عاوز اسقط موتور فى عربية 127

[checo4lamor]

سلام عليكم

انا كنت عاوز اسال الناس العتولة بتوع الفيت عن موتور يركب فى فيات 127 فيورة الى هى مكنتها 950 سىسى 4 غيار يكون قوى يطلع من عربيات الهيونداى فيرنا و هكذا و ميفشخش العربية و ايه الى اعملو عشان العربية متفسخش و هل فى تعديل جامد فى العفشة هيكون ضرورى و ياريت لو اعرف الاسعار ايه


انا سمعت عن كام موتور

اونو بس مش عارف بيبقا كام سى سى عشان مرة حد يقولى 1300 و مرة اقلل فا معنتش فاهم حاجة

لنشة 1600 و تمبرا 1600 و بونتو 1400 تربو و فى حاجات تنية بس مش فكرها انا عاوز مكنة اهم شىء تكون قطع غيرها موجودة و متفسخش العربية

[checo4lamor]

على فكرة يا جماعة قبل ما حد يقولى حاجة عن موضوع التفسيخ فى العربية شوفو الفديو ده و فهمونى ده ايه بظبط


la bola del chufy va al rolo - YouTube




و ياريت حد يقولى هو التمبرا ال 1600 كام هورس بور و ال 1400 كام

و الاونو ال 1300 كام و الاونو ال 1300 تربو و

و الريجاتا ال 1500

[aliyehia]

ادخل على قسم التعديلات فيه مشاركه مثبته بخصوص تسقيط المواتير لمختلف السيارات

[checo4lamor]

الف شكر يا معلم انا هدور عليها بس ياريت لو تجبلى اللينك عشان لو معرفتش اوصلها و شكرا جزيلا ليك

[checo4lamor]

اظاهر ان محدش بيفهم فى ال 127 هنا ماشى يا جماعة اسف انى دخلت المكان الغلط

سلام عليكم

[مواطن مصرى]

لو ركبت موتور اكثر من 1000 سى سى على 127 حاله الشاسيه فيها مش تمام العربيه هتضيع

الناس فى الفيديوهات دى بتوع التعديل عاملين تقويات للشاسيه و مغيرين حاجات كثير قبل ما يركبولها الموتور 1300 و لو حسبتها صح هتلاقى ان تكلفه اللى عملوه اكثر من ثمن العربيه اللى معاك فارجو ان تنسى افلام التعديل دى

عايز الصح : ركب مكنه الاونو 1000 سى سى بالفتيس بتاعها بس هتحتاج تعدل فى الحوض و الفتيس و تركب سيرفو او ركب نفس المكنه اللى راكبه 955 سى سى و ريح دماغك (شيل دى و ركب دى و خلاص)

[semsem_uno]

بص يا زميلي
ميزانيتك كام الأول علشان الواحد يعرف يحدد !؟
و كل المواتير اللي هتنزل عندك هتكون بتاعة اونو علشان متبعزقش العربية
لو عايز حاجة تخيط بيها الفيرنا يبقى 1300 اونو هيكون كويس اوي عليها
او البونتو ال1242 سي سي كامة واحدة مش 2 لأن في 1242 بس 2 كامة و ده بيطير عربيات وزنها كاسر الطن و الموتورين انجكشن و وقتها مش عايز اقوللك ممكن تعمل ايه في الفيرنا يا صاحبي
و تعمل بار من البطاحة للبطاحة قدام و من اخر فردة الشاسيه اليمين لفردة الشاسيه الشمال قدام برده
و انسى العربية و امسك الدركسيون كويس
و اللي قاللك 1600 ده عايزك تموت جواها لأن علشان تعمل حاجة زي ديه محتاج تحزم العربية من تحت و 4 مساعدين اسبور بالسوست بتاعتهم و طنابير و سيرفو اكبر علشان تعرف توقفها بوزنها الريشة ده

[yoko]

