السيينا ولا التمبرا

[Egyp]

الحقيقة انا معايا 132 وناوي ان شاء الله اشتري عربية تانية فبفاضل بين السيينا و التمبرا و عايز اعرف ايه الاحسن من حيث وسع العربية والعفشة والموتور وتتحمل الجري لانها هتكون لحد كبير ليا بس فمش هتكون عائلية فانا عايز اعرف ايه اللي موتورها اقوي و يكون قطع غيارها موجودة و مش غالية و ياريت لو حد يعرف حدود سعرها يبقي جزاه الله خيرا

[hugan]

التمبرا افضل من السيينا في كل اللي سالت عليه

[samyyousef]

كنت املك سيارة سيينا
هي بالفعل سيارة ممتازة....
لكن يجب ان تكون بحالة جيدة و هو شرط في اي سيارة مستعملة بصفة عامة و في السيينا بصفة خاصة
توجد ايضا الفيات برافا....هي سيارة ممتازة ايطالي 100% الكثير يخاف منها رغم ان قطع غيارها متوفرة و تقارب سعر قطع غيار السيينا لكن يجب ان تكون حالتها جيدة ايضا

[ahmedandahmed]

السينا افضل بالنسبة لسنة الصنع وقطع الغيار والبيع والشراء اما الصالون اصغير من التمبرا ولكن للمقارنة السينا افضل ؟؟؟؟

[JUVENTUS]

الحقيقة انا معايا 132 وناوي ان شاء الله اشتري عربية تانية فبفاضل بين السيينا و التمبرا و عايز اعرف ايه الاحسن من حيث وسع العربية والعفشة والموتور وتتحمل الجري لانها هتكون لحد كبير ليا بس فمش هتكون عائلية فانا عايز اعرف ايه اللي موتورها اقوي و يكون قطع غيارها موجودة و مش غالية و ياريت لو حد يعرف حدود سعرها يبقي جزاه الله خيرا

الحقيقه العربيتين ممتازين
بالنسبه للوسع التمبرا اوسع من السيينا
العفشه العربيتين مفيهمش مشاكل في العفشه بس عفشه التمبرا ناشفه شويه يعني هتلاقيها بترزع في النقر و الارض المكسره
الموتور العربيتين موتورهم قوي بس التمبرا فيه منها كاربيراتير و انجكشن السيينا اعتقد كلها انجكشن فقط و العربيتين فيه منهم 1400 و 1600 لكن التمبرا صيانتها اسهل و اقل تكلفه من السيينا و ده نتيجه لان التمبرا حوضها واسع لكن السيينا حوضها ضيق و بيكون مزعج شويه للصنايعي
الجري العربيتين جرايين لكن التمبرا اكثر ثبات من السيينا لان التمبرا وزنها اثقل و كمان لان السيينا عاليه عن الارض اكتر من التمبرا
قطع الغيار العربيتين قطع غيارهم متوفره بدون مشاكل لكن التمبرا قطع غيارها ارخص و قطع غيارها الاستيراد متوفره اكتر من السيينا
و ده موضوع فيه سعر معظم قطع غيار التمبرا جدبد و استيراد

http://www.nilemotors.net/Nile/194188-a.html

السيينا طبعا ليها ميزه ان موديلاتها حديثه نسبيا عن التمبرا
و شكل السيينا مواكب شويه للعصر عن التمبرا
العربيتين يشترط فيهم الحاله العامه تكون جيده جدا على الاقل

[newcastle]

كوسع تمبرا
كموتور وجري وتحمل السيينا اقوى (لو 1600 )
كقطع غيار اعتقد التمبرا (من حيث التوافر والسعر)
بالنسبه للعفشه السيينا عفشتها كويسه معرفش تمبرا عامله ازاي
ومبروك مقدما

[ahmed79]

الحقيقة انا معايا 132 وناوي ان شاء الله اشتري عربية تانية فبفاضل بين السيينا و التمبرا و عايز اعرف ايه الاحسن من حيث وسع العربية والعفشة والموتور وتتحمل الجري لانها هتكون لحد كبير ليا بس فمش هتكون عائلية فانا عايز اعرف ايه اللي موتورها اقوي و يكون قطع غيارها موجودة و مش غالية و ياريت لو حد يعرف حدود سعرها يبقي جزاه الله خيرا

انا ركبت الاتنين بس فضلت التمبرا عنها عشان كذه حاجه
التمبرا اوسع من السينا والقعده من جوه مريحه السينا وانت قاعد تحس انك متكتف بس السينا من نحيه التجميع اسرع من التمبرا عشان هى اخف فى الوزن ومشكلتها ان حضها ضيق فى الشغل ومن ناحيه قطع الغيار متوفره بكثره فى عزبه شلبى ده بخصوص التمبرا
بس اهم حاجه الحاله تكون ممتازه عشان تريحك سواء كان فى التمبرا او السينا

[misoalex]

انا ركبت الاتنين بس فضلت التمبرا عنها عشان كذه حاجه
التمبرا اوسع من السينا والقعده من جوه مريحه السينا وانت قاعد تحس انك متكتف بس السينا من نحيه التجميع اسرع من التمبرا عشان هى اخف فى الوزن ومشكلتها ان حضها ضيق فى الشغل ومن ناحيه قطع الغيار متوفره بكثره فى عزبه شلبى ده بخصوص التمبرا
بس اهم حاجه الحاله تكون ممتازه عشان تريحك سواء كان فى التمبرا او السينا

