Omatra توكيل فيات الجديد في مصر

[CryptonX]

أنا عضو جديد ومنتني لمنتدى السيارات الصينية منذ سنتين او اكثر
ولاحظت في جميع الجنسيات و الأديان نفس الشيء و احد يشتري عربية تطلع كويسة معاه يمدح فيها لأي حد يسأل واحد تاني حصل معاه مشاكل يقوم يمسح بيها الأرض لأي حد تاني , اتا طبعا بتكلم عن ناس جربو ا السيارت شخصيا مش اي كلام بيتقال ويترمي وخلاص

فلازم نعذر الجانبين الجانب المؤيد و الجانب المعارض

اديكم مثالا بسيطا انا مثلا شاب عندي 23 سنة , خريج كلية هندسة و لم امتلك سبارة من قبل سوا سيارة والدي الكورولا الله يرحمها !فلما تخرجت واشتغلت الحمد الله وجدت عروض التقسيط من كونتاكت جيدة جدا ومناسبة لي ..بعد مباحثات لمدة سنة كنت على وشك شراء شيري ايه11ولكن في اخر لحظةظهر توكيل فيات اعجبتني الباليو ال1300 لشكلها و موتورها جعلني انسى الضمان الرديء , سنة واحدة وقطع غيار الي في أسعار الفرنسي

المهم توكلت لى الله واشترتها .. ب68ألف جنبه أخذت نصيبي من الحوادث وما خلافه و الحمد االله وااسيارة جيدة جدا الحمد الله وعمات بيها 17ألف كيلو في اقل من سنة , والصيانة ممتازة في التوكيل وكل شيءباستثناء بس القطع الغيار غالية
المهم فضلت أرشح السيارة لكل السائلين عنها بكل أمانة وبخبرتي المكتسبة وان كانت ضئيلة جدا في عالم السيارات

ولسة من كام يوم رشحتها لصديق عزيز و بالفعل قام بشرائها ب70ألف جنيها
المهم كلنا فرحانين و سعيدين

ورحنا المعرض مع بعض
لأفاجئ بقنبلة التوكيل ! القنبلة التي فجرت كل حبي لفيات والسيارة

فيات باليو الشكل القديم بموتور 1500و جميع الكماليات ب64ألف جنيه و ضمان 3 سنوات و كمان صيني !
اتجننت و صاحبي اتجنن لافاجئ بالقنبلة النووية الأخرى فيات بونتو موديل 2008 ايطالي بالكامل 1300 كاملة ب 71 ألف جنيه ... كنت في نصف هدومي اولا لصديقي الواقف جنبي ولنفسي... حسيت انه اضحك عليا

المهم بعد ماتفرجنا و عرفت بقى خبر قضى علي نهائيا ان الباليو البرازيلي بتاعتي ال1300 مش حاتنزل مصر تاني

وقال ايه علشان منزعلش الضمان بتاعنا امتد من سنة ل 3 سنوات

يعني انا و صاحبي دفعنا 70 ألف جنبه تقريبا في سيارة المفروض انها رخيصة ومصممة للعالم الثالث لأكتشف اني ممكم كنت أركب السيارة الأيطاي الشهيرة ذات الأمان والجودة العالمية و التجهيزات الكاملة حتى الوسائد الهوائية

تخيلو شعوري عندما حد يسألنب عن الباليو الآن او حتى عن اي سيارة فيات جديدة في مصر .....

و تخيلو لو جيت ابيع سيارتي علشان الحق نفسي و هي اصلا بالتقسيط مش كاش .. حبيعها لميبن و بكام دلوقتي ؟؟
وايه يضمني ان تزكيل ذي ده حيوفر قطع الغيار لسيارة لم تنتشر و سحبت من ااسوق في خلال سنة ؟؟

تخيلو بقى اي رد حقوله لحد يسألني...

