افيدوني في سيارتي 128

[eng_nabil707]

السلام عليكم ورحمه الله
دي اول مشاركة لي هنا وبعد نصيحه من اصدقاء اني اشاوركم في شد عربيتي 128 موديل 74 معدله
يا ترى ايه اسعار الصاج ؟ وتتكلف كام لو رشيتها بره وجوه ؟ انا بسمع مصنعيات مختلفه جدا من الصنايعيه وبصراحه انا معنديش خلفيه ...ويا ترى لو حبيت كذلك اجيب اكصدامات كام سعرها؟ العربيه فيها بارومات من الجانب اليمين لكن الشاسيهات سليمه زي ما قالولي ...وكمان محتاجه رفرفين قدام وبسمع برده اسعار متضاربه ... طيب سعرهم كام واجيبهم منين من القاهره؟

سؤال تاني كمشوره ولا يتعلق بشد العربيه ..انا مقتنيها من فتره قليله وكانت ع قد فلوسي ...هي كمتور كويسه وانا مغير العفشه ...يا ترى حرام فيها مصاريف تانيه ولا هيبان عليها؟ ...ناس تشور عليا بالبيع وناس تقولي حماله اسيه بلاش ...انا عارف ان اسئلتي تقيله الدم شويه لكن يمكن الاقي عندكم ما يثلج صدري ...واتأسف لو كلماتي غير مرتبه لاني بعتبر نفسي بفضفض ...وشكرا لسعه صدوركم

[midokaseh]

بالنسبة ل 128 عربية من رائى ممتازة بس محتاجه الى يصونها ويكون ايده فيها....
بالنسبة للرفرف سعره 90 جنية واعمل حسابك فى 1200 سمكرة ودوكو شاملة كل حاجة
شويه روشانات تخشلك فى 500 جنية
وانشاء اللة تكون ز الفل وتفكرش فى حلال وحرام الى هتصرفة هتركب بية وافضل 100 مرة من المواصلات وقرفها .....