سؤال بخصوص الفتيس الديولوجيك

[ahmedezar]

السلام عليكم

كان عندي إستفسار بخصوص الفتيس الديولوجيك في الإيفو عشان بدرس الموضوع ولسه بفكر فيها

الي أنا فهمته من كلام الناس أنه فتيس مانيوال بس بدربياج أوتوماتيك كمبيوتر

طيب في ثلاث نقط دلوقتي عايز أعرفهم الرجة بتاعت النقلة المانيوال اللي بتحصل في العربيات العادية بتحصل هنا برضه مع الكمبيوتر

النقطة التانية لما أجي أفرمل فجأة هتبطل ولا هترجرج زي ما بيحصل لو نسيت أدوس الدبرياج

أخر نقطة مع الوقت الديسك والإسطوانة محتاجة تتغير في العربيات العادية طب هنا برضة في الإيفو بيحصل كدة

الموضوع ملخبط معايا شويه عشان أنا كنت فاكرها زي الاوتو العادي أحطها علي ال d وأسوق

مستنى أراكم

وشكرا ليكم

[yoko]

طيب في ثلاث نقط دلوقتي عايز أعرفهم الرجة بتاعت النقلة المانيوال اللي بتحصل في العربيات العادية بتحصل هنا برضه مع الكمبيوتر
أيوه بس بصوره أقل
النقطة التانية لما أجي أفرمل فجأة هتبطل ولا هترجرج زي ما بيحصل لو نسيت أدوس الدبرياج
لأ لإن مش المفروض تحصل في المانيوال لو الي بيسوق بيعرف يسوق
أخر نقطة مع الوقت الديسك والإسطوانة محتاجة تتغير في العربيات العادية طب هنا برضة في الإيفو بيحصل كدة
أيوه بتحتاج تتغير بعد فتره زيها زي المانيوال وطريقة سواقة الواحد هي الي بتحدد هتتغير إمتى يعني مثلا في الإشارات لازم العربيه تتحط على الn ومتتسبش على الA

[ahmedezar]

طيب في ثلاث نقط دلوقتي عايز أعرفهم الرجة بتاعت النقلة المانيوال اللي بتحصل في العربيات العادية بتحصل هنا برضه مع الكمبيوتر
أيوه بس بصوره أقل
النقطة التانية لما أجي أفرمل فجأة هتبطل ولا هترجرج زي ما بيحصل لو نسيت أدوس الدبرياج
لأ لإن مش المفروض تحصل في المانيوال لو الي بيسوق بيعرف يسوق
أخر نقطة مع الوقت الديسك والإسطوانة محتاجة تتغير في العربيات العادية طب هنا برضة في الإيفو بيحصل كدة
أيوه بتحتاج تتغير بعد فتره زيها زي المانيوال وطريقة سواقة الواحد هي الي بتحدد هتتغير إمتى يعني مثلا في الإشارات لازم العربيه تتحط على الn ومتتسبش على الa

شكرا يا باشا للرد والإفادة

[hany63]

هل اداء الفتيس خشن على السرعات البطيئه (start/stop roads) زي DSG بتاع الفولكس ولا ناعم زي الاوتو العادي عشان انا بايع باسات 2009 بسبب ان كل مشاويري في الزحام و الفتيس كان متعب حتى بعد تغييره مرتين

[khalid_adel]

لا ناعم عادي في الزحمه (انا مجرب الباسات والبرافو وفاهم قصدك) بس زي ماقالك يوكو لازم تجيب n عشان متبوظش الدنيا ويطلعلك رساله ان الاسطوانه سخنت وكده
بس في النقلات بتحس بالنقله برضه بس اخف من المانيوال العادي