مش طول عليكم .. حسبي الله و نعم الوكيل والحمد الله على النعمة

وأرجو ان المشرف ما يضايقش مني لو كررت نفس الموضوع ده في غرفة الفيات لتحذير الناس مش اكتر وكل واحد أدرى بمصلحته

[hazem_khidr]

حسبي الله و نعم الوكيل و الله زعلت عليك و ربنا يعوضك

[أبو عبدالله]

ماهو ده حضرتك اللي بنحاول نقوله للناس ونحاول نوعيهم انت حضرتك معلشي متزعلشي مني نصحت زميلك وانت لا تعرف شئ عن باقي السيارات اللي ينصح يا جماعه لازم يكون مجرب وعارف مش علشان هو اشترى عربيه ولقاها حلوه يبقى خلاص ....لأ
مش كده خالص كل واحد له وجهة نظر ومعلشي زي ا المثل بيقول القرد في عين أمه غزال ..........

ومع ذلك ربنا يعوض عليك وده مش اول توكيل يعمل كده ولكن في غيره مثل غبور كده

وبرضه كلمه اخيره في توكيلات محترمه بتحافظ على اسم عربياتها وانت طبعا عارفين زي مين واللي عربياته مش بترخص ولكن بتزيد ..............................

العربيه ليست منظر جيد وكماليات ............. وانما العربيه توكيل وصيانه وقطع غيار معمره وموفره

[CryptonX]

شكرا للردود
يــا أستاذ عبدالله انا لم ارشح الباليو لزميلي هو جاء الي سائلا عن سيارة في حدود ال 70الف جنيه كل الي عملته اني قلتله ماهي السيارات الي في الحدود ده حتى الصينية , سألني مش معنى الباليو جاوبته بصراحة ..

هو راح ساف معظم السيارات واقتنع بالباليو

و الفي الواقع انا قلتلو يشتري فيرنا ولكن هو رفض علشان عندهم واحدة بالفعل

ياريت يا جماعة الي يعرف زميل او قريب اه يمتلك باليو او سيينا 1300 لبرازيلي ان يدله هنا لأن التوكيل حتى لم يعلن عن زيادة مدة الضمان

[شريف]

فيات بونتو موديل 2008 ايطالي بالكامل 1300 كاملة ب 71

مش هى كانت ب 100 تقريبا ولا اية :?:
ولا دى كانت 1600 مثلا

[CryptonX]

98,000
Grand Punto not the Punto

[MohabSaeed]

Re: OMATRA توكيل فيات الجديد في مصر

أنا عضو جديد ومنتني لمنتدى السيارات الصينية منذ سنتين او اكثر
ولاحظت في جميع الجنسيات و الأديان نفس الشيء و احد يشتري عربية تطلع كويسة معاه يمدح فيها لأي حد يسأل واحد تاني حصل معاه مشاكل يقوم يمسح بيها الأرض لأي حد تاني , اتا طبعا بتكلم عن ناس جربو ا السيارت شخصيا مش اي كلام بيتقال ويترمي وخلاص

فلازم نعذر الجانبين الجانب المؤيد و الجانب المعارض

اديكم مثالا بسيطا انا مثلا شاب عندي 23 سنة , خريج كلية هندسة و لم امتلك سبارة من قبل سوا سيارة والدي الكورولا الله يرحمها !فلما تخرجت واشتغلت الحمد الله وجدت عروض التقسيط من كونتاكت جيدة جدا ومناسبة لي ..بعد مباحثات لمدة سنة كنت على وشك شراء شيري ايه11ولكن في اخر لحظةظهر توكيل فيات اعجبتني الباليو ال1300 لشكلها و موتورها جعلني انسى الضمان الرديء , سنة واحدة وقطع غيار الي في أسعار الفرنسي

المهم توكلت لى الله واشترتها .. ب68ألف جنبه أخذت نصيبي من الحوادث وما خلافه و الحمد االله وااسيارة جيدة جدا الحمد الله وعمات بيها 17ألف كيلو في اقل من سنة , والصيانة ممتازة في التوكيل وكل شيءباستثناء بس القطع الغيار غالية
المهم فضلت أرشح السيارة لكل السائلين عنها بكل أمانة وبخبرتي المكتسبة وان كانت ضئيلة جدا في عالم السيارات

