مساعدة في تغيير طقم دبرياج سيينا 1600

[DONYO]

صباح الخير جميعا .....ارجوا الاهتمم بالرد للعارفين نظرا للاهمية

انا من شهرين تقريبا اشتريت طقم دبرياج اصلي من التوكيل (اسطوانة+ديسك+بلية) وركبتهم بره التوكيل.

1. المهم كانوا حلوين في الاول وبعد مجرد اسبوعين ابتدى لما العربية تسخن فيمشوار عادي المارشدير يزعق والغيارات بقت مش سلسة.
2. والاهم بقى لما تيجي تدي غيار اعلى بتحس انك بعد ما تدوس دبرياج على الاخر مافيش سنة الفصل اللي تخليك تدي الغيار فبخطف الغيارات
3. وعلى الاول ما بحسش ان العربية بتطلع بنعومة لأ زي ما تكون بتنطر كدة لما اسيب الدبرياج عند مسافة معينة واسمهع صوت معدني خفيف كانها خدت الغيار وشلت رجلي بسرعة مع اني بسيب ببطء.
4. وبرضة لاحظت وانا ممور لما ادوس دبرياج واجي اسيب بسمع صوت الخبط المعدني الخفيف نفسة اللي قلتلكم علية.

ارجو الافادة
كدة الطقم باظ ولا الراجل ما عرفش يركبه خاصة اني لما رحتله عاوز يعمل عليا حوار ويقولي الزيت ناقص ولما كشف عليه لقاه مليان على الاخر بيقولي يبقى لازم نغير الزيت والفيبرة اللي تحت العصاية لازم تتغير ومش عارف اية واي كلام وخلاص

[mr_hamed_s]

غالبا الطقم ركب غلط

انا لسه مغير طقم بتاعى من يومين والاعراض ديه كانت بتحصل فالطقم القديم
المشكلة انك علشان تتاكد لام هيحل الفتيس كله تانى ونس شغلانة تركيب طقم الدبرياج

او ممكن يكون الطقم نفسة نوعه مش كويس

انت جبته بكام ونوعه ايه ؟؟

[DONYO]

يا باشا انا جبته الاصلي من اوماترا جسر السويس وكان في حدود 1100 جنية
والمفروض ان الراجل دة بيفهم.

[Gelgel2004]

السلام عليكم
عندى طقم اصلى بتاع الفابريكه فكيته عند 70000 كلم فى التوكيل و مطلعش العيب منه
ان كان هيفيدك ..
الموديل سيينا 1400cc - 2004

[DONYO]

السلام عليكم
عندى طقم اصلى بتاع الفابريكه فكيته عند 70000 كلم فى التوكيل و مطلعش العيب منه
ان كان هيفيدك ..
الموديل سيينا 1400cc - 2004

اشكرك جدا يا باشا على عرضك الكريم بس انا مش فاهم العيب من الطقم ولا هو راكب غلط دة ماكملش 2000 كم .

[misoalex]

على فكره اوماترا فيه حجات كتير بتجيبها من الكيلانى او الحرفيين (لاحظ اغلب المواضيع هنا فى المنتدى وانت تتأكد )

يعنى الطقم اللى حضرتك ركبته 90 % من العادى اللى بيتباع فى السوق

عموما كده كدده لازم تفك الفتيس وتشوف المشكله فى الطقم ولا فى التركيب

ولو المشكله فى الطقم عليك وعلى حمايه المستهلك بالفاتوره اللى معاك

[misoalex]

هو طقم الدبرياج بتاع ال 1600 هو بتاع ال 1400 ؟؟؟؟؟؟ يعنى عرفت وانت بتشتريه ان فيه فرق ولا هو هو

ودفعت مصنعيه كام للمكانيكى فى الحوار ده

[DONYO]

على فكره اوماترا فيه حجات كتير بتجيبها من الكيلانى او الحرفيين (لاحظ اغلب المواضيع هنا فى المنتدى وانت تتأكد )

يعنى الطقم اللى حضرتك ركبته 90 % من العادى اللى بيتباع فى السوق

عموما كده كدده لازم تفك الفتيس وتشوف المشكله فى الطقم ولا فى التركيب

ولو المشكله فى الطقم عليك وعلى حمايه المستهلك بالفاتوره اللى معاك

ما اعتقدش ان في حماية للمستهلك اليومين دول علشان احوال البلد وامري لله هحاول اشوف ميكانيكي تاني يبص على الفتيس بس لازم يكون بيفهم

هو طقم الدبرياج بتاع ال 1600 هو بتاع ال 1400 ؟؟؟؟؟؟ يعنى عرفت وانت بتشتريه ان فيه فرق ولا هو هو

ودفعت مصنعيه كام للمكانيكى فى الحوار ده

بصراحة ماعنديش فكرة ان الطقم بتاع 1600 زي ال 1400 ولا في اختلاف ودفعت مصنعية 180 جنية

[misoalex]

حمايه المستهلك شغاله عادى وانت بتتعامل مع توكيل مش مع محل عم عبده

جرب روح التوكيل وشوف حيقولولك ايه ولو رفضو يبقى جرب اتصل بحمايه المستهلك مش حتخسر حاجه

و 180 جنيه مصنعيه يبقى كنت غيرتها فى التوكيل افضل واهو كان حيبقى على ضمانتهم

[DONYO]

حمايه المستهلك شغاله عادى وانت بتتعامل مع توكيل مش مع محل عم عبده

جرب روح التوكيل وشوف حيقولولك ايه ولو رفضو يبقى جرب اتصل بحمايه المستهلك مش حتخسر حاجه

و 180 جنيه مصنعيه يبقى كنت غيرتها فى التوكيل افضل واهو كان حيبقى على ضمانتهم

التوكيل هيقول انه مش مسئول لان قطعة الغيار لم يتم تركيبها من خلالة وممكن تكون ركبت غلط دة غير ان المصنعية عندة كانت 300 جنية تقريبا وعلى العموم قدر الله وماشاء فعل .

[misoalex]

التوكيل هيقول انه مش مسئول لان قطعة الغيار لم يتم تركيبها من خلالة وممكن تكون ركبت غلط دة غير ان المصنعية عندة كانت 300 جنية تقريبا وعلى العموم قدر الله وماشاء فعل .

قدر الله وما شاء فعل ان شاء الله تطلع حاجه تانيه بليه ولا حاجه صغيره

[Mahmode]

إن شاء الله بسيطة