بخصوص 128

[boutchy]

السلام عليكم
عندي سؤال ضروري
ما هي المصاريف اللازمه ل :

نقل ملكيه
فحص
تجديد رخصه 3 سنوات
تركيب نمر جديده
لسياره 128 موديل 88
1100 cc
وياريت لو حد يعرف ايه الاجراءات بالظبط وابدأ بإيه والحوار بيعد كام يوم عشان انا لسه جديد في الحوار ده
عايز اعرف يعني الليله كلها تتكلف كام تقريبا
ارجو المساعده ضروري
شكرا

[misoalex]

نقل ملكيه فى الشهر العقارى من 60 الى 80 جنيه على حسب التقدير بس هى عشان موديل حديث 88 ممكن يكون اكتر شويه بس مش كتير

تجديد الرخصه حتدفع تأمين اجبارى تقريبا 90 جنيه (بصراحه مش فاكر)
وضريبه 150 جنيه او اكتر للسنه الواحده

وورق الفحص والحوارات دى تقريبا حتدفع 100 جنيه بالدمغات والاكراميات

بس لازم تكون الطفايه شغاله
وحتجيب شنطه اسعافات ومثلث ب 70 جنيه تقريبا

ده كل اللى انا فاكره الصراحه

[misoalex]

بص من الاخر اعمل حسابك على باكو مقفول تقل او تزيد بسيط عشان انا دفعت المبلغ ده واكتر فى ترخيص عربيتى

مع العلم انها كان عليها نمر جديده وكان فاضلها سنتين فى الفحص كمان بس فحصت تانى عشان نقل ملكيه وكان عليها نمر جديده يعنى المفروض مشتريش شنطه اسعافات ومثلث ومع ذلك خلونى اشتريهم تانى عشان الوصل لازم يبقى معاك

وهى دى مصر

[boutchy]

هيا دي مصر فعلا

[graffittiii]

وكان عليها نمر جديده يعنى المفروض مشتريش شنطه اسعافات ومثلث ومع ذلك خلونى اشتريهم تانى عشان الوصل لازم يبقى معاك

شنطه إسعافات ؟!!! ومثلت كمان؟!!. أنا بالنسبالي مطلبش غير وصل الطفايه وحتي ال Label اللي عليها الاوراق المطلوبه ف المرور مش مكتوب فيها موضوع شنطه الاسعافات دي .... مش عارف بقي يمكن الطلبات بتختلف من مرور للتاني والله أعلم لا ن زي ماحضرتك قلت هي دي مصر.....ياباشا دا شنطه الاسعافات دي مش هتلاقيها ف عربيه الا سعاف أساسا ف دوله زي أم الدنيا...

[misoalex]

شنطه إسعافات ؟!!! ومثلت كمان؟!!. أنا بالنسبالي مطلبش غير وصل الطفايه وحتي ال label اللي عليها الاوراق المطلوبه ف المرور مش مكتوب فيها موضوع شنطه الاسعافات دي .... مش عارف بقي يمكن الطلبات بتختلف من مرور للتاني والله أعلم لا ن زي ماحضرتك قلت هي دي مصر.....ياباشا دا شنطه الاسعافات دي مش هتلاقيها ف عربيه الا سعاف أساسا ف دوله زي أم الدنيا...

الكلام ده امتى يا باشا

ده مرضاش يخلص الفحص غير لما يشوف الوصل او الشنطه والمثلث وكان معايا واحد يسلك المواضيع حاول يخلص الموضوع بفلوس او يجيبلى شنطه ومثلث من حد افحص بيهم بس منفعش وانا عشان اخلص اشتريته غصب عنى

على فكره الكلام ده قبل الثوره بفتره ايام العادلى اللى كان ناهبها

وحاجه كمان مرضيوش ياخدو الطفايه القديمه وكانو عاوزنى اشترى واحده جديده وبعد كلام كتير ومناهده منى العسكرى اللى قاعد قاللى حقولك على نصيحه خد الطفايه وروح اداره الحريق والدفاع المدنى وخليهم يملوها ويدوك ورقه انها صالحه للاستخدام
وقد كان روحت عملتها ودفعت 10 جنيه و5 جنيه للعسكرى اللى ملاها وكان فيه ظابط هناك حطلى عليها استيكر وادانى وصل
وتانى يوم رجعت المرور تانى كان فيه عسكرى تانى ابن %$^$^ مرضيش بالطفايه تانى وقاللى لا دى متنفعش ودى مش بتاعه العربيه ولازم تشترى واحده تانيه مع ان انا واخدها من صاحب العربيه وكن فاحص بيها قبل مشترى العربيه بشهر واحد تقريبا هما ليهم نسبه عشان كده بيتلككو

يهديك يرضيك يا عم الحاج دا انا دبيت مشوار ودفعت فلوس وفى الاخر تخلينى اشترى واحده وانا بتكلم معاه لقيت واحد داخل عليه بيديله طفايه قديمه وحطله فى ايده 5 جنه راح ختمله عليها
فهرشت الحوار ورحت مطل5 جنيه معجبهوش وقاللى انا حدقلك عليها رقم العربيه واخدمك وشوف بقى الخدمه دى
فهمت انه عاوز اكتر من 5 جنيه سيبته يخلص الموضوع واديته 10 جنيه ومكانش عاجبه ابن ال ^$^%$%#


الكلام ده قبل الثوره وعلى فكره المرور بقى الرشوه فيه اكتر من قبل الثوره بشهاده كل اصحابى وبعد كام حاجه انا شوفتها هناك بعد الثوره


وهى دى مصر
حبه عساكر معهومش اعداديه بيتحكمو فى مهندسين بشنبات

[boutchy]

طب الحوارات دي تخلص في كام يوم ؟
بيبقى زجمه وكده ؟

[misoalex]

طب الحوارات دي تخلص في كام يوم ؟
بيبقى زجمه وكده ؟

نقل الملكيه فى اى شهر عقارى فى اى يوم
ولو حظك حلو حوارات المرور حتاخدها فى يومين فقط

لو فيه كعبله ربنا معاك

انا اخدت 5 ايام تقريبا