فيات 126 عربية جميلة بس محتاس بيها

[amr_abd_elaziz]

بسم الله الرحمن الرحيم
اشتريت عربية فيات 126 وانا ماعنديش اى فكرة عن السواقة او التعامل مع العربيات
المهم اخدت العربية وكانت سليمة وفل بس طبعا قعدت اخبط بيها لحد ما باظت فيها حاجات بس للاسف مش لاقى ميكانيكى عاوز يشتغل فيها ليه مش عارف، لو حد يعرف ميكانيكى فى اسكندرية بيشتغل فيها يقولى، ويا ريت لو حد عنده اى معلومة مفيدة فى العربية دى يفيدنا، وشكرا ليكم

[misoalex]

مكانك فين فيه مكانيكيه فى الساعه تقريبا بيشتغلو فيها لانى بشوفها سعات عندهم

هى المشكله عندك فى ايه بالظبط

[amr_abd_elaziz]

على فكرة انا ساكن قريب من الساعة فيا ريت لو فيها حد بيشتغل فيهم
والمشكلة عندى فى العربية دلوقتى انها بتعمل فرقعة فى الموتوتر اول ما اجى ادور وادوس بنزين عشان اسخنها وبتطلع زى شرار مع صوت الفرقعة ده وكمان ملاحظ ان صوت الموتور بقى اعلى عن ما كنت واخدها من صاحبها وكمان تقريبا انها بتسرب زيت على كلام الراجل ال اشتريت منه الزيت وكمان هو ال زودلى الزيت عشان كان ناقص نص كيلو بعدها باسبوعين الزيت نقص برضه وكمان يا معلم البنزين عاوز يتظبط لان بيتقالى البنزين ده عالى وكمان العربية بتسخن

[misoalex]

على فكرة انا ساكن قريب من الساعة فيا ريت لو فيها حد بيشتغل فيهم
والمشكلة عندى فى العربية دلوقتى انها بتعمل فرقعة فى الموتوتر اول ما اجى ادور وادوس بنزين عشان اسخنها وبتطلع زى شرار مع صوت الفرقعة ده وكمان ملاحظ ان صوت الموتور بقى اعلى عن ما كنت واخدها من صاحبها وكمان تقريبا انها بتسرب زيت على كلام الراجل ال اشتريت منه الزيت وكمان هو ال زودلى الزيت عشان كان ناقص نص كيلو بعدها باسبوعين الزيت نقص برضه وكمان يا معلم البنزين عاوز يتظبط لان بيتقالى البنزين ده عالى وكمان العربية بتسخن

ايوه كده الكهربا عندك عاليه والسلانسيه شكله عالى هو كمان وعاوز يتظبط بس المهم تكون العربيه عندك مش بتاكل زيت بسبب ان الموتور خفيف عشان كده معلين الكهربا والسلانسيه

بص ده رقم تليفونى 0109333516 كلمنى حوصفلك كام مكانيكى فى الساعه

[amr_abd_elaziz]

شكرا لاهتمامك يا ميسو، انا امبارح لقيت كهربائى سيارات فى شارع الترعة عنده نفس العربية وشغال فيها الكهرباء والميكانيكا وشكله على ما اعتقد بيفهم قالى محتاج اجيب كاربراتير استعمال من الفراهدة وكمان كاوتشة هواء وفلتر هواء عشان البنزين مش متظبط وكمان عشان السخونة وهايغير الابلاتين والكوندينسر عشان الكهرباء ال مش متظبطة وهايغير البوجيهات ف ان شاء الله المفروض هانزل اشترى الحاجات دى من الفراهدة وصلاح الدين النهاردة يا بكرا واروحله، واسمحلى بقى اتصل بيك لو احتجت حاجة عشان لسه خبرتى قليلة فى مواضيع العربيات دى ووالصنيعية بيشتغلونى

[misoalex]

طب الحمد لله انك لقيت حد

واى خدمه لو محتاج حاجه
وعلى فكره حتلاقى بتوع قطع غيار فى الساعه استعمال وجديد ممكن تلاقى عندهم اللى انت عاوزه بدل متنزل الفراهده انا كنت بجيب حاجتى كلها من الساعه جديد ومستعمل ايام السيات وال 128

بتوع الجديد حتلاقيهم عند الموقف بتاع الساعه زى فرفور والمحلات اللى جنبه وفى وشه الصف التانى
والاستعمال جوه فى الشوارع الجانبيه عندك لحد قريه عبد الوهاب ومعهد السياحه كده كل الشوارع دى فيها بتوع مستعمل اسأل عندهم هناك حيقولولك مين بيشتغل فى ال 126