استفسار لكل خبراء الفيات سيينا

[ahmedsimo14]

السلام عليكم انا ياجماعه من عشاق الفيات (الاصيله جدا ) انا كان معايا فيات 128 وبصراحه انا كنت جايبها اتعلم بيها لاني سمعت انها بتسخن والعفشه تعباته والكلام العبيط ده بصراحه عربيه ممتازه سافرت بيها في محافظات مصر كلها ف شغلي مقالتشي لا المهم ياجماعه انا ببيعها عشان عاوز اجيب فيات سيينا او لانوس بس بفضل الفيات سيينا بس عاوز اسال العربيه في السحب والعفشه بتاعتها والعربيه ف المجمل عامله ايه والتكييف بتاعها بياثر جامد ولا لا علي حراره العربيه عامه ياريت ياجماعه اللي معاه العربيه دي يقولي بامانه عيوبها ومميزاتها لاني عاوز اجيبها ا

[newcastle]

السيينا كعربيه ممتازه موتورها قوي جدا لو 1600 (معرفش 1400 عامله ازاي) ناعمه جدا الباور بتاعها ممتاز
عربيه بتستحمل اي حاجه
شنطتها بحر
عيوبها ان مش اي حد يفهم فيها ولازم ايدك فيها على طول ولازم قطع الغيار تكون بتاعتها وتركب صح
العربيه عاليه ودي ميزه وعيب في نفس الوقت
ميزه انك هتمشي في اي حته من غير متحك في مطب حتى لو محمل مش هيهمك اي مطب او نقره
عيبها انها عالسرعات العاليه (وده فوق 140 ) مش ثابته انما قبل كده ثباها معقول

[littlepharohe]

عربيه محترمه بالنسبه للاستخدام القاسى انا معايا 1400 استهلاك محترم حوالى 220 ك للصفيحه مثلا عاليه جداً و الشنطه واسعه الانجيكشن مونو فمستحيل يتسد لا نه واحد بس قطع غيار معقوله و موجوده بس هتاخد فترة فى الاول مش فاهمها و التجار ممكن يشتغلوك لان قطع غيارها متشابها مع حاجات كتير بور وسنتر و زجاج كهربا امامى و بعد الجنوط الاسبور متزنه بجيب بيها 160 كل يوم وانا رايح الشغل و الطريق جزء منه مش مرصوف و العفشه بتطحن و ولا حاجه انا متخيل ان مفيش حاجه كانت ممكن تتحمل معايا الكلام ده من الكورى غير الدايو و كمان هتكون اقل من عربيتى للعلم بس انا بعمل هوالى 400 ك فى الاسبوع !!

[ahmedsimo14]

عربيه محترمه بالنسبه للاستخدام القاسى انا معايا 1400 استهلاك محترم حوالى 220 ك للصفيحه مثلا عاليه جداً و الشنطه واسعه الانجيكشن مونو فمستحيل يتسد لا نه واحد بس قطع غيار معقوله و موجوده بس هتاخد فترة فى الاول مش فاهمها و التجار ممكن يشتغلوك لان قطع غيارها متشابها مع حاجات كتير بور وسنتر و زجاج كهربا امامى و بعد الجنوط الاسبور متزنه بجيب بيها 160 كل يوم وانا رايح الشغل و الطريق جزء منه مش مرصوف و العفشه بتطحن و ولا حاجه انا متخيل ان مفيش حاجه كانت ممكن تتحمل معايا الكلام ده من الكورى غير الدايو و كمان هتكون اقل من عربيتى للعلم بس انا بعمل هوالى 400 ك فى الاسبوع !!

بجد انا بشكركم علي ردودكم طيب بالنسبه للتكيف بيرفع من سخون العربيه ولا لا والتكييف كويس ولا لا

[misoalex]

بجد انا بشكركم علي ردودكم طيب بالنسبه للتكيف بيرفع من سخون العربيه ولا لا والتكييف كويس ولا لا

لا اسأل اى واحد من ملاك السيينا حيقولك العربيه دى الوحيده اللى لو عاوزها متسخنش شغل التكيف هههههههههه

على فكره لو بتدور على القوه والسحب هات السيينا ال 1600
ولو بتدور على رخص قطع الغيار هات ال 1400 لانها مشتركه مع الشاهين فى حاجات كتيير فقطع غيارها ارخص

على فكره انا كان معايا 128 زيك وععدلتها وعملت فيها كل حاجه وصرفت عليها كتير جدا وفى الاخر بعتها لانها مش بتاعه هلك وعاوزه ايدك فيها على طول

[littlepharohe]

شوف هوه موضوع السخونه راجع لان معظم الناس بتستخدم ميه عاديه لازم 40 % كولانت الى هيه موبيل وانسى اقولك شكل عداد الحراره عندى ما بين اول و تانى شرطه بس و مش بيعدى مره وصل للنصف عشان كانت واخده هوه بس غير كده الدنيا تمام مش بترفع غير وسط المرور بس لكن انا 1400 معرفش 1600 ايه الاخبار