ولسة من كام يوم رشحتها لصديق عزيز و بالفعل قام بشرائها ب70ألف جنيها
المهم كلنا فرحانين و سعيدين

ورحنا المعرض مع بعض
لأفاجئ بقنبلة التوكيل ! القنبلة التي فجرت كل حبي لفيات والسيارة

فيات باليو الشكل القديم بموتور 1500و جميع الكماليات ب64ألف جنيه و ضمان 3 سنوات و كمان صيني !
اتجننت و صاحبي اتجنن لافاجئ بالقنبلة النووية الأخرى فيات بونتو موديل 2008 ايطالي بالكامل 1300 كاملة ب 71 ألف جنيه ... كنت في نصف هدومي اولا لصديقي الواقف جنبي ولنفسي... حسيت انه اضحك عليا

المهم بعد ماتفرجنا و عرفت بقى خبر قضى علي نهائيا ان الباليو البرازيلي بتاعتي ال1300 مش حاتنزل مصر تاني

وقال ايه علشان منزعلش الضمان بتاعنا امتد من سنة ل 3 سنوات

يعني انا و صاحبي دفعنا 70 ألف جنبه تقريبا في سيارة المفروض انها رخيصة ومصممة للعالم الثالث لأكتشف اني ممكم كنت أركب السيارة الأيطاي الشهيرة ذات الأمان والجودة العالمية و التجهيزات الكاملة حتى الوسائد الهوائية

تخيلو شعوري عندما حد يسألنب عن الباليو الآن او حتى عن اي سيارة فيات جديدة في مصر .....

و تخيلو لو جيت ابيع سيارتي علشان الحق نفسي و هي اصلا بالتقسيط مش كاش .. حبيعها لميبن و بكام دلوقتي ؟؟
وايه يضمني ان تزكيل ذي ده حيوفر قطع الغيار لسيارة لم تنتشر و سحبت من ااسوق في خلال سنة ؟؟

تخيلو بقى اي رد حقوله لحد يسألني...

مش طول عليكم .. حسبي اللة و نعم الوكيل والحمد اللة على النعمة

وأرجو ان المشرف ما يضايقش مني لو كررت نفس الموضوع ده في غرفة الفيات لتحذيلا الناس مش اكتر وكل واحد أدرى بمصلحته

يا استاذى الفاضل ...

انتا المفروض ماتزعلش نهائى وحقولك لية .... وياريت محدش يتخنق منى انا حكلمكو بالمنطق وفى الاخر احكمو على كلامى

اولا انا حتكلم على حضرتك ... وحسيب صاحبك للاخر .... حضرتك جبت العربية من سنة ... وجبتها ب 68 الف جنية ... وساعتها اقرب المنافسين للباليو " الجيتز 1600 " كانت ب 77 الف جنية . يعنى الباليو كانت انسب عربية هاتش باك بالنسبة لسعرها وامكانيتها فى الفترة دية . واتباع منها كتييييييييير وانا شخصيا عجبتنى جدا .

ثانيا حضرتك بتقارن الباليو الى مع حضرتك " باليو فاير 1242 - 82 حصان - 16 صمام " بالباليو الصينى 1500 - 85 حصان " .. انا عاوز اقول لحضرتك ان اساسا مافيش وجة للمقارنة مابين الباليو الصينى والباليو فاير الى مع حضرتك ............ دية حاجة والتانية حاجة خالصصصصصص

انا كنت امبارح فى المعرض وشوفت الباليو الصينى ... عربية رديئة جداااااا الخامات المستخدمة فى الصالون رديئة جدا ... دة غير ان شكلها قديم جداااااااااااا ... انما الباليو فاير مشاء اللة نفس الصالون بتاع الالبيا .. بجد الخامات ممتازة و البلاستك المستخدم فى التبلوة ممتاز جدا جدا جدا ...

