انا عايز اشتري فيات ريجاتا يا ريت حد يقولي ايه رأيه فيها؟

[أبومعاذ]

فانوس الشاهين بيركب مكان فانوس الريجاتا بالظبط من غير اي تعديلات
الفانوس بتاع النوفا الريجاتا كامل بالنواكل بيتباع في عزبة شلبي من 90 لحد 120 ج و انت و شطارتك

[regata85]

الريجاتا جميلة بس... محتاجه منك الى مجهود للحفاظ عليها فى حالة جيدة وانت عارف ان الحذر لا يغنى عن القدر... السيارة كلاسيك وقوية تتماشى مع متطلبات و سيارات الوقت الحالى الشاهين وغيره فاهمنى ها... يؤخذ عليها:
- الهيكل الخارجى والشاسيه قابل للصدأ السريع لذا الحرص عند استخدامك للمياه بشكل مفرط و متكرر بغرض غسل السيارة لا سيما فى فصل الشتاء حيث الرطوبة و الأمطار
- التابلوه و الفبر الخرجى قابل للكسر اذا ما فكرت تغسل فى محطة بنزين مثلآ وهذا عن تجربة شخصية
- سخونة المحرك مشكلة معظم سائقى فيات القديم
- الكبالن

فى النهاية السيارة جيده مع اللأخذ فى الاءعتبار ما سبق واتمنى لك اخى التوفيق فى اءقتناء فيات ريجاتا بحالة جيدة و"قل لن يصيبنا اءلا ما كتب الله لنا"

[wael_elgamal]

انا عندى واحده

السلا عليكم و رحمه الله
أنا حماتى عندها ريجاتا حالته فوق الممتازه وعامله58000كم بس و محركها بحالته فعلا و أكيد اللى هايشفها هايقول كده , و هى بتستعملها من فتره طويله استعمال ضعيف جدا مره او مرتين فى الاسبوع (من البيت فى مساكن شيراتون للشغل فى المطار ) لأن معاها عربيه الشغل كورولا 2006 بالسائق و اقترحت عليها تبيعها بدل وقوفها تحت بدون سبب .

لو كنت لسه مشتريتش و عاوز تشوفها ممكن نرتب .

[Karim_Mohy]

ممكن يا وائل اعرف انت بتتكلم في كام و موديل كام ؟

[ZALABANY]

ياريت تقولنا العربية موديل كام وحالتها ايه وكماليتها ايه لو الأستاذ kkkkkkkkkkkkkkkkkkkمش ناوي يشوفها ممكن نشوفها دي في حالة انه صرف نظر
"لا يبيع أحدطك على بيع أخيه"

[أبومعاذ]

ياريت تقولنا العربية موديل كام وحالتها ايه وكماليتها ايه لو الأستاذ kkkkkkkkkkkkkkkkkkkمش ناوي يشوفها ممكن نشوفها دي في حالة انه صرف نظر
"لا يبيع أحدكم على بيع أخيه"

دا في حالة اذا كان البائع و المشتري اتفقوا و عقد البيع بينهم تم حتى ولو بكلمة اتفاق لكن مادام لسة مفيش اتفاق على البيع يبقى تقدر تشوفها عادي و الله اعلم

[Karim_Mohy]

زي الاستاذ محمد عيسي ما قال لسه ما حدش اتفق بس الاستاذ وائل يرد و بعدين يا استاذ زلباني عربيتي عربيتك ربنا يكرمنا بحاجة نظيفة

[yasserprince]

طبعا بعد الى اتقال مش لاقى حاجة اقولها غير انها سيارة اكثر من ممتازة و الله
وموفرة جدا فى استهلاك البنزين و موتورها معمر جدا من 85 معايا و لحد دلوقت الخمد لله الموتور ستاندر ومعلمتلوش غير طقم شنبر كصيانة
و على الطريق اسد و اى عربية بتعملك الف حساب زى مسبعاوى قال بالضبط
اتوكل على الله اشتريها و انت مطمن بس شوف سمكرى يكشف عليها قبل الشراء عشان البارومة