انا لو مكانك أستغل فرصه إن لؤي بيبع عربيته ال127 التربو 194 حصان هشتريها منه وابيع الي معايا (اسهل واضمن)
وساعتها مش هتفكر تجري مع فرنا لأ إنت هتخلي الفئة السابعة مش عارفيين يجيبوك ولا ميني كوبر إس ولا أي حاجة من الكلام ده هيعرف يقف قصادك

[checo4lamor]

ولله يا ريس انا بدل ما اشترى اعمل فى عربيتى واحدة واحدة اصل انا عارف عربيتى و عارف حلتها لما اعملها على ايدى احسن برضو و بعدين مشوار البيعو الشرا رخم مش فى يم و ليلة بينى و بينك حوار طويل يعنى بالنسبة للاخ العزيز سمسم الف شكر ليك يا معلم طيب بالنسبة لموتور الاونو الكربرتير ال تربو ولا هو بيبقا انجكشن ولا ايه ال 1400 ايه نظامه و بيعمل كام و انا كنت ناوى اركب على العربية جنت 14 و اوطيها مش ده هيثبتها شوية ولا ايه

[checo4lamor]

طيب هو المسعدين الاسبور بتوعها بكام و شغل العفسة ده يتعمل ازاى و يكلف كام بظبط

[checo4lamor]

طيب فى حد يعرف سعر الموتور ال 1400 التربو بتاع الاونو و محتاج ايه بظبط عشان ميفسخش العربية و الموتور البينتو ده بكام وقطع غيارو موجودة ولا لا لان فى ناس بتشتكى من العربية دى بسبب قطع غيرها و برضو موتور الاونو التربو قطع غيارو موجودة و لا لا و هى هى نفسها بتعت الاونو العادية طبعا مش قصدى قطع الداخلية للموتور لا الخارجية

[checo4lamor]

انا لو مكانك أستغل فرصه إن لؤي بيبع عربيته ال127 التربو 194 حصان هشتريها منه وابيع الي معايا (اسهل واضمن)
وساعتها مش هتفكر تجري مع فرنا لأ إنت هتخلي الفئة السابعة مش عارفيين يجيبوك ولا ميني كوبر إس ولا أي حاجة من الكلام ده هيعرف يقف قصادك

هو يا باشا مش لؤى ده اىل معاه فيات 500 ايه ال 127 الى معاه دى كمان هو بيبيع عرباتو كلها ولا ايه طيب ممكن تدينى اى حاجة اوصلو بيها اعرف هو عامل ايه فى عربيتو بظبط

[fiatawy]

هى الفكرة مش كدة بس انا محتاج اسيل فلوس عشان داخل فى مشروع و محتاج فلوس عشان كدة ببيع . دى نمرة الموبيل بتاعتى 01111501502 تحت امرك فى اى استفسار

[checo4lamor]

هى الفكرة مش كدة بس انا محتاج اسيل فلوس عشان داخل فى مشروع و محتاج فلوس عشان كدة ببيع . دى نمرة الموبيل بتاعتى 01111501502 تحت امرك فى اى استفسار

تمام يا ريس انا هتصل بيك لان العربية عندى المكنة راحت و فكتها و قدامى يا اعمرها يا اجيب مكنة فا هتصل استفسر منك اعمل ايه بظبط و الف شكر ليك يا معلم على سرعة الاستجابة

[makarhn]

أنا من رأيى الخاص متركبش موتور عربية على عربية تانية
المكنة 950 cc بتاعة 127 ألى عايز تغيرها دى بقوة 44 حصان ولو المكنة سليمة بتطير العربية مع وزن العربية الخفيف جدا 680 كيلو وأنا بنفسى جبت بيها 130 كم ودى أقصى سرعة للموتور دة
لو عايز تغيرة تجيب مكنة 127 sport ودى 1050cc بقوة 70 حصان ودى مع وزن العربية بتكون طيارة وسرعتها القصوى 160كم
دى هتخليك بنفس قوةpower to weight ratio لل مينى كوبر s وأعتقد أن دة أقصى قوة ممكنة تتحملها بأمان الشاسية لل127