الحاجة المهمة جدا بقى علاشان حضرتك تعرف انة مضحكش عليك ... الموتور ال1500 بتاع الباليو الصينى ... مش موتور فيات دة موتور صينى .......... مافيش مواتير فيات " نهائى " 1500 " وانا متأكد من كلامى مليون فى المية دة موتور صينى .. فى الغالب هو موتور شيرى صينى ... لان فيات كانت علمت اتفاقية شراء محركات من شيرى وتركيبها فى سيارات فيات المصنعة فى الصين .
وبردة الكلام دة انا متأكد منة .

فى الاخر هما لية وقفو استيراد باليو فاير البرازيلى ... لانهم لما يستوردوها من الصين حيستوردوها بسعر قليل وحيعرفو يبعوها بهامش ربح كويس ... وغير كدة هو لعبو على الدماغ المصرية الى بتحب المواتير ال 1500 , 1600 ... بحيث انهم يحطوها فى مقارنة بالسعة اللترية مع الافيو والانوس . وبسعر مناسب وبكماليات معقولة .

بس صدقنى انتا المفروض تحمد ربنا لنك لحقت تشترى العربية الى معاك وبسعر كويس ... قبل مايوقفو استرادها .

وبالنسبة لصاحبك فهو اشتراها بأقل من سعرها الرسمى " الحالى " ب 3 الاف جنية ... فبردة ماضحكش علية

انا اتفق معاك فى نقطة .. ان فعلا البونتو MKII سعرهااااااا تحفةةةةةةةةةةةةةةةةةةةةةةةةةةةة جدااااااااااااا 71 بجد رخيصة وحتكسح السوق المصرى وحتقلب الموازين فعلا ..... بس انا عاوز اوضح نقطة " البونتو غير الجراند بونتو " البونتو الى فى المعرض دية ال MKII او الشكل القديم ... وهما فى ايطاليا لسة بينتجوها علاشان لسة عليها اقبال و رخصو سعرها جدا برة .

* ملحوظة .. مافيش حد فى الدنيا يقدر يخمن امتا العربية حترخص ولا امتا حتغلى ولا امتا حيوقفو استرادها ... يعنى فكرة انهم ينزلو البونتو القديمة بالسعر دة ..... مافش حد فى مصر كان يتخيل ان دة حيحصل . فماتلومش نفسك انك قولت لصاحبك هات باليو .. لانك اكيد ماكونتش تعرف ان البونتو حترخص ...... حتى انا "" مجنون الفيات "" مكونتش اتخيل انهم حينزلوها بالسعر المذهل دة .

* ملحوظة تانية .. موتور عربيت حضرتك وعربيت صاحبك هو هو نفس موتور البونتو ....1242 سىسى ونفس القدرة الخرج . 82 حصان .

حاجة اخير ... صدقنى عربيتك وعربيت صاحبك ما شاء اللة.. ممتازة ... وعملية جدا ... وكون ان فيات رخصو عربية" بونتو " علاشان يجذبو شريحة كبيرة من الناس ويحرقو السوق " على الجيتز والافيو " دة مش معناة ان عربيتك اى كلام وانك اتضحك عليك . دة غير ان هوندا عملت نفس الكلام مع السيتى ب 83 الف يعنى الى جاب سيتى ب 105 الف .. يزعل ويقول اتضحك عليا .. اكيد لا .. :roll:

........................ وانتظرو منى موضوع كامل بالصور عن جناح فيات"" الراااااائع "" فى اوتوماك ان شاء اللة قريبا .

واسف على الاطالة .

