كيف تفحص سيارة تمبرا عند الشراء

[heshamzaky]

عاوزين نكمل باقى الموضوع يا رجالة لية سكتو كلكم

[man_faraway]

السلام عليكم ورحمة الله وبركاته
انا بقى من راى المتواضع المتناهى المتوازى
انك تبص على العربيه من بره حالتا العامه اخبارها ايه والكماليات
والله بتفرق جامد ويمكن شغلها اغلى من المواتير وكدا
يعنى صاجها يكون تمام ونضيف
الكشافات ورا وقدام والقمره بتاعت الكشافات من جوه
الفرش بصفه عامه
لو فيها الحاجات دى يبقى متترددش وتشتريها
(جنوط اسبور - فتحه سقف - شبوره - اى بى اس -انجكشن -ايرباج - تكييف - لوحه التكييف تتش - باور - مرايات كهربا - ازاز كهربا طبعا - ولو ف 4 ازاز كهربا يبقى عنب)
العدادات الديجيتال دا من راى طبعا التمبرا لو مش ديجيتال متبقاش تمبرا

فعلا فعلا اجمل حاجة فى العربية انك تبصلها تحس بفخامتها وبجمالها والتابلوه اجمل ما فى التمبرا بالذات بليل العربية دى فى ناس تيييت بيركبوها بيخلوا شكلها زبالة وفى ناس بتركبها بتخليها باشا ماشى فى الشارع انا حاسها فرسة الفارس الى بيظهر جمالها

[sohagy]

موضوع رائع .. ناس كتير هتستفيد .. وفيه معلومات اول مرة أعرفها زي موضوع الزجاج وسنة الصنع .. بجد ربنا يبارك فيكم

[farselkon]

شكرا وجارى البحث عن التمبرا والإنضمام لرابطة العظماء التمبراوية

[passio]

يا جماعة فعلا الف مليون كلمة شكر مش حتكفى جزاكم الله خيرا ممكن اسأل ايه الفرق بين الكاربيرتير و الانجكشن و ايهما افضل

[JUVENTUS]

يا جماعة فعلا الف مليون كلمة شكر مش حتكفى جزاكم الله خيرا ممكن اسأل ايه الفرق بين الكاربيرتير و الانجكشن و ايهما افضل

الكاربيراتير و الانجكشن دي انواع او طرق حقن البنزين
الكاربيراتير ده يعتبر طريقه مانيوال شويه لكن الانجكشن ده حقن الكتروني
الانجكشن طبعا هو الافضل لانه مش بيحتاج صيانه كل فتره زي الكاربيراتير و و لا حتى بيحتاج ضبط هوا و لا الكلام ده كل لانه بيعتمد على كمبيوتر بياخد منه الوظائف اللي بيعملها
و كمان سعر الانجكشن استيراد ارخص ب 300 جنيه على الاقل

[mahmoud_nasr]

طب دلوقتى انا قدامى عربية تيمبرا موديل 99 معاقين خلصانة كل حاجة وبيقول انها ايطالى انا جربت العربية وهيا فعلا كويسة وناعمة جدا واسد عالطريق وحالتها كويسة بس فيها شوية شغل سمكرة عاوز رايكم لان العربية مع واحد صحبى وهو محافظ عليها اوى وهيا كمان فابريكة من جوا

[betobasha]

السلام عليكم
طبعا أنا بالنسية للموقع عضو جديد والنهاردة ربنا أكرمنى واشتريت تمبرا 91 صحيح هى مش موديل عالى لكن حالتها نظيفة وأول مارجعت البيت حبيت أعرف معلومات عن التمبرا ودخلت هذا الموضوع واستفدت منه كتير
وعليه فأنا أشكر كل من كتب كلمة فى هذا الموضوع لأنه فعلا مفيد

[JUVENTUS]

السلام عليكم
طبعا أنا بالنسية للموقع عضو جديد والنهاردة ربنا أكرمنى واشتريت تمبرا 91 صحيح هى مش موديل عالى لكن حالتها نظيفة وأول مارجعت البيت حبيت أعرف معلومات عن التمبرا ودخلت هذا الموضوع واستفدت منه كتير
وعليه فأنا أشكر كل من كتب كلمة فى هذا الموضوع لأنه فعلا مفيد

الف مبروك على العربيه و ربنا يبارك لك فيها
و اي استفسار تحت امرك بالطبع

[betobasha]

الف مبروك على العربيه و ربنا يبارك لك فيها
و اي استفسار تحت امرك بالطبع

أشكرك علىاهتمامك واكيد سوف اعود لك باستفسارات علشان انا معرفش حاجة خالص فى التمبرا والنهاردة لما فتحنت كبود العربية لقبت دنيا مختلفة عن الـ 131 اللى كنت فاهم لها واظبط كهبتها واغير لها طقم الكهربا بالكامل بس التمبرا لقيت حاجات كتير خوفتنى بس ان شاءالله نعرفها ونعرف نتعامل معاها
شكرا مرة تانية لردك وذوقك ومجهوداتك بالمنتدى

