صوت ابن تييييت في العربيه ... وغالبا الشكمان " ارجو سرعه الرد "

[moh.aboelkheir]

السلام عليكم
انا يا جماعه بحط بنزين ٩٥ و اتضطريت احط امبارح ٩٢ علشان مكنش فيه ٩٥ خالص ... الفكره بعدها كلت مطب هواء واكل زيه قبل كده و محصلش حاجه ... المهم بعد الحوارات ديه طلع صوت من العربيه اكن واحد بيكح كده اثناء الكبس .. و صوت العربيه عليي ...مع العلم ان السحب مقلش .. و حبت بالعربيه ١٨٠ كمان في وقت قياسي على سبيل التجربه ... حدش يعرف ايه ده ؟؟؟ اخويا قاللي علبه البيئه ممكن تكون اتخبطت و عايزه تتريط ؟؟

[windofchange]

هو الموتور البنزين ال recommended ليه ايه ؟ 92 ولا 95؟

[moh.aboelkheir]

هو الموتور البنزين ال recommended ليه ايه ؟ 92 ولا 95؟

95 افضل لكن ٩٢ عادي .. و بالاضافه انا حيطت octane booster !

[yoko]

كارتيره خابطه في حاجة (الصوت مع السرعة ولا الكبس بس)

[moh.aboelkheir]

الصوت مع السرعه و بعد ار بي ام ٣ !

[windofchange]

ممكن لا قدر الله يكون حاجة حصلت في علبة البيئة والله اعلم ودي عايزة شكمنجي امين ينزل تحت العربية وانت بتزود يسمع الصوت طالع منين

[Ghamrawy]

علبة البيئة فوق فوق فوق بعيده عن اى حاجة
لو العربية اتخبطت من تحت شوف السوسته بتاعت الشكمان

[yoko]

لو صوت زنه يبقى سوسته شكمان أو العلبة الوسطانيه وإستحاله علبة البيئه لإنها بعيده جدا عندنا

[MNabeih]

علبة البيئة فوق فوق فوق بعيده عن اى حاجة
لو العربية اتخبطت من تحت شوف السوسته بتاعت الشكمان

الله ينور
و بص علي الفلانجة اللي بعد ال down pipe علي طووول اللي في اول الشكمان ممكن يكون مسمار اتكسر و بينفس مع الكبس

[Formulator]

علبة البيئة فوق فوق فوق بعيده عن اى حاجة
لو العربية اتخبطت من تحت شوف السوسته بتاعت الشكمان

+111111
الـCatalytic فووووووووق بعد الـManifold بتاع الـExhaust.. تقريبا راكب بالطول (مايل سيكا).
أعتقد هى السوستة,
لأنه بيقول ان الصوت مش بيبان الا فوق 3000rpm.. يعنى لما يكون الـVibration بتاع الشكمان عااااااااااالى.

[moh.aboelkheir]

شكرا على الردود الوفيه ... و الحمد لله رفعت العربيه لقيت الحديده اللي جايه كروس هيا اللي عامله المشكله " كانت ضغطه على الشكمان " و الصوت راح الحمد لله :)

[handtools123]

مبروك على حل المشكلة

[handtools123]

أزى حضرتك الأول أتمنا ان تكون بخير دائما وأفضل حال

أنا عندى مشكله بسمع صوت زى ما يكون الشكمان مخروم بسمعها من تحت الفتيس بس أدام شويتين كده من عند بداية الشكمان و أول الصوت ده ما حصل العربية بقت مكتومة وسحبها ضعيف وبتمشى بالعافية
فهل ده جوان فرن الشكمان ولا فين المشكله أرجو المساعده من خبرة حضرتك

[MohssenRashed]

أزى حضرتك الأول أتمنا ان تكون بخير دائما وأفضل حال

أنا عندى مشكله بسمع صوت زى ما يكون الشكمان مخروم بسمعها من تحت الفتيس بس أدام شويتين كده من عند بداية الشكمان و أول الصوت ده ما حصل العربية بقت مكتومة وسحبها ضعيف وبتمشى بالعافية
فهل ده جوان فرن الشكمان ولا فين المشكله أرجو المساعده من خبرة حضرتك

احتمال كبير سوستة الشكمان و عشان تتأكد افتح الكبوت هتسمع صوت تنفيس.