على فكره وزن السيينا والتمبرا تقريبا زى بعض بالظبط
الاتنين معديين ال 1000 كيلو بحاجات بسيطه والفرق بينهم مش فاكر 5 ولا 10 كيلو

الفرق الواضح او المهم بين الاتنين ودى ميزه وعيب فى الاتنين
السيينا عااااااااليه عن الارض وال 1400 منها بجنوط 13 المفروض كلها تبقى 14 زى ال 1600 بس تقريبا عما غملو كده عشان تزود التسارع بتاع ال 1400 لما يخفف وزن الجنوط والكاوتش
بس طبعا انسى ان العربيه تحك معاك فى مطب من مطبات مصر المحروسه وثبات العربيه كويس حتى ال 120 من 120 الى 160 الثبات مش جامد يعنى معقول او مقبول

التمبرا وااااااطيه وتقريبا مشوفتش عربيه تمبرا مش مخبوطه فى العتب بتاعها اكتر من خبطه لدرجه ان فيه سمكرى قاللى مهما صلحت العتب حيتخبط تانى

بس دى ميزه لان العربيه ثابته على السرعات اللى بعد ال 120 بسبب ان العربيه واطيه جدا والجنوط بتاعها 14 سواء 1400 او 1600 فده اللى مخلى العربيه ثابته على الارض وطبعا عرض العربيه كويس جدا مخليها تثبت اكتر بعد ال 120



طبعا بخلاف الشكل بين العربيتين من الداخل والخارج وشكل التابلوه بتاع السيينا احدث من التمبرا لكن التمبرا الديجتال تابلوه بتاعها جميل جدا برضه

[misoalex]

على فكره نسيت اتكلم عن قطع الغيار واسعار قطع الغيار

اغلب اللى ردو على نقطه قطع الغيار ماشاء الله من رابطه التمبرا وهما عارفين يجيبو قطع الغيار منين وبكام

لكن لو حنتكلم على حد مش من القاهره او ميعرفكوش فأنسو ان حد يبيع بنفس الاسعار اللى انتم بتجيبو بيها خصوصا الاستعمال

فأنا اللى شايفه ان قطع الغيار فى الاثنين متقاربه جدا جدا جدا يعنى لو حاجه غاليه فى التمبرا ممكن تلاقيها رخيصه فى السيينا ولو حاجه غاليه فى السيينا ممكن تلاقيها رخيصه فى التمبرا بس فى الاخر الفرق مش كبير حاجات بسيطه

السيينا فيها ميزه ان بيقولو ان موتورها ال 1400 هو هو موتور الشاهين ال 1400 يعنى حتلاقى حاجته عند البقال وبأسعار معقوله
بس طبعا الموتور ال 1600 يكسب فى السحب والجرى لانه 16 v و 108 حصان

وفيه ميزه فى السيينا معرفش موجوده فى التمبرا ولالا وهى ان عند حدوث حادثه لاقدر الله فيها زرار بيفصل البنزين خالص عن الموتور وانسى ان العربيه تدور او ان يحدث اشتعال فى الحوض لقدر الله

ده غير ان فيه سيينا كتيييير فيها abs وامبولايزر (مفتاح مشفر ) لمنع السرقه
يعنى بتتكلم فى جيل حديث من السيارات

[Elawany13]

أنا كنت بحب السيينا جدا كشكل واستايل
وكنت بفكر اشتريها
بس مرة ركبت سيينا فى الكنبة اللى ورا السواق مشوار قصير حوالى 35 كيلو
روحى طلعت ومكنتش طايق القعده
أنا طولى حوالى 180 سم
قاعد رقبتتى ملوحه ومطاطى راسى طول السكة
ورجلى مزنوقه
من يومها وانا كرهت العربية ديه
ولغيتها من تفكيرى
سبحان الله لما ركبت الماروتى والعربية السيات الصغيره
متعبتش كده !!!!!

طبعا ده مش عيب السينا لوحده
ده مشكلة فرديه بالنسبة ليا
مش متناسقة مع مقاسى

[misoalex]

أنا كنت بحب السيينا جدا كشكل واستايل
وكنت بفكر اشتريها
بس مرة ركبت سيينا فى الكنبة اللى ورا السواق مشوار قصير حوالى 35 كيلو
روحى طلعت ومكنتش طايق القعده
أنا طولى حوالى 180 سم
قاعد رقبتتى ملوحه ومطاطى راسى طول السكة
ورجلى مزنوقه
من يومها وانا كرهت العربية ديه
ولغيتها من تفكيرى
سبحان الله لما ركبت الماروتى والعربية السيات الصغيره
متعبتش كده !!!!!

طبعا ده مش عيب السينا لوحده
ده مشكلة فرديه بالنسبة ليا
مش متناسقة مع مقاسى

هما مضيقين مساحه ضهر الكنبه عشان يوسعو الشنطه يعنى تحس انك نفسك تقعد جوه الشنطه بدل الكنبه ههههههههه

بس خلى بالك هو على حسب وضع الكراسى الاماميه لان الكرسى لو طلع لادام اللى قاعد ورا حيرتاح اكتر

والشاهين اغلب الناس برضه بتتكلم عن ان القعده فى الكنبه بتاعتها مش مريحه خاااااااالص

اللى تتفوق فى وسع الكنبه الخلفيه بتاعتها فى الفئه دى هى التمبرا الكنبه وااااااسعه ومريحه جدا لان القاعده واطيه وراجعه لورا فبتبقى قاعد مرتاح جدا