[hazem_khidr]

عشره علي عشره يا استاذ مهاب بجد و مستني موضوعك
انا من عشاق فيات برضه و اكيد انت عارف دا كويس و ان شاء الله نتقابل قريب

[Abonora]

تحليل منطقي جدا يا مهاب يليق بخبير في الفيات ، وانا كمان مستني موضوعك لاني ملحقتش اشوف جناح الفيات في المعرض
بس ده لا يغني من اننا نتعلم درس مهم جدا وهو ان توكيل العربية عامل اساسي (اكرر) اساسي في تقييم اي عربية وفي التفكير في قرار الشراء عشان كده انا شايف ان اسعار الديهاتسو الجديدة مش غاليه (كما يري البعض) لاني لازم احسب فرق توكيل وعربية زي ال BYD F3 غاليه (وان كانت افضل كاتقفيل وشكل وموتور من الاسبيرانزا)لاكن لازم يتخصم من سعرها فرق توكيل الامل (اللي هو اسواء توكيل علي حد علمي )

[MohabSaeed]

تحليل منطقي جدا يا مهاب يليق بخبير في الفيات ، وانا كمان مستني موضوعك لاني ملحقتش اشوف جناح الفيات في المعرض

ربنا يخليك يا ابو نورا ... الف شكر على كلامك الجميل .. وان شاء اللة .. الموضوع حظبطة فى اقرب وقت .
---------------------------------------

بس ده لا يغني من اننا نتعلم درس مهم جدا وهو ان توكيل العربية عامل اساسي (اكرر) اساسي في تقييم اي عربية وفي التفكير في قرار الشراء عشان كده انا شايف ان اسعار الديهاتسو الجديدة مش غاليه (كما يري البعض) لاني لازم احسب فرق توكيل وعربية زي ال BYD F3 غاليه (وان كانت افضل كاتقفيل وشكل وموتور من الاسبيرانزا)لاكن لازم يتخصم من سعرها فرق توكيل الامل (اللي هو اسواء توكيل علي حد علمي )

يا ابو نورا ... الدايهاتسو وبالاخص " الماتيرا " بجددد عربية وهمية ... الناس كلها شايفاها انها عربية قبيحة والى يقولك انها نقل موتى .... بجد العربية رائعة وعربية شبابى عائلية .. وكلمة شبابى دية هية الى كانت ناقصة فى الماتركس .. والماتيرا اوجدتها ... من كتر ما انا معجب بيها اقنعت واحد كان قعد جمبى فى الماتيرا فى المعرض انة يشتريها بردة كانت عاجباة جدا بس كان متحفظ على الشكل .. واقتنع بكلامى "" كان لازم اخد كومشن من دايهاتسو " :mrgreen: . وفعلا توكيل دايهاتسو .. اكتر توكيل محترم فى مصر .. دية نقطة لا جدال فيها مع انى ماتعملتش معاة بس اسم " عبد اللطيف جميل " بيعنى الكثير .
وبالنسبة لل BYD فهية فعلا احسن من الاسبرينزا " شيرى " بس متجمعة :mrgreen: تابلوة كورولا , مؤخرة اوبترا هاتش باك .. والفيس بتاعها بردة مفلد بس مش فاكر من انهى عربية .. بس حرام فيها الفلوس بأمانة
--------------------------------------------

عشره علي عشره يا استاذ مهاب بجد و مستني موضوعك
انا من عشاق فيات برضه و اكيد انت عارف دا كويس و ان شاء الله نتقابل قريب

_________________
حـــــــــــــازم خــــــــــضر

حازم باشا .............:) ربنا يخليك يا باشا شكرا على ذوقق وكلامك الجميل " دة شئ معهود من حضرتك " :)

طبعا يا باشا انا عارف انك فياتاوى قلبا وقالبا .. هو انا حنسى كلامك عن ال 132 :P

و ان شاء اللة نتقابل فى اقرب فرصة .. دة شئ يشرفنى ان اعرف انسان محترم زى حضرتك .

واعذرنى لو كنت مقصر معاك بس انا واللة بدخل على الموقع كل يادوبك 3 دقايق ابص على المواضيع ويادوبك لما بلاقى وقت برد .. " معلش لاننا بننقل لسكن جديد " . 8)

حقق عليا :)


---------------------------------

حاجة اخيرة للاستاذ " CryptonX " ياريت حضرتك تشوف الفايل دة ..

