صيانة 40000 للإيفو ب 2500 جنيه

[eslam_fashion]

امبارح اخويا راح يعمل الصيانة ال 40000 للايفو
عايزين يغيروا حاجات كتير منها سير كاتينية وسير تكييف وسيير باولر وبلى كاتينة ..
وتمن الصاينة 2500 جنيه
ومعملتش الصاينة بسبب المبلغ الهلامى ده ولما قالهم انا مش عايز اغير كل ده قالوله العربيه كده تطلع بره الضمان .. فا مين ممكن يساعدنى في الموضوع ده هل مثلا البرقان الي في العريش ارخص ومعتمد وهفضل جوه الضمان ولا لأ ,, ولا حد عنده راي تاني .. ولا ده كده مش غالى ؟؟ لاني خلاص زهقت

[yassinhaitham]

المفروض ان السيور و البلية يقعدوا اكتر من كدة حوالى 20 الف كمان بس أنا للاسف غيرت عند ال 40 ألف و أنا فاكر انى دفعت 3000 جم في البرقان بس خلي بالك ان دة كان شامل تغيير تيل أمامي و خلفى فياريت تقولنا ايه بنود الصينة عندك.

و بالنسبة لموضوع الضمان انا شايف انه عامل زى الفزاعة لأن من مشاكل حصلت مع زملاء هنا في المنتدى أولا لو حاجة حصلت معاك لا قدر الله اما هيقولولك واحد من الاحتمالات دى:

1- القطعة التالفة دى من المستهلكات زي التيل, الطنابير, البطاحات,الخ الخ لخ أ
2- يقنعوك انها غلطتك و هتغير القطعة علي حسابك بسبب سوء الاستعمال و هتدفع برضه رغم انك ممكن تكون على حق
3- لو انت فاهم شوية او كان معاك حد فاهم كويس من شباب المنتدى و عمات معاهم شبورة و خناقة كويسة ممكن يغيروهالك بأى حتة استعمال من الحرفيين أو الكيلاني و خلافه غير لنهم هيكفروا سيئات حضرتك في مواعيد التسليم
4- لو لقيت قطع الغيار أرخص أو متوفرة عند الكيلانى أو غيره أكيد هيرفضوا يركبوهالك علشان من خارج التوكيل رغم ان ممكن متكنش عندهم أصلا و برضوا يجبوها من الكيلني بس يحاسبوك بسعرهم دا غير ضريبة المبيعات و لو حصل انهم رضيوا حيقولولك حنركبها بس علي مسئوليتك و حتضطر تقول ماشى و برضوا حتطلع من الضمان يا ريس

[eslam_fashion]

متشكر جدا ا :s
انا عندى ال start stop
مش شغال ولازم يتعمل تبع الضمان
فمش عايز اطلع منه هعرف البنود واكتبها بس واضح ان البرقان نفس السعر

[yassinhaitham]

متشكر جدا ا :s
انا عندى ال start stop
مش شغال ولازم يتعمل تبع الضمان
فمش عايز اطلع منه هعرف البنود واكتبها بس واضح ان البرقان نفس السعر

احسن اسأل البرقان لأن ممكن تكون المصنعيات اقل شوية من أومترا بس أسعار قطع الغيار موحدة

[yoko]

رحلهم قلهم إشمعنا أحمد ومطلعش بره الضمان وقولهم جبولي كتالوج من فيات غيطاليا من أي حته في العالم بيقول 40 الف دي
أو إستنى لأول الإسبوع الجي وأجي معاك

[eslam_fashion]

اوك لو كده هستنى تيجي معايا ..

[yassinhaitham]

اوك لو كده هستنى تيجي معايا ..

مش قلت لك على اللي فيها