سؤال عن تيل الفرامل للإيفو

[hjp_353]

ممكن لو حد يعرف العمر الافتراضي لتيل الفرامل الامامي للبونتو ايفو
لإن انا عامل 20000 كم بالعربية والتيل اتاكل وكمان كل في الطنابير
فكنت عايز اعرف هل ده طبيعي ولا لأ

[yoko]

التيل بيفرق مع فرق السواق يعني ممكن واحد يغير بعد 5 وممكن بعد 30
إنت سبتها لحد ما بوظت الطنابير ليه؟

[wama1903]

إنت سبتها لحد ما بوظت الطنابير ليه؟

+1111111

[moh.aboelkheir]

انا معايا وصل ل ٢٠٠٠٠ و كان كويس .. .و ضاع خالص على ٣٠٠٠٠ ... بس مأكلش في الطنابير ! و استخدامي متوسط !

[Formulator]

أنا شايف ان التيل الـOEM (عربيات فيات وفرامل Bosch).. لو قعد 20-30 ألف كم, يبقى كويس أوى.. عايزين أيه تانى؟؟!!!
العربيات وزنها تقيل, ومواتيرها عصبية (حتى الـFire 1.4 77HP).. و رغم كده الفرامل بتقفش جاااااااامد جدا من على أى سرعة, و فـ أى Load.. وأداؤها عالى جدا..؟!!
يعنى كنت هتبقى مبسوط لو التيل بيقعد 50 ألف كم, والفرامل زى الهيونداى؟؟؟!!
كده Fair أوى, فيه حاجة اسمها: Cost-Benefit Relationship

[misoalex]

أنا شايف ان التيل الـoem (عربيات فيات وفرامل bosch).. لو قعد 20-30 ألف كم, يبقى كويس أوى.. عايزين أيه تانى؟؟!!!
العربيات وزنها تقيل, ومواتيرها عصبية (حتى الـfire 1.4 77hp).. و رغم كده الفرامل بتقفش جاااااااامد جدا من على أى سرعة, و فـ أى load.. وأداؤها عالى جدا..؟!!
يعنى كنت هتبقى مبسوط لو التيل بيقعد 50 ألف كم, والفرامل زى الهيونداى؟؟؟!!
كده fair أوى, فيه حاجة اسمها: Cost-benefit relationship

كلام سليم فعلا

قوه الموتور والتسارع ووزن العربيه عوامل لازم تتحط فى الحسبان

وفيات لما بتعمل عربيه بتحسب الحجات دى صح مش زى هيونداى :))

وكلام يوكو صح السواقه عليها عامل كبير جدااااااا فى موضوع الفرامل ده


وفيه حاجه كمان مش عاملين حسابها
عدد الكيلو اللى عملاه العربيه ده جوه البلد ولا بره البلد فى طرق طوالى

لان جوه البلد انت بتضرب فرامل كل 100 متر وسعات اقل بكتير كمان فى شارع واحد ما بالك فى الشهر بقى شوف دوست فرامل كام مره ومنهم فرامل طوارئ

لكن فى طريق طوالى اوضع بيختلف كتير