Fiat Palio Fire - Presentation

دة عرض عن الفيات باليو .. وكان جزء من مشروع التخرج بتاعى السنة الى فاتت .

طبعا الكلام مش للاستاذ " CryptonX " بس دة لكل الناس ... نزلو الفايل واتفرجو علية :mrgreen:

[hazem_khidr]

حازم باشا ............. ربنا يخليك يا باشا شكرا على ذوقق وكلامك الجميل " دة شئ معهود من حضرتك "

طبعا يا باشا انا عارف انك فياتاوى قلبا وقالبا .. هو انا حنسى كلامك عن ال 132

و ان شاء اللة نتقابل فى اقرب فرصة .. دة شئ يشرفنى ان اعرف انسان محترم زى حضرتك .

واعذرنى لو كنت مقصر معاك بس انا واللة بدخل على الموقع كل يادوبك 3 دقايق ابص على المواضيع ويادوبك لما بلاقى وقت برد .. " معلش لاننا بننقل لسكن جديد " .

حقق عليا

يا باشا كلامك دا مش عارف ارد عليه الصراحه وانت اللي انسان زوق و زي العسل الصراحه و ان شاء الله نتقابل قريب و الف مبروك السكن الجديد و ليا عزومه علي الغدا عندك في الشقه الجديده

[mohamed el hussien]

برافو عليك يا مهاب
من احلي واقنع الردود في تاريخ المنتدي
فعلا انت اقنعتني انا شخصيا
وانا عمري ما حبيت الباليو ولا البونتو الجديدة مش الجراند
خلتني اقتنع بيهم
:mrgreen:

[CryptonX]

شكرا جزيلا على الرد يا أستاذ مهاب ولكن المشكلة ليست بالسيارة , الحمد الله انا معجب بيها حتى الان المشكلة في التوكيل سيء جدا لدرجة ان احد أشهر موزعيه (أوتوميش) بطل يحط عربيات فيات في معرضه و بيقولي انهم توكيل (مبتدئين) و بعدين ان الحمد الله عملت حادثة جامدة بعد استلام السيارة بنص ساعة فضلت راكنة عند السمكري شهرين (السنة الي فاتت اول مالعربية نزلت) علشان التوكيل المحترم ماجبش الفوانيس و الكماليات الخاصة بالسيارة لدرجت اني خات الفانوس المدغدغ لصمته بنفسي و رحت لشركة بلاستيك علشان تصبلي الوس .. ولحد دلوقتي مغيرتوش لأن التوكيل المحترم عايز يقنقني ان السيارة المصممة لدول العالم الثالث بتاعتي فانوسها الأمامي ب900 جنيه مصري

و مع احترامي لمعلومات حضرتك البونتو و الجراند بونتو مازالوا في خطوط الانتاج الايطالي وتباع في ايطاليا وهي من قدام تقريبا متغيرتش بس من ورة مختلفة عن البونتو الأخيرة

أشكرك بشدة لردك ومواستك اذا صح التعبير :) وشكرا على عرض البوربوينت الشيق

الكتالوج الايطالي للفيات بونتو 2008
http://www.fiat.it/FIAT_ITALIA/uploa...ssic_8p_OK.pdf .



اسف على الغلطات الملائية ياجماعة و لكني بطيئ جدا في الكتابة بالغة العربية
Thank you again .

[MohabSaeed]

و ليا عزومه علي الغدا عندك في الشقه الجديده

انتا تأمر وتنور يا باشا .. " بس البيبسى عليك " :mrgreen: .. وكفاية بقى كلام حلو فى حقى دة كتير عليا يا حازم باشا :D ..
-----------------------------------------------------------

برافو عليك يا مهاب
من احلي واقنع الردود في تاريخ المنتدي
فعلا انت اقنعتني انا شخصيا
وانا عمري ما حبيت الباليو ولا البونتو الجديدة مش الجراند
خلتني اقتنع بيهم

