمله للمشاركه 14 نزل برضو صور الثرموستات ال 3 طرف سواء الازرق او الريكامبي الاسود

[ahmed79]

السلام عليكم ورحمه اله وبركاته
ايه الحلاوه دى موضوع جامد بصراحه
ربنا يسهل ونقدر نساهم ولكنى شايف انك قمت بالواجب انت واحمد

[heshamzaky]

أرفع العربية بكوريك من الامام و بص على العفشة و تأكد ان الكاوتش بتاع الكبالن و صوابع الميزان و علبة الدريكسيون بحالة جيدة مش متقطع لان تغير الكلام دة بفلوس


الشكمان أغلب الظن بيبقى راكب فية سوستة بعد المشترك زى الى فى الصورة

[heshamzaky]

تمام كده يا باشا
و تكمله للمشاركه 14 نزل برضو صور الثرموستات ال 3 طرف سواء الازرق او الريكامبي الاسود

صورة الترموستات بتاعت ال الرادياتير الاصلية و دى بتبقى 3 طرف



و دى صورة الفيشة الى بتركب فى الترموستات و طالع منها 3 أسلاك كهرباء لانها 3 طرف و المروحة بتشتغل سرعتين عالى و واطى

[JUVENTUS]

في حاله ان العربيه مكيفه و التكييف مش شغال يفضل نتاكد من ان كل مكونات التكييف موجوده و لا لأ لانه ساعات بيكون مهمل جدا و كل جزء من دول يسوى فلوس و شغل و بيغير في سعر العربيه
السربنتينه و دي بين الشبكه الاماميه و الرادياتير


الكومبريسور : و ده لو انت واقف في وش العربيه هتلاقيه على شمالك تحت ورا الرادياتير و ده شكله

كويل التبريد ( الثلاجه): و ده موجود ورا التابلوه داخل الهاوزينج الخاص به و ده شكل الهاوزينج كامل


عشان نعرف الكويل ده موجود و لا لأ هنشوف الماسورتين بتوعه طالعين من صدر العربيه عند علبه الباور و الديجيبلكس و لا مش موجودين
و دي صوره للكويل اللي جوه الهاوزينج و واضح فيها الماسورتين بتوعه اللي على اليمين تحت شويه



دي اهم اجزاء التكييف الاساسيه اللي بتكون مكلفه شويه في صيلنتها او تغييرها اي اجزاء تانيه زي الخراطيم او فلتر التكييف مثلا بتكون اسهل بالطبع

[heshamzaky]

لو التمبرا الى بتشتريها ايطالى مش المصرى الزجاج بيبقى مكتوب علية سنة صنع العربية و بيشار الية برقم واحد و جنبة اصفار
يعنى لو التمبرا موديل 94 حا تلاقى مكتوب ....4
زى الى فى الصورة كدة
و الغرض من الموضوع التاكد أن صاحب العربية مش مغير ابواب مثلا فى العربية بنفس اللون علشان يقول انها فابريكا تماما الا بقى لو هو خبير شوية و عارف الموضوع دة و اثناء شرائة للابواب الى بنفس لون العربية نقى و لقى نفس لون و سنة صنع سيارتة

[ahmadmidop]

تسلم ياكبير

[heshamzaky]

تسلم ياكبير

العفو يا باشا و بجد و الله العظيم كل واحد فى رابطة التمبرا حا تلاقية متميز فى حاجة و شاطر فيها
مستنى من رجال التمبرا النزول بخبرتهم فى الموضوع

[misoalex]

استاز هشام استاز كبير والله :)

واحب اضيف لكلامك ان العربيه لو مصرى حيبقى مكتوب على الزجاج كله حتى الزجاج الامامى اللوجو بتاع شركه النصر

وده يثبت ان العربيه دى مصرى
واى ازاز فى العربيه مش مكتوب عليه اللوجو ده بخلاف باقى العربيه تعرف على طول ان الازاز ده اتغير اما اتكسر او فى حادثه او الباب كله اتغير بالازاز

ده بالنسبه للتمبرا فيه عربيات تانيه مصرى غير التمبرا الازاز مش عليه لوجو شركه النصر

[heshamzaky]

يا باشا العفو يا استاذ
و على فكرة التمبرا المكيفة الزجاج بتاعها ملون شوية مش شفاف لانة معالج ضد الحرارة بنسبة معينة
و حتى التمبرا الاستيراد الزجاج مش كلة زى بعضة فية نوع مكتوب علية كلمة dok دة معالج شوية ضد الحرارة

[mohamed9999]

معلشى سؤال جانبى هو العربيه النضيفه تعمل من كام لكام

[JUVENTUS]

معلشى سؤال جانبى هو العربيه النضيفه تعمل من كام لكام

1400 بدون تكييف من 25000 الى 28000 دي غالبا بتكون الموديلات الافدم من 90 الى 93
1400 بالتكييف من 30000 الى 33000
1600بدون تكييف من 30000 الى 35000
1600 مكيقه من 34000 الى 40000
الاسعار دي كده بالتقريب و طبعا كل ما العربيه كانت اغلى حالتها هتبقا احسن و الشغل اللي بيتعمل فيها اقل
و لو حد من الزملاء عنده تعليق اكيد هيقوله