[AhmedMetwally]

والله يا باشا انت عملت شغل جامد في الموضوع ده وتعبت فيه ربنا يكرمك ويجزيك خيير ان شاء الله

[alswafy]

بجد والله انا معايا عربية تانية فورد بس هبيعها عشان اجيب تيمبرا انا استفد كتير جدا من الموضوع ده ربنا يباركلكم يارب واشكركم جداااااااااااااااا

[ahmedfoud]

يا جماعه جهد مشكور جدا و جزاكم الله كل خير و الموضوع دا فعلا المفروض يتثبت عشان الفايده تعم
انا نازل ان شاء الله اليوم اشتري عربيه تمبرا و استفدت جدا من الموضوع دا ...... و عندي سؤال لخبراء التمبرا
العربيه تمبرا موديل 90 1400 سي سي انجكشن بس تقريبا معدله لكربراتير لسه هتأكد لان صاحب العربيه قالي انه لسه عامل الكربراتير و الموتور في عمه سوده مستطيله
العربيه فبريكا بره و جوه و طبعا من بره فيها خربيش و كده
عامله 154000ك و 2 زجاج كهربا و فتحه سقف شغاله كويس و طبعا تابلوه ديجيتال شغال فيه كل حاجه و فرش الفابريكه من جوه حالته كويسه
مفيش جنوط و كاوتش تعبان كله عايز يتغير
يا تري تقدروا العربيه دي بكام ؟؟؟؟؟؟؟؟؟

[heshamzaky]

والله يا باشا انت عملت شغل جامد في الموضوع ده وتعبت فيه ربنا يكرمك ويجزيك خيير ان شاء الله

بجد والله انا معايا عربية تانية فورد بس هبيعها عشان اجيب تيمبرا انا استفد كتير جدا من الموضوع ده ربنا يباركلكم يارب واشكركم جداااااااااااااااا

الف شكر لذوقكم العالى و مليون تحية من القلب

[heshamzaky]

يا جماعه جهد مشكور جدا و جزاكم الله كل خير و الموضوع دا فعلا المفروض يتثبت عشان الفايده تعم
انا نازل ان شاء الله اليوم اشتري عربيه تمبرا و استفدت جدا من الموضوع دا ...... و عندي سؤال لخبراء التمبرا
العربيه تمبرا موديل 90 1400 سي سي انجكشن بس تقريبا معدله لكربراتير لسه هتأكد لان صاحب العربيه قالي انه لسه عامل الكربراتير و الموتور في عمه سوده مستطيله
العربيه فبريكا بره و جوه و طبعا من بره فيها خربيش و كده
عامله 154000ك و 2 زجاج كهربا و فتحه سقف شغاله كويس و طبعا تابلوه ديجيتال شغال فيه كل حاجه و فرش الفابريكه من جوه حالته كويسه
مفيش جنوط و كاوتش تعبان كله عايز يتغير
يا تري تقدروا العربيه دي بكام ؟؟؟؟؟؟؟؟؟

الف شكر يا باشا تسلم و تعيش على ذوقك الكبير
===================
بص يا باشا صعب جدا تتمن العربية بالوصف كدة

حالة العفشة اية
=========
بص فتحة السقف الكهرباء ليها تمن على فكرة حا تديلك انتعاش فى الصيف و حا تعجبك جدا كمان و بتدى شياكة و حداثة للعربية .

الراجل لاعب فى العربية قلبها من انجيكشن ل كاربراتير طبعا لان الصنايعية بتفتى من دماغها و مش فاهمة

الانجيكشن أفضل بكتير العربية مفيهاش اى ظبط اى حاجة بتبوظ مجرد تحدد العطل فين فين و شيل و حط .

العمة المستطيلة مش شرط ان الربية تبقى انجيكشن
شوف سلك البنزين الى داخل الكاربراتير داخل ازاى على الكاربراتير

لو السلك داخل عمودى من صدر العربية للكاربراتير يبقى عربية كاربراتير
لو السلك داخل بالجنب و فية صينية حديد بيلف السلك عليها تبقى انجيكشن


هو لو قلبها كاربراتير حا يبقى لاعب فى شوية حاجات اولهم ضفيرة الكهرباء ما تقلقش لو حبيت ترجع العربية لاصلها تانى حتى لو الضفيرة متقطععة نعرف الى يرجعها لك زى المصنع و نعرف نجيب الضفيرة منين دى ضفيرة المانى ماركة بوش على فكرة
و حا تلاقية لاغى طرمبة البنزين الكهرباء الى كانت راكبة فى التانك و مركب طرمبة بنزين عند الموتور من الامام

بص العربية دى لو خلتها ب 28 الف او 29 الف بعيوبها يبقى انت الى كسبان
دة رأى شخصى يحمل الصواب و الخطا