مكن أزاز الكهرباء للفيورا 127

[YaSSerwIN]

مكن أزاز الكهرباء للفيورا 127

أجيبهم منين ويعملو كام انا هاركب أتنين قدام بس

وياترا حد عند فكرةأحط الزرارير فين ؟؟؟

[amrhussein123]

والله انا نفسي اعمل زيك كده

بس مش عارف اجيبه مننين ولا بكام

ياريت لو عرفت تعمل الموضوع ده تقولي ازاي

[YaSSerwIN]

والله يا مان انا مستنى حد يرد عليا بس مافييييييييييش شكلى بطلب طلب نادر

[YaSSerwIN]

لا حياة لمن تنادى

[مواطن مصرى]

يا استاذى الكريم اعذر الناس فى الموقع لعدم الرد يمكن مشغولين او محدش يعرف اجابه لسؤالك مثلا لكن ارجوك لا تظن بالناس هنا

لو يسمح لى الاخوه المشرفين و الخبراء بالتبرع بالاجابه

هل اصلا باب الـ 127 فيه مكان لمقص و مكنه رفع الزجاج بخلاف قربه السنترلوك ؟

فك تنجيد الباب و بص وراه و شوف المكان اللى فاضل بعد تركيب قربه السنترلوك

لو عايز حد كويس يركب مكنه رفع زجاج عليك و على سكتين :

1- هشام لهيطه فى التوفيقيه (ش زكى ثانى شارع على ايدك اليمين لو انت واقف امام سنترال رمسيس) : هيركب مكنتين رفع يابانى ستاندرد (او هكذا يقولون) + وحده رفع وولف (فى حاله وجود انذار و سنترلوك متركبين فى العربيه) و التكلفه بالمصنعيه فى حدود 350-400 جنيه لكن المشكله هل المكن ده ينفع للـ 127 و اللا لأ و ده هتعرفه لما تفك فبر و تنجيد الباب

2- وجيه لقطع غيار الفيات بالحرفيين (اسال عنه جنب المسجد اللى هناك) او اى محل قطع غيار استعمال هناك : هتجيب مكنتين رفع زجاج استيراد استعمال الخارج بتوع فيات ريتمو (لا اعرف سعر المكن لكن مكنه الريجاتا كانت بـ 200 جنيه و اكيد الريتمو ارخص) و بعدين تشوف كهربائى كويس يركبهم (المصنعيه خمسين جنيه)

حاول و ارجو ان تبلغنا بالنتائج

و اتمنى ان اكون ساعدتك

مع خالص تحياتى

[YaSSerwIN]

بالنسبالى انا مش عارف فيه مكان ولاء بس أكيد الماكنة السلك بتاعت الأزاز بتتفك ويتركب مكنها الكهرباء على ما أظن

وبعدين فيه عربيات كتير 127 مركبة ازاز كهرباء

انا روحت عند هشام من أسبوعين قولتو مكن لعربية 127 قالى معنديش

:(