واللة يا استاذ محمد الكلام دية كتير عليا اوى . ربنا يخليك .. وبجد متشكر جدا لذوقق

--------------------------------------------------

شكرا جزيلا على الرد يا أستاذ مهاب ولكن المشكلة ليست بالسيارة , الحمد الله انا معجب بيها حتى الان المشكلة في التوكيل سيء جدا لدرجة ان احد أشهر موزعيه (أوتوميش) بطل يحط عربيات فيات في معرضه و بيقولي انهم توكيل (مبتدئين)

العفو يا باشا ... انا معاك ان التوكيل .. فى حالة من التخبط فى طرح الموديلات وسياسة التسعير ... ودة كل الى اعرفة عن التوكيل لانى طبعا متعاملتش معاة ... الى اعرفة ان بدايو اوماترا كانت فى السعودية لتسويق سيارات فيات النقل الخفيف " Fiat LCV " ولما خدو توكيل فيات كان اول مرة يتعاملة مع سيارات الركوب !! :roll:

---------------------------------------------------------------------

و بعدين ان الحمد الله عملت حادثة جامدة بعد استلام السيارة بنص ساعة فضلت راكنة عند السمكري شهرين (السنة الي فاتت اول مالعربية نزلت) علشان التوكيل المحترم ماجبش الفوانيس و الكماليات الخاصة بالسيارة لدرجت اني خات الفانوس المدغدغ لصمته بنفسي و رحت لشركة بلاستيك علشان تصبلي الوس .. ولحد دلوقتي مغيرتوش لأن التوكيل المحترم عايز يقنقني ان السيارة المصممة لدول العالم الثالث بتاعتي فانوسها الأمامي ب900 جنيه مصري

طبعا دة خطأ " غبى جدا من التوكيل " .. لان اى توكيل محترم بينزل قطع الغيار قبل ماينزل العربية اساسا .

بس حضرتك ماجربتش تشوف الفانوس برة بكام ... عند الكيلانى مثلا الكيلانى بيجيب حاجات سعات مش بتكون عن التوكيل " انا شوفت عندة فوانيس وقطع قيار الفاروميو " ممكن تستفسر هناك على الموضوع دة

------------------------------------------------------------

و مع احترامي لمعلومات حضرتك البونتو و الجراند بونتو مازالوا في خطوط الانتاج الايطالي وتباع في ايطاليا وهي من قدام تقريبا متغيرتش بس من ورة مختلفة عن البونتو الأخيرة

مافيش اختلاف مابين كلامى وكلامك .......... :) حضرتك قولت نفس كلامى انا قولت ..

ان فعلا البونتو MKII سعرهااااااا تحفةةةةةةةةةةةةةةةةةةةةةةةةةةةة جدااااااااااااا 71 بجد رخيصة وحتكسح السوق المصرى وحتقلب الموازين فعلا ..... بس انا عاوز اوضح نقطة " البونتو غير الجراند بونتو " البونتو الى فى المعرض دية ال MKII او الشكل القديم ... وهما فى ايطاليا لسة بينتجوها علاشان لسة عليها اقبال و رخصو سعرها جدا برة .

هية فعلا البونتو موديل 2003 .. مع بعض التغيرات وبرة بيتطلقو عليها MKII


--------------------------------------

أشكرك بشدة لردك ومواستك اذا صح التعبير

العفو يا باشا وانا كل قصدى انك ماتضايقش ... وعماتا 70 % من التوكيلات الى فى مصر .. خدمتها سيئة جدا ...

بس فى النهاية ... ان شاء اللة انا حاسس اننا حنشوف عريبات فيات" حديثة " كتير ماشية فى الشوارع المصرية :roll:
دة غير ان التوكيل ملزم بتحسين الخدمة وتحقيق مبيعات .. والى شركة فيات فى ايطاليا حتسحب منة التوكيل .

[CryptonX]

شكرا مرة أخرى

للأسف لقيتو عند الكيلاني ب 850 جنيه , ماروحناش بعيد