قول رأيك فى وكيل صيانة فيات شامل كل شئ

[samaha]

1- الكفاءه فى اداء العمل او تصليح العطل
2- المصنعيه
3- قطع الغيار
4- الوقت الذى يستهلكه لأداء تصليح العطل
5- المعامله
6- كل شئ لاحظته فى مركز الصيانه مع وضع عنواين مراكز الصيانه

[CryptonX]

1- الكفاءه فى اداء العمل او تصليح العطل
2- المصنعيه
3- قطع الغيار
4- الوقت الذى يستهلكه لأداء تصليح العطل
5- المعامله
6- كل شئ لاحظته فى مركز الصيانه مع وضع عنواين مراكز الصيانه

1. جيدة
2. غالية ( بس فيها فصال ) - المهندسين محترمين جدا و فاهمين كويس
3. غالية زيها زي الفولكس متثلا - انسى انها فيات فبتقى رخيصة .
4. ممتازة ( اي عطل قابلني السيارة لم تتعدى 5-6 ساعات شغل ) ,
5. ممتازة - كما قلت المنهندسين محترمين جدا .
6. مركز الصيانة الجديد في جسر السويس - نضيف جدا و فيه قاعة استراحة مكيفة بها شاشا كبيرة و تكيف و كافتريا صغيرةو حمامين- كما انها تطل بنافذة زجاجية علي الورش كلها و ممكن تشوف سيارتك و هما شغالين فيها
مواعيد العمل من 9 صباحا الي 5 ماعدا الجمعة .

مكانها بالظبط امام سوق القنال الدولي امتداد - جسر السويس .

المركز التاني و ده رحته مرة واحدة :
شركة النيل الهندسية باابو رواش - و دول كانو تبع التوكيل الفديم بس دلوقتي معتمدين للسيارات الجديدة .

انا رحتلهم مرتين و بصراحة كان في منتهى الذوق و الاحترام و كان في عطل في ماستر دبيراج السيارة اتغير في الضمان كاملا و لم استغرق اكتر من 5 ساعات

المركز ده اقل حداثة من بتاع جسر السويس بس اكبر بكتير جدا و اوسع و ملتصق في مبنى اوماترا .

المركز التالت الي رحته هو :
امير و جوزيف - شارع ابو داود الظاهري - مدينة نصر

و دول مركز صيانة معتندين لفيات و الفا و سيتروين و بروتون .

يتميزو بحرفية عالية جدا جدا و دقة في الغشل و نضافة مشفتهاش في التوكيل والله حتى و اسعار قطع الغيار هي اسعار التوكيل - بس بياخدوا وقت اكتر و مصنعيات اغلي سنة .

انا قمن بعمل صيانة ال 5000 مجانا عندهم .

قطع الغيار متوفرة خارج التوكيل في شارع دمشق و شارع شامبليون .

[karimalaa]

بالنسبة لتوكيل اسكندرية سيئ جدا جدا جدا رحنا نعمل صيانة ال5000 من على الباب قابلوا لأ مفبيش صيانة 5000 أول صيانة عند ال10000 رحنا نعمل صيانة ال10000 خدمة سيئة جدا جدا و اللي هناك مش فاهمين حاجة خالص.كنا مركبين انذار و سنترال لوك بره التوكيل فمهندس قللي انت ايه اللي خلاك تركب انذار بره احنا كده لازم نشيك على العربية و الكارتة والا تبقى بره الضمان قلتلهم ماشي.راح مشيك وقاللي صوابع السنتر ديه متركبة غلط(عشان زي ما انتو عرفين السقاطة بتاعتها تزق الاكرة اللي بتفتح منها الباب لجوة) قالولي حنغير وضعها عشان متركبة غلط قلتلبهم هي شغالة كويس مافيهاش حاجة قالي لأ حنعملهالك زي الأصلي قلتله ماشي عملها و عمل صيانة ال10000 و قال الحساب 780جم!!!! مش مشكلة دفعت عادي و مشيت. يومين كده لقيت الباب اللي ورة بيفتح مع السنتر و بعديها بيوم السنتر وقف خالص رجعتلهم تاني قلولي خلاص صلحناه و أول ما رجعت البيت ما قفلتش و كانت الدنيا بتشتي لقيت الباب اللي وره اللي كان بيفتح مع السنتر بيدخل ميه فكلمتهم قالولي العربية مخصصة انها تسرب المية من تحت تلاقي الفتحة مسدودة فدخلت على جوه رجعتها تاني للكهربائي في قللي كده متركبة غلط و رجعها تاني اشتغلت زي الفل. وبعد ما رجعت البيت بابص في دفتر الضمان لقيت في صيانة 5000 و هما علموا عليها رحت باعت شكوى لأوماترا في القاهرة اتصل بيا واحد محترم جدا و بيقوللي احنا اسفين عللي حصل حضرتك تعللنا مركز الصيانة و نشوف المشكلة رحتلهم في صيانة ال15000 اخر نضافة بس اخدو 890جم و قاللي على الباب اللي بيدخل مية ان حد عوجه بس مش خبطة بس الحمد لله رجعه زي ما كان و عدله. يعني مفيش غير توكيل اسكندرية اللي عملو كده(صعبت عليا قوي العربية في البهدلة اللي اتبهدلتها بس ما شاء الله ماشية زي الفل لحد دلوقتي ولا كلت ولا ملت الحمد لله و هي عاملة 23425كم تقريبا.