[ahmedsimo14]

شوف هوه موضوع السخونه راجع لان معظم الناس بتستخدم ميه عاديه لازم 40 % كولانت الى هيه موبيل وانسى اقولك شكل عداد الحراره عندى ما بين اول و تانى شرطه بس و مش بيعدى مره وصل للنصف عشان كانت واخده هوه بس غير كده الدنيا تمام مش بترفع غير وسط المرور بس لكن انا 1400 معرفش 1600 ايه الاخبار

شكرا لرد حضرتك بس الاول بس فهمني ايه الكولانت ده دي ميه خضرا دي ولا ايه وثانيا انتا لما تحط الكولانت ده ف الردياتير وتشغل التكييف والعربيه واقفه ف الزحمه الموشر بيوصل لكام ياريت الاجابه لاني عاوز اجيب العربيه دي جداااااااااااااااااااااا

[misoalex]

شكرا لرد حضرتك بس الاول بس فهمني ايه الكولانت ده دي ميه خضرا دي ولا ايه وثانيا انتا لما تحط الكولانت ده ف الردياتير وتشغل التكييف والعربيه واقفه ف الزحمه الموشر بيوصل لكام ياريت الاجابه لاني عاوز اجيب العربيه دي جداااااااااااااااااااااا

زى موضح littlepharohe العربيه دى روحها فى الميه الخضراء والتوكيل بينصح بموبيل وهى الجركن ب 60 جنيه بس قصاده بتحافظ على موتور عربيتك
واغلب مشاكل السخونه فى الفيات راجع لاهمال صاحب العربيه من استعمال مياه الحنفيه اللى كلها املاح وعدم تنظيف دوره التبريد كل فتره
او جهل صاحب العربيه بدائره التبريد المغلقه اللى المفروض متاخدش هواء خالص والا العربيه حتسخن
وانك لما تزود مياه تزود والعربيه بارده الصبح مش وهى سخنه

ويا باشا زى مقولتلك السينا تشغل التكيف حتلاقي درجه حراره الموتور بتنزل وده راجع لان سرعه المروحه التانيه بتشتغل مع التكيف فالتبريد بيزيد

بس لو بتفكر تشترى السيينا دور على واحده حاله نضيفه ومتاخدش اللى متبهدله عشان حتبهدلك معاها

[littlepharohe]

زى موضح littlepharohe العربيه دى روحها فى الميه الخضراء والتوكيل بينصح بموبيل وهى الجركن ب 60 جنيه بس قصاده بتحافظ على موتور عربيتك
واغلب مشاكل السخونه فى الفيات راجع لاهمال صاحب العربيه من استعمال مياه الحنفيه اللى كلها املاح وعدم تنظيف دوره التبريد كل فتره
او جهل صاحب العربيه بدائره التبريد المغلقه اللى المفروض متاخدش هواء خالص والا العربيه حتسخن
وانك لما تزود مياه تزود والعربيه بارده الصبح مش وهى سخنه

ويا باشا زى مقولتلك السينا تشغل التكيف حتلاقي درجه حراره الموتور بتنزل وده راجع لان سرعه المروحه التانيه بتشتغل مع التكيف فالتبريد بيزيد

بس لو بتفكر تشترى السيينا دور على واحده حاله نضيفه ومتاخدش اللى متبهدله عشان حتبهدلك معاها

شكراً على رد حضرتك السريعي استاذ misoalex , واسف على التاخير اسأل مجرب ولا تسأل .... انا كنت بستخدم ميه عاديه لحد ماطلمبة الميه اتدمرت و قطعت السيور وخربت الدنيا من بعدها رحت نضفت دورة التبريد و كان فيها بلاوى , وعموماً من الافضل انك تنضف دورة التبريد مع دخول الصيف و تستخدم مية موبيل تبريد 40 % و ان شاء الله هتعجبك العربيه دى جداً و بالتوفيق فى الشراء

[misoalex]

شكراً على رد حضرتك السريعي استاذ misoalex , واسف على التاخير اسأل مجرب ولا تسأل .... انا كنت بستخدم ميه عاديه لحد ماطلمبة الميه اتدمرت و قطعت السيور وخربت الدنيا من بعدها رحت نضفت دورة التبريد و كان فيها بلاوى , وعموماً من الافضل انك تنضف دورة التبريد مع دخول الصيف و تستخدم مية موبيل تبريد 40 % و ان شاء الله هتعجبك العربيه دى جداً و بالتوفيق فى الشراء

ايوه انا سمعت فعلا ان الميه العاديه بتبوظ السيور ومفهمتش يعنى ايه وايه علاقه الميه بالسيور بس كده فهمت العلاقه :)

ربنا يستر انا صاحب العربيه القديم كان بيستخدم ميه عاديه وكان بيركن العربيه فتره ربنا يستر متكونش بوظت عندى حاجه لانى بقالى يومين بسمع صوت شخشخه عندى